परमेश्वरको मण्डली विश्व सुसमाचार समाज

परमेश्वरको मण्डली विश्व सुसमाचार समाज
	कोरियामा परमेश्वरको मण्डली, नयाँ यरूशलेम फान्ग्यो मन्दिर
संस्थापक	आन साङ होङज्यू
स्थापना (वर्ष)	सन् १९६४
स्थापना (स्थान)	गणतन्त्र कोरिया
वर्गीकरण	धार्मिक संस्था
धर्मशास्त्र	पवित्र बाइबल
उद्देश्य	आराधना, सुसमाचार प्रचार, समाज सेवा
महासचिव	पास्टर गिम जु छल
प्रधान कार्यालय	परमेश्वरको मण्डलीको प्रधान कार्यालय; गणतन्त्र कोरिया, ग्यङगि-दो, सङनाम-सि, बुन्दाङ-गु, WMC
प्रतिनिधि मण्डली	नयाँ यरूशलेम फान्ग्यो मन्दिर
गतिविधि क्षेत्र	विश्वभरिका १७५ वटा देशहरू
मापन	विश्वभरि ७,५०० वटा मण्डलीहरूमा दर्तित सदस्यहरू करीब ३७ लाख जना
वेबसाइट	परमेश्वरको मण्डलीको आधिकारिक वेबसाइट
युट्युब च्यानल	परमेश्वरको मण्डलीको आधिकारिक युट्युब
	परमेश्वरको मण्डली विश्व सुसमाचार समाजको लोगो
	कोरियामा परमेश्वरको मण्डलीहरू
	विश्वमा परमेश्वरको मण्डलीहरू
	प्रधान कार्यालयका निकायहरू

परमेश्वरको मण्डली विश्व सुसमाचार समाज (यस उप्रान्त ‘परमेश्वरको मण्डली’)लाई सन् १९६४मा आन साङ होङज्यूले स्थापना गर्नुभयो । यो मण्डलीले बाइबलअनुसार पिता परमेश्वर र माता परमेश्वरलाई विश्वास गर्दछ र उहाँहरूको शिक्षालाई पछ्याउँदछ । योचाहिँ २,००० वर्षअघि येशू ख्रीष्ट जानुभएको अनि पत्रुस, यूहन्ना र पावलजस्ता प्रेरितहरू गएका सुरुको मण्डलीको मूल शिक्षालाई जस्ताको तस्तै पछ्याउने मण्डली हो । स्थापना भएको ६० वर्षभित्र १७५ वटा देशहरूमा करीब ७,५०० वटा मण्डलीहरू गरेर यो विश्वव्यापी रूपमा विस्तार भएको छ ।^[१] दर्तित सदस्यहरूको संख्या सन् २०२४ फेब्रुअरीसम्ममा ३७ लाख पुगेको छ ।

परमेश्वरको मण्डलीले, येशूज्यूले सिकाउनुभएको नयाँ करारको सत्यता र सुरुको मण्डलीको विश्वास पुनर्स्थापन गर्नुको साथै पिता परमेश्वर र माता परमेश्वरको प्रेमद्वारा सारा संसारका मानव-जातिलाई मुक्तिको सत्यता र खुशी बाँड्ने उद्देश्यका साथ प्रचार र स्वयंसेवाको कार्य गर्दछ । मण्डलीका सन्तहरूले परमेश्वरका सन्तान भएअनुरूप आफ्नो परिवार, छिमेकी, समुदाय र देशप्रति सकारात्मक योगदान पुऱ्याउन सक्दो कोसिस गर्दै, ख्रीष्टको ईश्वरीय स्वभावमा सहभागी हुन आफ्नो स्वभावलाई निर्खान प्रयत्न गर्छन् । त्यो परिश्रम र योगदानको कदरस्वरूप परमेश्वरको मण्डलीले कोरियाको राष्ट्रपतीय सङ्गठन प्रशंसा-पत्र^[२], बेलायती महारानी स्वयंसेवा अवार्ड^[३], अमेरिकी राष्ट्रपतीय स्वयंसेवा अवार्ड^[२], ब्राजिलियन विधायिकी पदक^[४] लगायत अन्य विभिन्न सरकारी निकाय तथा संस्थाहरूबाट करीब ४,२०० वटा अवार्डहरू प्राप्त गरेको छ ।

परमेश्वरको मण्डली विश्व सुसमाचार समाजको वर्तमान अवस्था

कोरियाभित्रका पदासीन तथा जिम्मावाल सदस्यहरू लगायत विदेशी सन्तको भ्रमण टोली ओग्छन गो एन्ड कम प्रशिक्षण प्रतिष्ठानमा भेला भए ।

गणतन्त्र कोरिया(यस उप्रान्त ‘कोरिया’)मा रहेको प्रधान कार्यालय र प्रतिनिधि मण्डलीलाई केन्द्र बनाउँदै, परमेश्वरको मण्डली विश्वका १७५ वटा देशहरूमा ७,५०० वटाभन्दा बढी विस्तार भएको छ । कोरियामा मात्र पनि राजधानी सउलमा, ६ वटा महानगरपालिकाहरूमा, सेजोङ विशेष स्वशासित सहरमा र अन्य ९ वटा प्रदेशहरूमा ४०० वटाभन्दा बढी मण्डलीहरू छन् । यसको प्रधान कार्यालय ग्यङगि-दो, सङनाम-सि, बुन्दाङ-गुमा अवस्थित छ र प्रतिनिधि मण्डली नयाँ यरूशलेम फान्ग्यो मन्दिरचाहिँ प्रधान कार्यालय नजिकैको फान्ग्यो न्यु टाउनमा अवस्थित छ । कोरियामा विश्वभरिका सन्तहरूको शिक्षण तथा कार्यक्रमको लागि ओग्छन, यङदोङ, सेजोङ, योङिन र सग्विफोमा ५ वटा प्रशिक्षण प्रतिष्ठानहरू छन् ।

सन् २००१को प्रारम्भदेखि विदेशी सन्त कोरिया भ्रमण टोली कार्यक्रमअन्तर्गत प्रत्येक वर्ष विश्वभरिबाट १,५०० जना जति सन्तहरूले निरन्तर कोरियाको भ्रमण गर्दैआएका छन् । हाम्रो विश्वभरिका करीब ३७ लाख जना सन्तहरूले विभिन्न प्राकृतिक प्रकोप तथा मानव हितको निम्ति विश्वव्यापी गाउँमा स्वयंसेवा तथा मिशनहरू गर्ने गर्छन् ।

प्रतिष्ठान र सुविधा-स्थलहरू

परमेश्वरको मण्डलीको कार्यालय

प्रधान कार्यालय

प्रधान कार्यालयचाहिँ आराधना, प्रचार, शिक्षा, प्रशासन, कम्प्युटिङ जस्ता क्षेत्रहरूमा विश्वभरिका सबै मण्डलीहरू र सन्तहरूलाई विश्वासको साँचो जीवन बिताउन समर्थन गर्ने, अनि परमेश्वरको इच्छालाई सही तरिकाले कार्यान्वयन गर्न मद्दत गरेर विश्व सुसमाचारलाई नेतृत्व गर्ने परमेश्वरको मण्डलीको प्रतिनिधि संस्था हो । “जाओ, र सबै देशका जातिहरूलाई चेला बनाओ, ... मैले तिमीहरूलाई आज्ञा गरेका सबै कुरा पालन गर्न तिनीहरूलाई सिकाओ”^[५] भन्नुभएका येशू ख्रीष्टको वचनअनुसार परमेश्वरको

मण्डलीचाहिँ संसारका सबै मानिसहरूलाई नयाँ करार सुसमाचार प्रचार गर्ने कार्यमा अग्रसर छ ।

आबद्ध निकायहरू

विश्व सुसमाचारमा समर्थन गर्न र सन्तहरूमा सही विश्वास हुर्काउन परमेश्वरको मण्डलीले भिडियो मिसन सेन्टर, प्रकाशन मिसन सेन्टर र नयाँ भजन मिसन सेन्टर जस्ता पेशेवर र सक्षम विभागहरूद्वारा विभिन्न शैक्षिक तथा सांस्कृतिक सामग्रीहरू उत्पादन र वितरण गर्दैआएको छ ।

भिडियो मिसन सेन्टर

भिडियो मिसन सेन्टरले लाइभ भिडियो सुटिङ गर्ने, अनि भिडियो सम्पादन प्रणालीद्वारा विभिन्न भिडियोहरू निर्माण गर्ने गर्दछ । मण्डलीको परिचयात्मक भिडियो, प्रवचन तथा समाचार, र सत्यता शिक्षण आदि विभिन्न विधाका भिडियोहरू करीब ७० वटा भाषाहरूमा अनुवाद भएर विश्वभरिका परमेश्वरको मण्डलीहरूमा वितरण गरिन्छ । मण्डलीको आधिकारिक वेबसाइट र युट्युब च्यानलमा मण्डलीको बारेमा जहाँ र जुनसुकै बेलामा पनि जानकारी पाउन सकिन्छ ।

प्रकाशन मिसन सेन्टर

प्रकाशन मिसन सेन्टरले पुस्तक र प्रकाशन सामग्रीहरूलाई विभिन्न भाषाहरूमा अनुवाद गरी विश्वभरि एलोहिम परमेश्वरको सत्यता र प्रेम फैलाउँछ । दोस्रो आगमनका ख्रीष्ट आन साङ होङज्यूद्वारा लिखित सत्यताका पुस्तकहरू, अनि परमेश्वरको इच्छा जानकारी दिने प्रवचन सङ्ग्रह, तस्वीर निबन्धहरू, निबन्ध सङ्ग्रह, बाल कथा सङ्ग्रह जस्ता विभिन्न प्रकाशन सामग्रीले सन्तहरूलाई परमेश्वरको शिक्षा सिक्न र उहाँको प्रेमलाई महसुस गर्न मद्दत गर्छ । यसले परमेश्वरको मण्डलीको प्रतिनिधि मासिक पुस्तक एलोहिष्ट, युवाहरूको पुस्तक आत्मा अनि पारिवारिक प्रेमलाई प्रवर्धन गर्ने खुशी परिवार जस्ता मासिक पत्रिका प्रकाशन गर्छ ।

नयाँ भजन मिसन सेन्टर

नयाँ भजन मिसन सेन्टरले सबै देशको साझा भाषा रहेको सङ्गीतद्वारा विश्वभरि परमेश्वरको प्रेम बाँड्दछ । यसले एलोहिम परमेश्वरलाई महिमा दिने नयाँ भजन उत्पादन गर्ने र वितरण गर्ने मात्र होइन तर सन् २०००मा गठित मसीह अर्केस्ट्राको हृदयस्पर्शी धूनद्वारा उच्चस्तरीय सङ्गीत निर्माण तथा वितरण पनि गर्दछ । मसीह अर्केस्ट्राले आफ्नो समुदायका छिमेकी र परिवारको हित र मनोरञ्जनको लागि नियमित रूपमा कन्सर्टको आयोजना गर्दछ । यसले चिली र हाइटीका भूकम्प पीडितहरूका लागि ठूलो तथा सानो मापनमा च्यारिटी कन्सर्ट पनि सञ्चालन गर्दछ ।

प्रशिक्षण प्रतिष्ठानहरू

परमेश्वरको मण्डलीको जनिसान प्रशिक्षण प्रतिष्ठान

कोरियामा परमेश्वरको मण्डलीका ५ वटा प्रशिक्षण प्रतिष्ठानहरू छन् । जनिसान प्रशिक्षण प्रतिष्ठानचाहिँ पादरी कर्मचारीहरूको भेला र मण्डलीका सन्तहरूको शिक्षणलाई सक्रियतापूर्वक सञ्चालन गरिने सेजोङ सहरमा स्थापित पहिलो शैक्षिक संस्थान हो । उत्तरी छुङछङ प्रदेशमा अवस्थित ओग्छन गो एन्ड कम प्रशिक्षण प्रतिष्ठानचाहिँ १०,००० जनाको सीट क्षमता भएको अत्यन्त विशाल संरचना हो । उत्तरी छुङछङ प्रदेशको यङदोङ-गुनमा अवस्थित एलोहिम प्रशिक्षण प्रतिष्ठानमा कोरियाको सुन्दर प्राकृतिक परिदृश्यहरूले भरिपूर्ण विभिन्न शैक्षिक सुविधा-स्थलहरू छन् । विदेशी सन्त भ्रमण टोलीलाई यस ठाउँको भ्रमण नगराइने त कुरै भएन । प्रधान कार्यालयको नजिकै अवस्थित दोङबेग प्रशिक्षण प्रतिष्ठानचाहिँ सन्तहरूलाई सानो मापनमा शैक्षिक भेला गर्न उपयोगी छ । तीमध्ये सबैभन्दा नयाँ प्रशिक्षण प्रतिष्ठान रहेको सग्विफोको WMC प्रशिक्षण प्रतिष्ठानचाहिँ विश्वभरिबाट जेजु घुम्न आउने मानिसहरूलाई नयाँ करारको सुसमाचार बाँड्ने शैक्षिक ठाउँको रूपमा प्रयोग हुने अपेक्षा गरिएको छ ।

आध्यात्मिक प्रशिक्षालय

परमेश्वरको मण्डलीको आध्यात्मिक प्रशिक्षालय

पादरी कर्मचारीको विकास र तालीमको लागि परमेश्वरको मण्डलीले आफ्नै आध्यात्मिक प्रशिक्षालय सञ्चालन गर्ने गर्दछ । यो कोरियाको छुङछङबुग-दो, ओग्छनको ओग्छन गो एन्ड कम प्रशिक्षण प्रतिष्ठानमा अवस्थित छ । यो ठाउँमा बाइबलीय सत्यताको विचारधारा, भक्ति र परमेश्वरको शिक्षालाई व्यवहारमा लागू गर्ने कुरामा आधारित रहेर परमेश्वरको मण्डलीलाई डोऱ्याउने भावी पादरी कर्मचारीलाई शिक्षा र तालीम दिइन्छ । शिक्षणको विषयमा पादरी आध्यात्मविद्या, पादरी आचारसंहिता, प्रवचन विकास, बाइबलीय इतिहास, बाइबल संरचनाको परिचय, तुलनात्मक धार्मिक अध्ययन, उपयुक्त मण्डली प्रशासन^[९] आदि पर्दछ । ४ वर्षे शिक्षण प्रोग्रामभित्र प्रचार र स्वयंसेवा जस्ता व्यावहारिक तालीम पनि पर्दछ, र यो सकिएपछि पादरी कर्मचारीहरू परमेश्वरको इच्छाअनुसार विश्वका मुख्य सहर अथवा दुर्गम क्षेत्रमा पादरी कार्य गर्नको निम्ति उडान भर्छन् ।

ऐतिहासिक सङ्ग्रहालय

सन् २००६मा उद्घाटन गरिएको परमेश्वरको मण्डलीको ऐतिहासिक सङ्ग्रहालयले बाइबलीय इतिहासको त्रि-आयामिक प्रतिनिधित्वलाई दर्शाउँदछ । यस सङ्ग्रहालयभित्र, बाइबलको आधारमा बनाइएको मानव-जातिको सुरुवातको नमूना, मानव-इतिहास र बाइबलमा अभिलिखित भविष्य, मुक्तिको सिद्धान्त र परमेश्वरको मण्डलीको विकासको नमूनाका दृश्यहरू एकै झलकमा देख्न सकिन्छ । आगन्तुकहरूले विभिन्न सूक्ष्म नमूना, भिडियो र वास्तविक ऐतिहासिक वस्तुहरूद्वारा ६६ भागको पुस्तक बाइबलका कहानीहरू र अभिलेखहरूलाई देख्न, सुन्न र अनुभव गर्न सक्छन् । ऐतिहासिक सङ्ग्रहालयमा ८ वटा हलहरू छन् । स्वर्ग हल, पुरानो करार हल, नयाँ करार हल, धार्मिक अन्धकार हल, स्वर्गीय पिता हल, स्वर्गीय माता हल, परमेश्वरको मण्डली हल र भविष्य हल ।^[१०]

परमेश्वरको मण्डली विश्व सुसमाचार समाजको इतिहास

सुरुवाती चरण सन् १९४८ – १९८५

कोरियाको इन्छन, नाग्सम परमेश्वरको मण्डली

सन् १९४८ आन साङ होङज्यूको बप्तिस्मा(कोरियाको इन्छन, नाग्सम)
सन् १९६४ परमेश्वरको मण्डली स्थापना
सन् १९८५ आन साङ होङज्यूको स्वर्गारोहण

परमेश्वरको मण्डली नयाँ यरूशलेम इमे मन्दिर

The Inside of the Church of God History Museum

विकास चरण सन् १९८६ – २०००

सन् १९८८ दर्तित सदस्य संख्या : १०,००० जना
सन् १९९५ जनिसान प्रशिक्षण प्रतिष्ठान स्थापना
सन् १९९७ विदेशमा ३ वटा मण्डली स्थापना
सन् २००० दर्तित सदस्य संख्या : ३,००,००० जना
सन् २००० नयाँ यरूशलेम मन्दिर (हाल नयाँ यरूशलेम इमे मन्दिर) स्थापना
सन् २००० मसीह अर्केस्ट्रा गठन


प्रगति चरण २००१ – २०१३

सन् २००१ विदेशमा ७ वटा मण्डली स्थापना
सन् २००१ पहिलो विदेशी सन्त भ्रमण टोली (अमेरिकाबाट)

सन् २००२ एलोहिम प्रशिक्षण प्रतिष्ठान स्थापना
सन् २००३ दर्तित सदस्य संख्या : ५,००,००० जना
सन् २००३ परमेश्वरको मण्डलीको प्रधान कार्यालय WMC भवन उद्घाटन
सन् २००३ कोरियाली सरकारबाट राष्ट्रपतीय अवार्डले सम्मानित
सन् २००४ कोरियाली सरकारबाट योग्यताको क्रम अवार्डले सम्मानित
सन् २००४ कोरियाली सरकारबाट कदर पदकले सम्मानित
सन् २००५ ओग्छन गो एन्ड कम प्रशिक्षण प्रतिष्ठान उद्घाटन
सन् २००६ परमेश्वरको मण्डली ऐतिहासिक सङ्ग्रहालय स्थापना
सन् २००८ दर्तित सदस्य संख्या : १०,००,००० जना
सन् २००९ विश्व क्याम्पस मिशन आयोजना
सन् २०११ दोङबेग प्रशिक्षण प्रतिष्ठान उद्घाटन
सन् २०११ अमेरिकी सरकारद्वारा राष्ट्रपतीय स्वयंसेवा अवार्ड (स्वर्ण, आजीवन अवार्ड)ले सम्मानित
सन् २०१३ दर्तित सदस्य संख्या : २०,००,००० जना
सन् २०१३ परमेश्वरको मण्डली विश्व सुसमाचार समाज फाउन्डेसन दर्ता
सन् २०१३ अन्तर्राष्ट्रिय बाइबल गोष्ठी आयोजना
सन् २०१३ ‘हाम्री आमा’ लेख तथा तस्वीर प्रदर्शनी आयोजना


समृद्धि चरण सन् २०१४ – वर्तमान

सन् २०१४ जयन्ती वर्ष : परमेश्वरको मण्डली स्थापनाको ५०औँ वार्षिकोत्सव

परमेश्वरको मण्डलीका महासचिव पास्टर गिम जु छल, कोरियाली सरकारद्वारा राष्ट्रपतीय साङ्गठनिक अवार्डले सम्मानित

सन् २०१५ कोरियाली सरकारबाट राष्ट्रपतीय साङ्गठनिक अवार्डले सम्मानित
सन् २०१६ सात अरब प्रचार अभियान घोषणा
सन् २०१६ विश्व सुसमाचारका लागि सङ्कल्प ऱ्याली
सन् २०१६ संयुक्त राष्ट्र संघ CERFको उच्चस्तरीय सम्मेलनमा, महासचिव पास्टर गिम जु छलको वक्तव्य
सन् २०१६ नयाँ यरूशलेम फान्ग्यो मन्दिर स्थापना
सन् २०१६ जेजुदो टापूमा WMC प्रशिक्षण प्रतिष्ठान स्थापना
सन् २०१७ कोरियाको प्रशासनिक तथा सुरक्षा मन्त्रालयबाट साङ्गठनिक अवार्डले सम्मानित
सन् २०१८ अन्तर्राष्ट्रिय वातावरण अवार्ड, ‘ग्रीन एप्पल अवार्ड’(स्वर्ण, काँस्य)ले सम्मानित
सन् २०१८ कोरियाको स्वास्थ्य तथा कल्याण मन्त्रालयबाट साङ्गठनिक अवार्डले सम्मानित
सन् २०१९ ७५औँ विदेशी सन्त कोरिया भ्रमण टोली
सन् २०२० कोभिड-१९ प्रतिक्रियाको लागि विश्वव्यापी सहयोग
सन् २०२२ ब्राजिलबाट विधायिकी पदकले सम्मानित
सन् २०२३ संयुक्त राज्य अमेरिकाबाट राष्ट्रपतीय स्वयंसेवा अवार्ड(कुल ६० वटा स्वर्ण अवार्ड)ले सम्मानित
सन् २०२४ दर्तित सदस्य संख्या : विश्वका १७५ वटा देशका ७,५०० वटा मण्डलीहरूमा ३७ लाख जना

विश्वास र सत्यता

पिता परमेश्वर

परमेश्वरको मण्डलीले त्रिएकको सिद्धान्तलाई पूर्ण विश्वास गर्दछ र परमेश्वरको नाउँ जान्ने कुरालाई सीधै मुक्तिसँग सम्बन्धित विषयको रूपमा लिँदछ । त्रिएक भन्नाले पिता, पुत्र र पवित्र आत्मा एकै अस्तित्व हुनुहुन्छ भन्ने अर्थ हो । पिता परमेश्वरले युगअनुसार फरक भूमिका निभाउनुभए तापनि वास्तवमा उहाँ एकै परमेश्वर हुनुहुन्छ । परमेश्वरको मण्डलीले पुरानो करारका पिता यहोवा परमेश्वर नयाँ करारको समयमा पुत्रको रूपमा आउनुभएका येशूज्यू हुनुहुन्छ, अनि बाइबलको अगमवाणीअनुसार यो युगमा दोस्रो पल्ट आउनुभएका येशू ख्रीष्ट अर्थात् पवित्र आत्मा नै आन साङ होङज्यू हुनुहुन्छ भनी विश्वास गर्दछ ।

ख्रीष्ट राजा दाऊदको सिंहासनमा बस्नुहुनेछ भनेर बाइबलमा अगमवाणी गरिएको छ । राजा दाऊद ३० वर्षको उमेरमा सिंहासनमा बसे र तिनले ४० वर्षसम्म राज्य गरे । यो अगमवाणीअनुसार येशूज्यूले ३० वर्षको उमेरमा बप्तिस्मा लिनुभयो । तर ३ वर्ष मात्र प्रचार गर्नुभएपछि उहाँले क्रूसमा मृत्यु भोग्नुभयो । यसकारण दोस्रो आगमनका येशूज्यूले ३० वर्षको उमेरमा बप्तिस्मा लिनुभएर बाँकी रहेको ३७ वर्षसम्म सुसमाचार प्रचार गर्नुभएपछि मृत्यु भोग्नुपर्छ ।^[११] यी सबै अगमवाणी पूरा गर्नुभएका व्यक्ति नै आन साङ होङज्यू हुनुहुन्छ । बाइबलको अगमवाणीअनुसार उहाँ पूर्वको पल्लो छेउको देश कोरियामा जन्मनुभयो, सन् १९४८देखि सुसमाचारको जीवन सुरु गर्नुभएर सन् १९८५मा स्वर्गारोहण हुनुभयो ।

परमेश्वरको मण्डलीले आन साङ होङज्यूलाई दोस्रो आगमनका येशूज्यूको रूपमा विश्वास गर्नुको मुख्य आधारचाहिँ उहाँले हामीजस्ता मरणशील मानव-जातिलाई अनन्त जीवन दिनुभएकोले हो । क्रूसमा टाँगिनुभन्दा अघिल्लो रात, येशू ख्रीष्टले निस्तार-चाड मान्नुभएर आफ्नो देह र रगतलाई सङ्केत गर्ने रोटी र दाखमद्य चेलाहरूलाई दिनुभयो । अनि अनन्त जीवन र पाप-क्षमाको प्रतिज्ञा गर्नुहुँदै त्यसलाई नयाँ करार भन्नुभयो । नयाँ करार निस्तार-चाड प्रेरितहरूको युगसम्म मानिँदैआएको थियो तर मण्डली धर्मनिरपेक्ष हुने क्रममा निस्तार-चाड लोप भयो । धार्मिक अन्धकारको युग र धर्म सुधारको युगसमेत गरेर करीब १,६०० वर्षसम्म कसैले पनि निस्तार-चाडलाई पुनर्स्थापना गर्न सकेनन् । तर आन साङ होङज्यूले नयाँ करार पुनर्स्थापन गरिदिनुभएर मानव-जातिलाई अनन्त जीवन र मुक्तिको मार्गमा डोऱ्याउनुभयो । त्यसैले उहाँ नै दोस्रो आगमनका ख्रीष्ट, हाम्रा पिता परमेश्वर हुनुहुन्छ ।^[१२]

माता परमेश्वर

परमेश्वरको मण्डलीले पिता परमेश्वर साथै माता परमेश्वरलाई पनि विश्वास गर्छ । धेरै मानिसहरूले परमेश्वरचाहिँ ‘पिता परमेश्वर’ एक जना मात्र हुनुहुन्छ भनी विश्वास गर्छन् । तर बाइबलमा “हे हाम्रा पिता, जो स्वर्गमा हुनुहुन्छ”^[१३] अनि “माथिको यरूशलेम स्वतन्त्र छ, जो हाम्री आमा हुन्”^[१४] भन्ने वचनद्वारा आत्मिक पिता र माताको विषयमा गवाही दिइएको छ ।

उत्पत्तिको पुस्तकदेखि प्रकाशको पुस्तकसम्म पूरै बाइबलभरि परमेश्वर नर परमेश्वर र नारी स्वरूपमा देखा पर्नुभएको छ । उत्पत्ति अध्याय १मा परमेश्वरले “मानिसलाई आफ्नै स्वरूपमा, हाम्रै प्रतिरूपमा बनाऔं” भन्नुहुँदै मानिस सृष्टि गर्नुभयो । तब परमेश्वरको स्वरूपमा नर र नारी सृष्टि भए । यो वचनद्वारा, परमेश्वरचाहिँ नर स्वरूपमा(पिता)^[१५] र नारी परमेश्वरमा(माता) अस्तित्वमा हुनुहुन्छ भन्ने कुरा पुष्टि हुन्छ ।

यसबाहेक हिब्रू बाइबलमा “आदिमा परमेश्वरले आकाशमण्डल र पृथ्वी सृष्टि गर्नुभयो” भन्ने बाइबलको पहिलो पददेखि सुरु भएर एलोहिम[परमेश्वरहरू] भन्ने बहुवचन शब्द २,५०० पटकभन्दा बढी प्रयोग भएको छ । आकाशमण्डल र पृथ्वी सृष्टि गर्नुभएका परमेश्वरचाहिँ एकवचनका परमेश्वर हुनुहुन्न तर एलोहिम(परमेश्वरहरू) हुनुहुन्छ । बाइबलको अन्तिम पृष्ठमा “आउनुहोस्, जीवनको पानी लिनुहोस्”^[१६] भनेर घोषणा गर्न पवित्र आत्मा र दुलही देखा पर्नुहुन्छ । जीवनको पानी दिन सक्नुहुने चाहिँ केवल परमेश्वर मात्र हुनुहुन्छ । त्यसैले यो पदमा पवित्र आत्माचाहिँ पिता परमेश्वर हुनुहुन्छ, र उहाँसँगै जीवनको पानी दिनुहुने दुलहीचाहिँ माता परमेश्वर^[१७]^[१४] हुनुहुन्छ ।

शरीरमा आउनुहुने परमेश्वर

परमेश्वरको मण्डलीले पिता परमेश्वर र माता परमेश्वर केवल आत्मामा मात्र रहनुहुने होइन तर पवित्र आत्माको युगमा सारा मानव-जातिलाई बचाउन उहाँहरू मानिसको रूपमा आउनुभएको छ भनी विश्वास गर्दछ । साथै परमेश्वर सर्वशक्तिमान् हुनुभएकोले उहाँ जतिखेर पनि मानिसको रूपमा यो पृथ्वीमा आउन सक्नुहुन्छ, र बाइबलको अगमवाणीअनुसार मानिसको रूपमा आउनुभएका परमेश्वरलाई हामीले विश्वास गर्नुपर्छ भनी यो मण्डलीले विश्वास गर्छ ।

ख्रीष्टियान धर्म भनेको मानव-.जातिलाई मुक्ति दिन शरीरमा आउनुभएका परमेश्वरलाई विश्वास गर्ने धर्म हो । बाइबलले २,००० वर्षअघि बालकको रूपमा जन्मनुभएका येशू ख्रीष्टको विषयमा यस किसिमले गवाही दिएको छ : 「आदिमा वचन हुनुभएका परमेश्वर देहधारी हुनुभएर हाम्रा बीचमा वास गर्नुभयो ।』^[१८] ‘परमेश्वर देहधारी भई आउनुभयो’ भन्ने सिद्धान्तले त्यो समयको मुख्य धर्म रहेको यहूदी धर्मका अनुयायीहरूबीच ठूलो वैमनस्यता उत्पन्न गरायो । यहूदीहरूले येशू ख्रीष्टलाई “तिमी मानिस भएर पनि आफैलाई परमेश्वर तुल्याउँछौ”^[१९] भनेर दोष लगाउँदै उहाँलाई मार्न खोजे । यसरी तिनीहरूले उहाँको विरूद्ध झूटा आरोप लगाएर उहाँलाई क्रूसमा समेत टाँगे ।

तर ख्रीष्टको पुनरुत्थान र स्वर्गारोहणपछि चेलाहरूले ‘मानिस, ख्रीष्ट येशू’को बारेमा साहसका साथ गवाही दिँदै ‘मानिसको रूपमा आउनुभएका परमेश्वर’^[२०]^[२१]को ईश्वरत्वलाई अझ जोड दिए । त्यस बेलादेखि, येशू ख्रीष्ट मानव-जातिका मुक्तिदाता हुनुहुन्छ भन्ने कुरा सारा संसारमा घोषणा गर्न थालियो र सारा संसारले उहाँलाई मान्न थाले । बाइबलमा ख्रीष्टचाहिँ उहाँको प्रतीक्षा गर्नेहरूका उद्धारको निम्ति दोस्रो पल्ट देखा पर्नुहुनेछ भनेर अगमवाणी गरिएको छ ।^[११] उहाँको दोस्रो आगमनको अगमवाणीले चाहिँ, उहाँ पहिलो आगमनमा जस्तै शरीरमा देखा पर्नुहुने कुरालाई सङ्केत गर्दछ । २,००० वर्षअघि जस्तै, वचन हुनुभएका परमेश्वर मानिसको रूपमा आउनुभयो । त्यसै गरी पिता परमेश्वर र माता परमेश्वर पनि पवित्र आत्मा र दुलहीको रूपमा यो पृथ्वीमा शरीरमा आउनुभएर “आउनुहोस्, जीवनको पानी लिनुहोस्” भन्नुहुनेछ ।^[१६] २,००० वर्षअघि ख्रीष्ट, बाइबलको अगमवाणीअनुसार मानिसको रूपमा आउनुभएजस्तै, पवित्र आत्मा र दुलही पनि यस युगमा जीवनको पानी दिनको निम्ति मानिसको रूपमा आउनुहुनेछ भनी परमेश्वरको मण्डलीले विश्वास गर्दछ ।

स्वर्गीय परिवार र पार्थिव परिवार

‘बुबा’ र ‘आमा’ भन्ने सम्बोधन परिवारमा प्रयोग गरिन्छ । बुबा, आमा र छोरा-छोरीद्वारा गठित यो पृथ्वीको पारिवारिक प्रणालीचाहिँ वास्तवमा स्वर्गको परिवारको नकल र छाया हो । अर्थात् स्वर्गमा पनि पिता परमेश्वर, माता परमेश्वर हुनुहुन्छ र परमेश्वरका सन्तानहरू छन् भन्ने कुरा हो ।^[१३]^[१४]^[२२] परिवार भनेको प्रेमको समुदाय हो । यसले स्वर्गमा पनि अनन्त प्रेमको समुदाय रहेको आत्मिक परिवार छ भन्ने कुरा देखाउँछ । पृथ्वीको परिवारका सदस्यहरूबीच रगतको नाता हुन्छ । त्योजस्तै स्वर्गको परिवारका सदस्यहरूबीच पनि रगतको नाता हुनुपर्छ । स्वर्गीय परिवारका सदस्यहरूचाहिँ परमेश्वरले निस्तार-चाड^[१२]द्वारा दिनुहुने करारको रगतद्वारा गाँसिएका हुन्छन् ।

परमेश्वरको मण्डलीका सन्तहरूले पिता परमेश्वर र माता परमेश्वर दुवैलाई विश्वास गर्छन् र यो विश्वासले उनीहरूको जीवनमा ठूलो प्रभाव पार्दछ । उनीहरू परमेश्वरका सन्तान र स्वर्गीय परिवारको सदस्य बन्न पाएकोमा गर्व गर्छन् । पृथ्वीको परिवारले स्वर्गको परिवारलाई दर्शाउने भएकोले परिवारका सदस्यहरूले एक-अर्कालाई प्रेम गर्छन् र परिवारभित्र मिलाप र खुशी ल्याउनमा केन्द्रित हुन्छन् । बाइबलको शिक्षाअनुसार उनीहरू आफ्ना बुबा र आमालाई आदर गर्छन्, छोरा-छोरीप्रति स्नेह देखाउँछन्, दाजुभाइ-दिदीबहिनीबीच बलियो सम्बन्ध कायम राख्छन्, र पति-पत्नीले एकले अर्कालाई आफैलाई झैँ प्रेम गरेर आफ्नो घरलाई स्वर्गको हिस्सा बनाउन प्रयत्न गर्छन् । साथै उनीहरू सबै मानिसहरूको कल्याण र खुशीलाई ध्यानमा राख्दै विभिन्न कठिनाइमा गुज्रिरहेका मानिसहरूलाई सहयोग गर्न स्वयंसेवा पनि गर्छन् ।

चाड र आराधना

परमेश्वरको मण्डलीले बाइबल र येशूज्यूको शिक्षाअनुसार नयाँ करारका चाडहरू मान्दछ । मण्डलीमा साप्ताहिक रूपमा मनाइने शबाथ-दिनदेखि लिएर निस्तार-चाडसहित ३ चरणका ७ वटा महत्त्वपूर्ण वार्षिक चाडहरू छन् । यी सबै चाडहरू दुवै पुरानो करार र नयाँ करारको शिक्षामा आधारित छन् । प्रत्येक चाडमा पाप-क्षमा, अनन्त जीवन, पवित्र आत्माको वरदान, पुनरुत्थानको आशा र पवित्रता जस्ता मानव-जातिको मुक्तिसँग सम्बन्धित परमेश्वरका आशिष्‌हरू छन् । परमेश्वरको मण्डलीले बाइबलमा लेखिएअनुसार नयाँ करारको व्यवस्थाभित्रका चाडहरू मान्दछ । परमेश्वरको अनुग्रह र प्रेमप्रति सन्तहरूले भक्तिपूर्ण आराधनाद्वारा धन्यवाद चढाउँछन्, अनि प्रार्थना र भजनद्वारा उनीहरू परमेश्वरलाई महिमा दिन्छन् ।

शबाथ-दिन

वर्तमान समयका मण्डलीहरू आइतबार आराधना गर्छन्, तर परमेश्वरको मण्डलीले चाहिँ शबाथ-दिन शनिबारमा आराधना गर्दछ । किनभने बाइबलमा सातौँ दिन शबाथ-दिनलाई पवित्र आराधनाको दिन भनेर परिभाषित गरिएको छ । शबाथ-दिनचाहिँ सृष्टिकर्ता परमेश्वरले ६ दिनसम्म सबै काम सिद्ध्याउनुभएर विश्राम गर्नुभएको दिन हो ।

ऐतिहासिक तथ्य र पात्रोले पनि वर्तमान ७ दिने बारको प्रणालीअनुसार शबाथ-दिन शनिबार रहेको कुरा देखाउँछ । येशूज्यूले आफू शबाथ^[२३]को प्रभु रहेको कुरा स्पष्टसँग बताउनुभयो, अनि परमेश्वरलाई आत्मा र सत्यतामा आराधना गर्दै असल कार्य अर्थात् नयाँ करारको शबाथ-दिन मान्ने कार्यको उदाहरण देखाउनुभयो, जुन धर्मविधि थुमा बलि गरिँदैआएको पुरानो करारको नियमभन्दा बिलकुल फरक थियो । येशूज्यू र उहाँका चेलाहरूले मात्र होइनकि प्रेरित पावलले समेत क्रूसको घटनापछि^[२४] पनि शबाथ-दिनलाई आदतको रूपमा मानेका अभिलेख बाइबलमा देख्न सकिन्छ ।

निस्तार-चाड

संयुक्त राज्य अमेरिकाको लिङ्कन सेन्टरमा आयोजित निस्तार-चाड पवित्र सभामा न्यूयोर्क परमेश्वरको मण्डलीका सन्तहरू सहभागी भए ।

२,००० वर्षअघि येशूज्यू र चेलाहरूले जस्तै गरेर निस्तार-चाड मान्ने मण्डलीचाहिँ केवल परमेश्वरको मण्डली मात्र हो । निस्तार-चाड भन्ने शब्दले ‘विपत्ति पार’^[२५] भन्ने अर्थ बोकेको छ । अनि इस्राएलीहरूले परमेश्वरको आज्ञाबमोजिम घरको ढोकाको चौकोसको माथिल्लो भागमा र दुईपट्टिका खम्बामा निस्तार-चाडको थुमाको रगत लगाएका हुनाले, पहिले जन्मेकाहरू नाश हुने भयानक विपत्तिबाट बचाइएका दिन पनि निस्तार-चाडकै दिन थियो । ३,५०० वर्षअघि इस्राएलीहरूले मिश्रको दासत्वबाट छुटकारा पाएका थिए ।^[२६]^[२७]

नयाँ करारको समयमा येशूज्यूले आफ्नो देह र रगतलाई सङ्केत गर्ने निस्तार-चाडको रोटी र दाखमद्य दिनुहुँदै पाप-क्षमा र अनन्त जीवनको प्रतिज्ञा गर्नुभयो । अनि क्रूसमा टाँगिनुभन्दा ठीकअघि^[२८] यही दिनमा नयाँ करार स्थापना गर्नुभयो । येशू ख्रीष्टको आज्ञाअनुसार निस्तार-चाड मानेमा परमेश्वरको देह र रगतको उत्तराधिकार पाई परमेश्वरको सन्तान बन्न सकिन्छ, अनि परमेश्वरको सुरक्षाभित्र रही पाप-क्षमा, अनन्त जीवन र स्वर्गको आशिष्‌ पाउन सकिन्छ ।^[२९]^[३०]

३ चरणका ७ वटा चाडहरू

परमेश्वरको मण्डलीको ऐतिहासिक सङ्ग्रहालयभित्र

निस्तार-चाड : पवित्र पात्रोअनुसार पहिलो महिनाको १४औँ दिनको साँझ / ‘विपत्ति पार’ भन्ने अर्थ बोकेको चाड / ख्रीष्टको पवित्र भोजको दिन
अखमिरी रोटीको चाड : पवित्र पात्रोअनुसार पहिलो महिनाको पन्ध्रौँ दिन / घरानाभित्रका खमिर सबै हटाउनु भन्ने अर्थ बोकेको चाड / ख्रीष्ट क्रूसमा टाँगिनुभएको दिन (उपवास बसेर ख्रीष्टको कष्टमा सहभागी हुने)
पुनरुत्थानको दिन : अखमिरी रोटीको चाडपछि पहिलो शबाथ-दिनको भोलिपल्ट (आइतबार) / येशू ख्रीष्टको पुनरुत्थानको सम्झना / पुरानो करारको नाउँ अगौटे फलको चाड
पेन्तिकोसको दिन : पुनरुत्थानको चाडपछिको ५०औँ दिन(आइतबार) / पवित्र आत्माको आगमनको सम्झना / पुरानो करारको नाउँ अगौटे फलको चाड
तुरहीको चाड : पवित्र पात्रोअनुसार सातौँ महिनाको पहिलो दिन / तुरही फुकेर सम्झना गर्ने दिन / प्रायश्चितको दिनको तयारी गरिने चाड
प्रायश्चितको दिन : पवित्र पात्रोअनुसार सातौँ महिनाको १०औँ दिन / पवित्रस्थान शुद्ध गरिने र वर्षमा एक चोटि पापको प्रायश्चित गरिने दिन
छाप्रो-वासको चाड : पवित्र पात्रोअनुसार सातौँ महिनाको १५औँ दिनदेखि २२औँ दिन / पवित्रस्थान निर्माण र ख्रीष्टको सुसमाचारको कार्यको सम्झना / पवित्र आत्माको आगमन हुने अगमवाणी गरिएको चाड

स्त्रीको घुम्टोको नियम

प्रार्थना गर्दा वा आराधना गर्दा पुरुषले आफ्नो शिर ढाक्नुहुँदैन तर स्त्रीले चाहिँ शिर घुम्टोले ढाक्नुपर्ने कुरा आराधनाको नियम हो ।^[३१] घुम्टोको नियम ख्रीष्टको शिक्षा हो । यो नियमचाहिँ मण्डलीमा क्रम कायम राख्नको लागि स्थापना गरिएको हो, र यसले परमेश्वरको सृष्टिको प्रबन्धलाई प्रतिबिम्बित गर्दछ । परमेश्वरको मण्डलीमा पुरुषले शिर केहीले पनि ढाक्दैनन् । तर स्त्रीले चाहिँ बाइबलमा लेखिएजस्तै, परमेश्वरको मण्डलीको नियमअनुसार प्रार्थना वा आराधना गर्दा शिरमा घुम्टो हाल्ने गर्छन् ।^[१२]

बप्तिस्मा

बप्तिस्माचाहिँ पापको शरीर पानीमा गाडिएर नयाँ गरी जन्मने पवित्र धर्मविधि हो ।^[३२]^[३३] बाइबलमा बप्तिस्मालाई परमेश्वरसँगको करारको चिन्ह अर्थात् मुक्तिको चिन्ह हो भनिएको छ ।

बप्तिस्मा भनेको धार्मिक जीवनको प्रथम पाइला हो । बप्तिस्मा लिएका मानिसहरूले परमेश्वरका प्रजा^[३४]को रूपमा स्वर्गको नागरिकता प्राप्त गर्छन् । परमेश्वरको मण्डलीले साँचो बप्तिस्माचाहिँ पिता, पुत्र र पवित्र आत्माको नाउँ^[५]मा गरिनुपर्छ भनी सिकाउँछ । योचाहिँ “जाओ, र सबै देशका जातिहरूलाई चेला बनाओ । पिता र पुत्र र पवित्र आत्माको नाउँमा तिनीहरूलाई बप्तिस्मा देओ” भन्नुभएका ख्रीष्टको शिक्षाअनुसार गरिने विधि हो । साथै बप्तिस्मा लिनुअघि उसले पिता परमेश्वर र माता परमेश्वरलाई विश्वास गरेको हुनुपर्छ ।

आइतबारको सेवाचाहिँ मानिसको नियम

आइतबारचाहिँ ख्रीष्टियानहरूको आराधनाको दिन हो भनेर व्यापक रूपमा परिचित छ । तर बाइबलमा भने यसको आधार भेट्टाउन सकिँदैन । प्रेरितहरूको युगसम्म चाहिँ बाइबलअनुसार शबाथ-दिन मानिए तापनि मण्डली धर्मनिरपेक्ष हुन पुग्दा रोममा केन्द्रित पश्चिमी मण्डलीहरूले आइतबारको सेवा मान्ने कुरामा जिद्दी गर्न थालेदेखि विवाद उत्पन्न हुन थालेको हो ।

ई.सं. ३१३मा सम्राट कन्स्टेन्टाइनले ख्रीष्टियान धर्मलाई आधिकारिक रूपमा मान्यता दिए । ई.सं. ३२१मा तिनले आइतबारलाई ‘सूर्यको आदरणीय दिन’को संज्ञा दिँदै यो दिनचाहिँ विश्राम र आराधनाको दिन हुनुपर्छ भन्ने उर्दी जारी गरे । यही कारणले गर्दा शबाथ-दिन पूर्ण रूपमा लोप भई आइतबारको सेवाले यसको ठाउँ ओगट्यो । त्यस बेला सबै न्यायाधीश, नागरिकहरू र कारीगरहरूले सूर्यको आदरणीय दिनमा विश्राम गर्नुपर्छ भनेर कन्स्टेन्टाइनले आदेश जारी गरे । फेरि भन्नुपर्दा आइतबारचाहिँ ख्रीष्टलाई आराधना गरिने दिन नभएर त्यो समयका अधिकांश रोमीहरूले मान्ने गरेको सूर्य देवतालाई पुज्ने दिन हो । त्यस बेलादेखि मण्डलीको परम्पराको रूपमा आइतबारको सेवा भित्रियो, र वर्तमानका अधिकांश मण्डलीहरूले आइतबारमा आराधना गर्नुको कारण पनि यही नै हो । तर मानिसले बनाएको आइतबारको सेवालाई अन्य मण्डलीहरूले जतिसुकै लामो समयदेखि मान्यता दिँदैआए तापनि परमेश्वरको मण्डलीमा भने बाइबलको शिक्षाअनुसार सातौँ दिन शनिबारमा शबाथको आराधना गर्ने गरिन्छ ।

क्रिसमस सूर्य देवताको जन्मदिन

अधिकांश ख्रीष्टियानहरूले हरेक वर्ष डिसेम्बर २५लाई क्रिसमस भन्ने नाउँमा येशूज्यूको जन्मदिन मनाउने गर्छन् । तर डिसेम्बर २५चाहिँ येशू ख्रीष्टको जन्मदिन हो भनेर बाइबलमा कतै पनि लेखिएको छैन । ऐतिहासिक अभिलेखका अनुसार डिसेम्बर २५चाहिँ रोमी हिउँदे सङ्क्रान्तिको दिन र सूर्य देवता मिथ्राको^[३५] जन्मदिन थियो । चौथो शताब्दीतिर ख्रीष्टियान धर्म धर्मनिरपेक्ष हुन थालेदेखि मण्डलीले सूर्य देवताको जन्मदिनलाई भित्र्याएर येशूज्यूको जन्मदिनको रूपमा मनाउन थाल्यो । परमेश्वरको मण्डलीले क्रिसमस मान्दैन । किनभने योचाहिँ गैर-ख्रीष्टियान धर्ममा मनाइने उत्सवको दिन हो ।^[१२]

क्रूसको श्रद्धाचाहिँ मूर्तिपूजा

प्रायः मानिसहरूले क्रूसलाई ख्रीष्टियान मण्डलीको प्रतीक सोच्ने गर्छन् । तर येशूज्यूले स्थापना गर्नुभएको र प्रेरितहरू जाने गरेको सुरुको मण्डलीमा क्रूस कहिल्यै देखिएन । क्रूस एउटा मूर्ति भएकोले यसलाई बनाउनु अथवा यसको अगि झुकेर प्रार्थना गर्नु भनेको “कुनै किसिमको मूर्ति नबनाउनू” भन्ने परमेश्वरको आज्ञालाई उल्लङ्घन गर्ने कार्य हो ।^[३६]

ख्रीष्टियान इतिहासका विभिन्न पुस्तक र विश्वकोशका अनुसार, क्रूसचाहिँ प्राचीन गैर-ईसाइ धर्महरूमा आस्थाको प्रतीक अथवा ताबीजको रूपमा प्रयोग गरिएको एक किसिमको मूर्ति हो । अनि रोमी साम्राज्यको समयमा येशूज्यूलाई मृत्युदण्ड दिने साधनको रूपमा पनि क्रूस प्रयोग गरिएको थियो । मण्डली धर्मनिरपेक्ष भएको समयदेखि मण्डलीभित्र क्रूसको प्रतिमा राख्न थालिएको हो । इतिहासमा हेर्ने हो भने ई.सं. ४३१मा मण्डलीमा पहिलो पल्ट क्रूस ठड्याइएको, अनि ई.सं. ५६८मा मण्डलीको धुरीमा ठड्याइएको कुराको अभिलेख पाइन्छ ।^[३७]

यसकारण परमेश्वरको इच्छालाई सीधै उल्लङ्घन गर्ने क्रूसको प्रतिमालाई परमेश्वरको मण्डलीले सीधै इन्कार गर्दछ । परमेश्वरको मण्डलीले क्रूसमा बलि हुनुभएका ख्रीष्टको अनमोल रगतद्वारा प्रतिज्ञा गरिएको नयाँ करार निस्तार-चाडलाई भयका साथ मान्दछ ।^[१२]

परमेश्वरको मण्डलीको इतिहास

महासचिव पास्टर गिम जु छलले विश्वभरिका मण्डलीहरूको वर्तमान अवस्थाको बारेमा वर्णन गर्नुभयो ।

सन् १९६४मा दोस्रो आगमनका ख्रीष्ट आन साङ होङज्यूले परमेश्वरको मण्डलीलाई पुनर्स्थापना गर्नुभयो । २,००० वर्षअघि येशूज्यूले स्थापना गर्नुभएको नयाँ करारका सबै सत्यताहरू आन साङ होङज्यूले पुनर्स्थापन गरिदिनुभएर मुक्तिको मार्ग खोलिदिनुभयो । उहाँले सुरुको परमेश्वरको मण्डलीलाई पुनर्स्थापन गर्नुभयो । कोरियामा आन साङ होङज्यूद्वारा स्थापित परमेश्वरको मण्डली ६० वर्षभित्रमा विश्वका १७५ वटा देशहरूमा ७,५०० वटाभन्दा बढी छन् ।^[१]

मण्डलीको नाउँको अर्थ र सुरुको मण्डलीको इतिहास

‘परमेश्वरको मण्डली’चाहिँ परमेश्वरद्वारा स्थापित मण्डली, परमेश्वर मालिक हुनुभएको मण्डली हो । येशू ख्रीष्टले स्थापना गर्नुभएको अनि पत्रुस, यूहन्ना र पावल जस्ता प्रेरितहरू जाने गरेको सुरुको मण्डलीलाई बाइबलमा ‘परमेश्वरको मण्डली’ भनिनुका साथै परमेश्वरले आफ्नै रगतले किन्नुभएको मण्डली^[३८] भनेर वर्णन गरिएको छ ।^[३९]

येशूज्यूले उदाहरण देखाउनुभएको र सिकाउनुभएको नयाँ करारचाहिँ सुरुको मण्डलीको पूर्ण सत्यता र ‘राज्यको सुसमाचार’ हो । येशूज्यूले क्रूसमा बगाउनुभएको रगतको बलिद्वारा स्थापित नयाँ करार निस्तार-चाड लगायत येशूज्यूले आफ्नो सेवा-कार्यमा सिकाउनुभएको सबै अमूल्य सत्यताहरू सुरुको मण्डलीका सन्तहरूले पालन गरे । ख्रीष्टको पुनरुत्थान र स्वर्गारोहणपछि सुरुको परमेश्वरको मण्डलीका प्रेरितहरू र सन्तहरूले पेन्तिकोसको दिनमा पवित्र आत्मा प्राप्त गरी साहसका साथ सुसमाचार प्रचार गरेका थिए । फलस्वरूप येशूज्यूलाई मुक्तिदाताको रूपमा ग्रहण गर्ने मानिसहरूको संख्या व्यापक रूपले वृद्धि भयो । सुसमाचार यरूशलेम र यहूदियालाई पार गरेर अन्यजातिको देश र सहरहरूमा द्रूत गतिमा प्रचार गरिएको यथार्थताबारे प्रेरित पावलका प्रचार यात्राहरूको इतिहासमा अभिलेख गरिएको छ । एफिसस,^[४०] कोरिन्थ,^[३८] एन्टिओखिया,^[४१] आदिमा मण्डली स्थापना भयो र थेसलोनिके,^[४२] एथेन्स,^[४३] माल्टा,^[४४] पर्गा,^[४५] साइप्रस, ^[४६]र रोम^[४७]सहित यूरोपका धेरै क्षेत्रहरूमा सुसमाचार प्रचार गरियो ।

सत्यताको पुनर्स्थापना र सुरुको परमेश्वरको मण्डलीको उत्तराधिकार

मण्डली धर्मनिरपेक्ष भएपछि नयाँ करार निस्तार-चाड जस्ता मुक्तिको सत्यता बिस्तारै परिवर्तन हुँदैगएर मण्डलीमा बहुदेववाद फैलियो ।^[४८] अन्ततः इतिहासबाट परमेश्वरको मण्डलीको नामनिशान मेटियो । १६औँ शताब्दीमा मार्टिन लुथर, केल्भिन र ज्विङ्लीजस्ता धर्म-सुधारकहरूले मण्डलीको विकृतिको आलोचना गर्दै धर्म-सुधारको झण्डा बोकेर साँचो आस्था पुनर्स्थापन गर्न प्रयत्न त गरे । तर तिनीहरूले येशूज्यूले सिकाउनुभएको बाइबलको सत्यता पत्ता लगाउन भने सकेनन् ।

सुरुको मण्डलीको सत्यता लोप भएको १,६०० वर्ष बितेपछि अन्ततः परमेश्वरको मण्डली पुनर्निर्माण भयो । अञ्जीरको रूखको दृष्टान्तअनुसार दोस्रो आगमनका ख्रीष्ट आन साङ होङज्यूले सन् १९४८देखि सुसमाचारको कार्य आरम्भ गर्नुभयो । उहाँले निस्तार-चाड, ३ चरणका ७ वटा चाडहरू र शबाथ-दिन लगायतका हराएको नयाँ करारको सत्यता पुनर्स्थापन गर्नुभयो । साथै सन् १९६४मा उहाँले ‘परमेश्वरको मण्डली’ पुनर्स्थापना गर्नुभयो । अहिले विश्वका धेरै मानिसहरूले मुक्तिको सत्यतालाई महसुस गरी विश्वभरिबाट आइरहेकाले परमेश्वरको मण्डलीले १७५ वटा देशहरूमा सुसमाचार प्रचार गरिरहेको छ ।

परमेश्वरको मण्डलीको मिशनरी कार्य

सबै मानिसहरू सत्यको ज्ञानमा आएर मुक्ति पाऊन् भन्ने परमेश्वर चाहनुहुन्छ ।^[४९] परमेश्वरको यस्तो इच्छालाई पछ्याउँदै परमेश्वरको मण्डलीले बाइबलमा केन्द्रित रहेर परमेश्वरको शिक्षा प्रचार गरी सुरुको मण्डलीको सत्यता र विश्वासलाई पुनर्स्थापन गर्ने ‘पूर्ण धर्म सुधार’लाई अगि बढाइरहेको छ । जसअन्तर्गत “आउनुहोस्, र जीवनको पानी लिनुहोस्”^[१६] भन्नुभएका पवित्र आत्मा र दुलहीकहाँ सारा मानव-जातिहरू आएर अनन्त मुक्ति र खुशी पाउन सक्ने गरी परमेश्वरको मण्डलीले सारा संसारमा नयाँ करारको सत्यता र परमेश्वरको प्रेमको प्रचार गर्दछ ।

मिशनरी कार्यको वर्तमान अवस्था

“सारा संसारमा गएर सारा सृष्टिलाई सुसमाचार प्रचार गर” भन्नुभएका परमेश्वरको वचनमा आधारित रहेर परमेश्वरको मण्डलीले सन् १९९७देखि विदेश प्रचार सुरु गरेको हो ।^[५०] संयुक्त राज्य अमेरिकाको लस एन्जलसबाट सुरु भएको उत्तर अमेरिकाको मिसनरी कार्य यति द्रूत गतिमा फैलिरहेको छ, कि अहिले पूरै ५० वटा राज्यहरूमा र क्यानाडाका मुख्य सहरहरूमा समेत मण्डलीहरू स्थापना भएका छन् । मध्य र दक्षिण अमेरिकाको मिसनरी कार्य सन् १९९८मा पेरुबाट सुरु भएपछि, ब्राजिलको अमेजन वर्षावन र पेरुको एन्डिज उपत्यकामा समेत क्रमिक रूपमा सुसमाचार प्रचार भयो । हाल यूरोप, एसिया, अफ्रिका र ओसिनिया गरी विश्वका १७५ वटा देशहरूमा ७,५०० वटा भन्दा बढी मण्डलीहरू छन् । प्रत्येक देशका परमेश्वरको मण्डलीहरूमा ९०% भन्दा बढी सन्तहरू स्थानीयवासीहरू छन्, र स्थानीय पादरी कर्मचारीहरूको संख्या पनि धेरै छ ।^[५१]

परमेश्वरको मण्डली विश्व सुसमाचार समाजको वेबसाइट

मानिसहरूले संसारको जुनसुकै कुनाबाट पनि परमेश्वरको सोर सुन्न सकून् भन्ने हेतुले परमेश्वरको मण्डलीले पर्चा, भिडियो र इन्टरनेट जस्ता विभिन्न किसिमका मिडियाद्वारा सत्यताको प्रचार गर्दछ । परमेश्वरको मण्डलीले आन साङ होङज्यूद्वारा लिखित सत्यताका पुस्तकहरू, अनि परमेश्वरको शिक्षा बाँड्ने प्रवचन सङ्ग्रह, सन्तहरूको महसुस समेटिएका निबन्ध सङ्ग्रह, बाल कथा सङ्ग्रह लगायत असल विश्वास र सच्चरित्र विकास गर्नलाई आवश्यक पर्ने अन्य प्रकाशन सामग्रीहरू उत्पादन गर्दछ । हाल अङ्ग्रेजी, स्पेनी, चीनियाँ, हिन्दी जस्ता अत्यधिक प्रयोग गरिने भाषादेखि लिएर खासी, बङ्गाली, क्रोएसियाली र गुजराती जस्ता क्षेत्रीय भाषासम्म गरी विश्वका ६० वटाभन्दा बढी भाषाहरूमा विभिन्न पाठ्यपुस्तक सामग्रीहरू अनुवाद गरिएकोले सञ्चार सुविधा कमजोर भएका क्षेत्रहरूमा पनि मुक्तिको खबर पुगिरहेको छ ।

परमेश्वरको मण्डलीको परिचयात्मक भिडियो, विश्वभरिबाट मण्डलीका खबर, भिडियो प्रवचन, एनिमेसनहरू जस्ता विभिन्न भिडियो सामग्रीलाई प्रत्येक देशका भाषाहरूमा अनुवाद गरेर सारा मानिसहरूको मनलाई प्रभावित र जागृत गराउँदछ । यी सामग्रीहरू परमेश्वरको मण्डलीको आधिकारिक वेबसाइट, मिडिया कास्ट, युट्युब च्यानलमार्फत सजिलै पहुँच गर्न सकिन्छ । यसको अतिरिक्त, कोभिड १९को महामारीको बेला भेट्न समेत गाह्रो हुने परिवारजन, साथीभाइ र छिमेकीहरूबीच मेलमिलापलाई प्रवर्धन गर्नको निम्ति यो मण्डलीले ‘फ्लावर लेटर अभियान’ र ‘जागिरेहरूका लागि खुशी वेबिनार’^[५२] जस्ता अनलाइन कार्यक्रमद्वारा प्रेम बाँड्ने अवसरहरू प्रदान गर्दछ ।

विदेशी सन्तको भ्रमण टोली

६२औँ विदेशी सन्तको भ्रमण टोली

कोरियाचाहिँ बाइबलको अगमवाणीअनुसार पिता परमेश्वर र माता परमेश्वर आउनुभएको, र नयाँ करारको सुसमाचार पुनर्स्थापना भएको देश हो । त्यसैले विश्वभरिका परमेश्वरको मण्डलीका सन्तहरूका लागि कोरियाचाहिँ तीर्थ भूमि हो । कोरियामा माताको प्रेम अनुभव गर्न र बाइबलको सत्यता अध्ययन गर्न चाहने विदेशी सन्तहरूको संख्या धेरै भएकोले परमेश्वरको मण्डलीले सन् २००१ देखि विदेशी सन्त भ्रमण टोली कार्यक्रम सुरु गऱ्यो । सन् २०२४ मे महिनासम्म, प्रत्येक महादेशबाट विभिन्न विधामा आबद्ध विदेशी सन्तहरूले कुल ७९ पटक कोरियाको भ्रमण गरे ।

मण्डलीले यी भ्रमण टोलीलाई कोरियाली संस्कृतिको अनुभव गराउँदछ र बाइबल शिक्षणका विभिन्न कार्यक्रमहरू प्रदान गर्दछ । विदेशी सन्तहरू एक-दुई हप्ता जति कोरियामा रहन्छन् र कोरियाली संस्कृतिमा समाविष्ट माताको न्यानोपना सिकी आफ्नो विश्वासलाई अझ दह्रिलो बनाउँछन् । स्वदेश फर्किएपछि उनीहरूको विश्वास अझ बढ्छ र उनीहरूले कोरिया र विश्वलाई जोड्ने नागरिक कूटनीतिमा पनि योगदान पुऱ्याउँछन् ।^[५१]^[५३]

सन्तहरूको धार्मिक जीवन

खुशी परिवारको निम्ति अन्तर्राष्ट्रिय सम्मेलन

विश्वभरिका परमेश्वरको मण्डलीका सन्तहरूको देश, जाति, संस्कृति र भाषा फरक भए तापनि उनीहरू एक-अर्कालाई प्रेम, नम्रता र विचारशीलताद्वारा व्यवहार गर्छन् । किनभने उनीहरू सबै एकै स्वर्गीय परिवार हुन् । उमेर, पद वा जिम्मेवारीको परवाह नगरी उनीहरू नम्र भएर बोल्छन्, अनि एकले अर्कालाई पिता र माता परमेश्वरका सन्तान, र दाजुभाइ-दिदीबहिनीको रूपमा आदर गर्छन् । उनीहरू दिने प्रेम, त्याग, प्रशंसा र सेवाका कुराहरू समाविष्ट माताको शिक्षालाई हृदयमा खोपेर एकले अर्कालाई “धेरै आशिष् पाउनुहोस्”^[५४] भनेर अभिवादन गर्दै आशिष्‌को कामना आदानप्रदान गर्छन् ।

परमेश्वरको मण्डलीले सारा मानव-जातिलाई, पृथ्वी भन्ने एउटा ठूलो परिवारमा एकसाथ रहने परिवारजनको रूपमा लिँदछ, जुन घर परमेश्वरले बनाइदिनुभयो ।^[५५] त्यसैले उनीहरू परिवारमा बाँडचुँड गरिने प्रेमको आधारमा सबै मानिसहरूको भलो र खुशी चाह गर्छन् । उनीहरूको सकारात्मक मनस्थितिले, उनीहरू जाने हरेक ठाउँमा उच्च सञ्चार र सद्भाव कायम राख्नमा ठूलो योगदान पुऱ्याउँछ ।

परिवारको प्रेम र महत्त्व

संयुक्त राज्य अमेरिकाको न्यू योर्क, विन्ड्सर परमेश्वरको मण्डलीका सन्तहरू निस्तार-चाड मान्न मण्डलीतिर अगि बढ्दैछन् ।

आफ्नो घर-परिवारदेखि नै प्रेमलाई व्यवहारमा लागू गर्न सुरु गर्नुपर्छ भन्ने यो मान्यतालाई सन्तहरूले आफ्नो धार्मिक जीवनको आधार मान्दछन् । मण्डलीको सिद्धान्त भनेको, समाजमा जराको रूपमा रहेको घरदेखि नै न्यानो बोली र सुकर्मद्वारा स्वर्गको राज्यलाई महसुस गर्नु र गराउनु हो ।

परमेश्वरको मण्डलीले परिवारहरूलाई मेलमिलापमा रहन अभिप्रेरित गर्छ, अनि शैक्षिक प्रोग्राम, गतिविधि र गोष्ठीमार्फत सन्तहरूलाई परिवारको महत्त्वबारे जागृत गराउँछ । आगन्तुकहरूको मन-मस्तिष्कमा बुबा-आमाप्रतिको प्रेम स्मरण गराउन मण्डलीले कोरियाभरिका परमेश्वरको मण्डलीहरूमा ‘बुबाको साँचो मन’ प्रदर्शनी र ‘हाम्री आमा’ लेख तथा तस्वीर प्रदर्शनीको आयोजना गऱ्यो । उक्त प्रदर्शनीमा आगन्तुकहरूको संख्या ११ लाख नाघेको थियो । यसको अतिरिक्त असंख्य मानिसहरूले खुशी परिवारका लागि गोष्ठी, विभिन्न अन्तर्राष्ट्रिय सम्मेलन,^[५६] अर्केस्ट्रा कन्सर्ट,^[५७] नयाँ यरूशलेम उत्सव,^[५८] लगायत अन्य थुप्रै परिवारिक कार्यक्रमहरूमा सहभागी भएर आफ्ना परिवारहरूसँग खुशी बाँडिरहेका छन् ।

परमेश्वरको मण्डलीले मासिक पारिवारिक पत्रिका, खुशी परिवारजस्ता विभिन्न पाठ्य सामग्रीहरू प्रकाशन गर्नुका साथै सन्तहरूले आफ्नो परिवारसँग सजिलै कुराकानी गर्न सक्ने त्यस्ता सामग्रीहरू नियमित रूपमा प्रदान गर्ने गर्दछ । यी सबै सामग्रीहरू उनीहरूको विश्वास निर्माण गर्न र उनीहरूलाई स्वस्थ जीवन जिउन प्रोत्साहन दिनलाई प्रयोग गरिन्छ ।

वचनमा केन्द्रित

१६औँ विदेशी भाषा बाइबल प्रस्तुति प्रतियोगिता

बाइबलमा गवाही दिइएअनुसार पिता परमेश्वर र माता परमेश्वरलाई विश्वास गर्ने परमेश्वरको मण्डलीका सन्तहरूले बाइबलको वचनलाई ‘जीवनको पानी’को रूपमा विश्वास गरी निरन्तर र सावधानीपूर्वक सत्यता सिक्दै परमेश्वरको शिक्षामा केन्द्रित हुन्छन् । सन्तहरूले बाइबलको सत्यतालाई ठीकसँग बुझून् र विश्वासमा हुर्कून् भन्ने हेतुले परमेश्वरको मण्डलीले विभिन्न उमेर समूह र जिम्मेवारीअनुसार छुट्टाछुट्टै थुप्रै प्रशिक्षणहरू सञ्चालन गर्ने गर्दछ ।

जुन कुरा IUBA, IWBA, IMBA जस्ता विश्वव्यापी युवा समूह शैक्षिक कार्यक्रममा देख्न सकिन्छ । युवा समूहले बाइबलको सत्यता सिक्ने मात्र होइनकि नैतिक चरित्र, लिडरसिप र विदेशी भाषा पनि सिक्छन्, जुनचाहिँ उनीहरूलाई समाजका एक उत्पादनमूलक अङ्ग बन्नलाई आवश्यक पर्ने कुराहरू हुन् । परमेश्वरको मण्डलीले म सुन्दर स्वर्गदूत बन्न चाहन्छु (किन्डरगार्टन बालबालिकाका लागि पाठ्यपुस्तक), मलाई परमेश्वर मनपर्छ (प्राथमिक तहका विद्यार्थीहरूका लागि पाठ्यपुस्तक), र आत्मा(किशोर-किशोरीहरूका लागि मासिक पत्रिका) जस्ता पाठ्यपुस्तकहरूद्वारा बाल-बालिका र किशोर-किशोरीहरूमा असल स्वभाव र आधारभूत बुझाइ विकास गर्न सहयोग गर्दछ । विद्यालय बिदाको अवधिमा, बाइबल शिक्षण, प्रयोगात्मक शिक्षण कार्यक्रम, स्थलगत भ्रमण र स्वयंसेवा जस्ता विभिन्न कुराको अनुभव प्रदान गर्ने उद्देश्यले माध्यमिक तथा उच्च माध्यमिक तहका विद्यार्थी साथै प्राथमिक तहका विद्यार्थीका लागि ग्रीष्म/हिउँदे शिविरको आयोजना गर्ने गरिन्छ ।^[५९]^[६०] अनि विभिन्न विधाका विशेषज्ञहरूद्वारा नेतृत्व गरिने चरित्र शिक्षाद्वारा यो मण्डलीले युवाहरूमा सकारात्मक मनस्थिति र उचित मूल्य-मान्यता निर्माणको लागि बलियो आधार निर्माण गरिदिन मद्दत गर्दछ ।^[६१]

साथै भावी पुस्ताहरू विश्वास र प्रेममा हुर्कन सकून् भन्ने हेतुले, अहिले बालबालिका, किशोर-किशोरी र युवा समूहलाई मार्गदर्शन गर्ने शिक्षकहरूका लागि पनि नियमित शिक्षण प्रदान गरिन्छ । यसबाहेक सही आचरण र नम्रताद्वारा सन्तहरूलाई मार्गदर्शन गर्ने पदासीन तथा जिम्मावालहरूको योग्यता र क्षमता वृद्धिका लागि पनि शिक्षण कार्यक्रम राख्ने गरिन्छ । कोरियाको ओग्छन गो एन्ड कम प्रशिक्षण प्रतिष्ठान, दोङबेग प्रशिक्षण प्रतिष्ठान आदिमा शिक्षण कार्यक्रम राखिन्थ्यो, र कोभिड १९ महामारीको अवधिमा अनलाइन शिक्षण समेत सञ्चालन गरिएको थियो ।

सन्तहरूले जहाँ र जहिलेसुकै परमेश्वरको वचनमा पहुँच गर्न सकून् भनेर परमेश्वरको मण्डलीको प्रधान कार्यालयले पुस्तक, अडियो रेकर्डिङ, र भिडियोजस्ता विभिन्न मिडिया स्रोतहरूमार्फत शैक्षिक सामग्री र प्रवचनहरू उपलब्ध गराउँछ । सन्तहरूलाई विश्वासमा हुर्काउन, उनीहरूमा व्यक्तिगत क्षमता विकास गर्न र एकताबद्ध गराउन विभिन्न कार्यक्रमहरूको पनि आयोजना गरिन्छ । विदेशी भाषामा बाइबल प्रस्तुति प्रतियोगिता,^[६२] सांस्कृतिक सामग्री अवार्ड,^[६३]^[६४] नयाँ भजन उत्सव,^[६५]^[६६] लगायत अन्य विभिन्न कार्यक्रमद्वारा सन्तहरूले आपसमा भातृ-प्रेम बाँड्छन् ।

सामुदायिक सेवा

सेवल पानीजहाज डुबान दुर्घटनापछि परमेश्वरको मण्डलीले निःशुल्क भोजन वितरण गरेको स्थल

“आफ्ना छिमेकीलाई प्रेम गर” भन्ने बाइबलको शिक्षा, अनि प्रेम लिनुमा भन्दा दिनुमा अझ बढी आशिष् हुन्छ भन्ने माता परमेश्वरको शिक्षालाई पछ्याउँदै परमेश्वरको मण्डलीका सन्तहरूले आफूले ख्रीष्टबाट सिकेको प्रेमलाई अभ्यास गर्न सिमाना, जाति र धर्मलाई पार गरेर सारा संसारमा स्वयंसेवा गर्दछन् । उनीहरूले वातावरण, समाज कल्याण, संस्कृति, शारीरिक शिक्षा र चिकित्सा सेवा जस्ता विविध विधाहरूमा पनि स्वयंसेवा गरिरहेका छन् । योचाहिँ सबै उमेर समूहको सक्रिय सहभागिताद्वारा पूरा हुन्छ : जस्तै गृहिणीहरू, सम्बन्धित विधाका विज्ञहरू, क्याम्पस विद्यार्थीहरू, माध्यमिक र उच्च माध्यमिक तहका विद्यार्थीहरू । विशेष गरेर परमेश्वरको मण्डलीको क्याम्पस विद्यार्थी स्वयंसेवा सङ्गठन [ASEZ], र परमेश्वरको मण्डली जागिरे युवा स्वयंसेवा सङ्गठन [ASEZ WAO]मा आबद्ध रहेका युवा समूहहरू यस्ता गतिविधिहरूमा संलग्न हुन निकै उत्सुक छन् ।

कोरियामा साम्फुङ डिपार्टमेन्ट भवन ढल्दा, देगु भूमिगत रेल आगलागी हुँदा, फोहाङमा भूकम्प जाँदा, सेवल पानीजहाज दुर्घटना हुँदा जस्ता देशव्यापी आपतविपत आइपर्दा सन्तहरूले उद्धार तथा मर्मत सम्भार सेवा, अनि भोजन वितरण जस्ता कार्यहरूमा समेत अग्रता लिँदैआएका छन् ।^[६७]^[६८]^[६९]^[७०] साथै इन्डोनेसियामा सुनामी, इक्वेडरमा ज्वालामुखी विस्फोटन, संयुक्त राज्य अमेरिकामा आँधीबेहरी, फिलिपिन्समा तूफान, नेपालमा भूकम्प, जापानमा भारी वर्षा, पेरुमा शीतलहर जस्ता विभिन्न प्रकोप आइपर्दा, विश्वभरिका परमेश्वरको मण्डलीका सन्तहरूले पीडितहरूको सहयोगार्थ विभिन्न मर्मत सम्भार कार्य तथा राहत प्रोजेक्टहरू गर्दैआएका छन् ।^[७१]

सन् २०२४ अप्रिलसम्ममा विश्वभरिका १०२ वटा राष्ट्रहरूमा प्रकोप राहत, रक्तदान, विपन्नहरूलाई सहयोग, चिकित्सा सहयोग, शैक्षिक सहयोग जस्ता थुप्रै सामुदायिक सेवा गतिविधिहरू करीब २८,००० पटक गरिएको छ । रगतको अभावका कारण जोखिममा परेका मानिसहरूलाई सहयोग गर्ने उद्देश्यले १,३०० पटक भन्दा बढी रक्तदान अभियान गरिएको छ ।^[७२] जसमा २,६३,००० जना सहभागीहरूमध्ये करीब १,११,००० जनाले रक्तदान गरेका छन् । एक जनाको रक्तदानले तीन जनालाई बचाउन सक्ने भएकोले योचाहिँ ३,३३,००० जनाभन्दा बढीलाई बचाउनु जस्तै हो ।

यस्ता गतिविधिहरूद्वारा परमेश्वरको मण्डलीले अन्तर्राष्ट्रिय स्तरमा मान्यता प्राप्त दिगो विकास लक्ष्य (SDGs) कार्यान्वयनमा सहभागिता जनाउँदछ ।^[७३] हालसालै सारा संसार कोभिड-१९को महामारीले आतङ्कित भइरहेको बेला उनीहरूले विभिन्न सरकारी विभागहरू, संघ-संस्था र सामुदायिक निकायहरूलाई फेस मास्क, ह्यान्ड सेनिटाइजर, मेडिकल सामग्री, खाद्य सामग्री र दैनिक आवश्यक सामग्रीहरू वितरण जस्ता विभिन्न रोकथामका उपाय र राहत कार्यहरू गरेका छन् ।^[७४]

परमेश्वरको मण्डली कोभिड-१९ रोकथामको लागि दान वितरण ।

कोभिड-१९ उद्धार कार्यमा सहयोग

सरकारी कर्मचारीहरू, सार्वजनिक कार्यालयहरू, चिकित्सा कर्मचारीहरू, प्रहरी अधिकारीहरू, अग्नि नियन्त्रकहरू आदिलाई व्यक्तिगत सुरक्षा सामग्री तथा कोभिड-१९का रोकथाम सामाग्रीहरू उपलब्ध ।
विपन्नहरूलाई व्यक्तिगत सुरक्षा सामग्री लगायत अन्य रोकथाम सामाग्री, खाद्यान्न तथा दैनिक उपभोग्य सामग्री उपलब्ध ।
कोभिड-१९को महामारी रोकथामका लागि रक्तदान
‘Heart to Heart’ प्रोजेक्ट
‘Hand to Hand’ रिले
‘Cheer Up’ प्रोजेक्ट

आकस्मिक उद्धार

प्राकृतिक प्रकोप तथा दुर्घटना ग्रस्त ठाउँमा मर्मत सम्भार सेवा
पीडितलाई चिकित्सा सहयोग, कोष तथा राहत सामग्री अनुदान र च्यारिटी कन्सर्ट
प्रकोप पीडितहरूलाई निःशुल्क भोजन वितरण
प्रकोपको पूर्वतयारी शिक्षण

गरिबी र भोकमरी निवारण

सन् २०२२ नव वर्षको दिनमा छिमेकीहरूसँग प्रेम बाँड्दै

विपन्न मानिसहरूलाई जीविका खर्च सहयोग
भोजन, दैनिक आवश्यक सामग्रीहरू र किम्ची सहयोग
ताप उपकरण सुविधा वितरण तथा इन्धन खर्च सहयोग, साथै हिउँदको तयारीस्वरूप घरहरू मर्मत
आवास सुधारमा सहयोग

स्वास्थ्य सेवा

निस्तार-चाडको प्रेम, जीवन बचाउने विश्वव्यापी रक्तदान अभियान
विपन्न मानिसहरूलाई निःशुल्क चिकित्सा उपचार, खोप सहयोग र औषधी तथा चिकित्सा खर्च सहयोग
चिकित्सा सुविधाको लागि सामग्री दान तथा सरसफाइ सेवा

स्वच्छ पानी तथा सरसफाइ

पानीको अभाव भएका देशहरूमा पानी पम्प सहयोग
समुद्र तथा जलमार्ग संरक्षण
EM प्रणालीद्वारा नदी-नाला जोगाउने क्याम्पेन

स्वास्थ्य प्रवर्धन

बालबालिका, वृद्ध-वृद्धा लगायत सबै छिमेकीहरूले हर्षपूर्ण जीवन जिउन सकून् भनेर परमेश्वरको मण्डलीले स्वास्थ्यलाई प्रवर्धन गर्न प्रयत्न गर्दछ ।

बालबालिका तथा किशोर-किशोरीहरूका लागि कार्यक्रम
एकल ज्येष्ठ नागरिकहरूलाई सहयोग, सान्त्वनादायक भोज, निःशुल्क केश श्रृङ्गार सेवा
बहुसांस्कृतिक परिवारहरूका लागि सहयोगमूलक कार्यक्रम
समाज कल्याण सुविधाका लागि सहयोग
विपन्न छिमेकीहरूलाई सहयोग
खेती तथा मत्स्य गाउँलाई सहयोग

शैक्षिक समर्थन

शैक्षिक सुविधा तथा सरसामान सहयोग
विद्यालयको वातावरण सरसफाइ
पढाइ खर्च सहयोग
चरित्र शिक्षा
फोरम, गोष्ठी, क्याम्पेनमार्फत जनचेतना प्रवर्धन
‘मदर्स स्कूल’ प्रोजेक्ट

सन् २००३ देगु युनिभर्सियाडको उद्घाटन समारोहमा औरा समर्थकहरूको वि ♥ यू फ्ल्यास-लाइट प्रस्तुति ।

समुदाय र राष्ट्रलाई समर्थन

प्रहरी चौकी, अग्नि नियन्त्रण कार्यालय र सैन्य शिविरमा कदर भ्रमण
सामाजिक क्रम क्याम्पेन
क्षेत्रीय, राष्ट्रिय र अन्तर्राष्ट्रिय कार्यक्रमहरूमा स्वयंसेवा
‘एकसाथ अपराध न्यूनीकरण’ प्रोजेक्ट

परिवार र छिमेकीहरूबीच स्वस्थ सञ्चारलाई प्रवर्धन

‘हाम्री आमा’ लेख तथा तस्वीर प्रदर्शनी
‘बुबाको साँचो मन’ प्रदर्शनी
अर्केस्ट्रा कन्सर्ट
जागिरेहरूका लागि ‘हिलिङ सेमिनार’
‘फ्लावर लेटर’ क्याम्पेन

कोरियाको इन्छन, सोङदो अन्तर्राष्ट्रिय सिटी, सेन्ट्रल पार्कमा ASEZ WAOद्वारा गरिएको सरसफाइ

वातावरण संरक्षण

वन सरसफाइ
समुद्र तथा जलमार्ग संरक्षण
वातावरण संरक्षणका लागि फोरम, गोष्ठी र क्याम्पेन
मदर्स स्ट्रिट प्रोजेक्ट
मदर्स फरेस्ट प्रोजेक्ट
GPGP निवारण प्रोजेक्ट (प्लास्टिकको प्रयोग घटाउने)
ग्रिन अर्थ् प्रोजेक्ट (सहर तथा वन सरसफाइ)
ब्लु ओसियन प्रोजेक्ट (समुद्र तथा खोला-नदी शुद्धीकरण)
ग्रिन वर्कप्लेस प्रोजेक्ट (कार्यक्षेत्रमा वातावरण मैत्री गतिविधि)
ग्रिन्सिप प्रोजेक्ट

अन्तर्राष्ट्रिय सहकारिता

अन्तर्राष्ट्रिय समुदायले सामना गर्ने प्राकृतिक प्रकोप, वातावरणीय चिन्ता, रोग र अनिकाल जस्ता साझा समस्याहरूलाई समाधान गर्न परमेश्वरको मण्डलीले सरकार तथा विभिन्न मानवतावादी एजेन्सीहरूसँग सहकारिता गर्दछ । देश, जाति र विविधतालाई पार गरेर सबै वर्गका मानिसहरूले आपसी सम्झौता, सम्मेलन र विभिन्न मामिलाहरूमा समर्थन हस्ताक्षर आदिद्वारा परमेश्वरको मण्डलीसँग सहकार्य गर्दैआएका छन् ।

यूएनमा महासचिव पास्टर गिम जु छलको वक्तव्य

यूएनको केन्द्रीय आकस्मिक प्रतिक्रिया कोष [CERF]को उच्चस्तरीय सम्मेलनमा सहभागी हुँदै महासचिव पास्टर गिम जु छल

परमेश्वरको मण्डलीले विश्वव्यापी गाउँका छिमेकीहरूलाई सहयोग गर्ने दायरा विस्तार गर्दै, अनि विद्यमान ठाउँहरूको संरक्षण गर्दैआएकोले सन् २०१६ डिसेम्बर १३मा न्यू योर्कमा रहेको यूएन मुख्यालयमा आयोजित ७१औँ केन्द्रीय आकस्मिक प्रतिक्रिया कोष CERF उच्चस्तरीय सम्मेलनमा महासचिव पास्टर गिम जु छललाई आमन्त्रण गरिएको थियो । यूएनका विभिन्न संस्था, विभिन्न सदस्य देशहरू र अन्य थुप्रै गैर-सरकारी संस्थाहरूबाट गरेर करीब २०० जनाको सहभागिता रहेको उक्त बैठकमा पास्टर गिम जु छलले सङ्कट ग्रस्त देशहरूलाई सहयोग गर्न केन्द्रीय आकस्मिक राहत कोष(CERF) र यूएनबाट प्रायोजित संस्थाका गतिविधिलाई समर्थन गर्ने प्रतिबद्धता जाहेर गर्नुका साथै आगामी दिनहरूमा पनि निरन्तर सहकारिता र सहयोग गर्ने वाचा पनि व्यक्त गर्नुभयो । CERF सचिवालयकी प्रमुख, लिसा डोटनले भन्नुभयो, “यस सम्मेलनमा निमन्त्रणा पाएको पहिलो मण्डली नै परमेश्वरको मण्डली हो ।”^[७५] यूएनले परमेश्वरको मण्डलीलाई आमन्त्रण गर्नुको कारणचाहिँ विपत्ति र कठिनाइ परेको हरेक ठाउँमा उद्धार कार्य गर्न अग्रसर हुने यस मण्डलीका कार्यहरू साँच्चै नै उत्कृष्ट र उदाहरणीय भएकाले गर्दा हो । जुनचाहिँ नेपालमा विनाशकारी भूकम्प जाँदा अनि संयुक्त राज्य अमेरिकामा शक्तिशाली तूफान चल्दा मण्डलीले गरेको राहत कार्यहरूमा देख्न सकिन्छ ।^[७६]

सन् २०१०मा हाइटीमा शक्तिशाली भूकम्प पूरै देशलाई ठूलो झट्का लागेको थियो । तब हाइटी देशलाई मर्मत सम्भारमा सहयोग गर्न परमेश्वरको मण्डलीले संयुक्त राष्ट्र संघको भ्रमण गरेर CERFलाई १,००,००० अमेरिकी डलर अनुदान गऱ्यो । महासचिवज्यूको भ्रमणको क्रममा यूएनले परमेश्वरको मण्डलीसँग साझेदारी गर्न प्रस्ताव राख्यो ।^[७७]

सम्झौता, सम्मेलन र समर्थनका हस्ताक्षरहरू

भविष्यविद् जेरोम ग्लेनले ASEZ सम्मेलनमा सहभागी भएर दिगो भविष्यको विषयमा परमेश्वरको मण्डलीका क्याम्पस विद्यार्थीहरूसँग बहस गरे ।

अन्तर्राष्ट्रिय गाउँको विकास र सद्भावका लागि परमेश्वरको मण्डलीले लिएको दृष्टिकोण, गरेका प्रयासहरू, त्यसै गरी वातावरण संरक्षण, शैक्षिक सहयोग र मानव-कल्याण प्रवर्धन जस्ता दिगो विकासका लक्ष्यहरू(SDGs) कार्यान्वयनमा मण्डलीको सक्रिय सहभागिता देखेर धेरै देशका सरकारहरू, स्थानीय सरकारहरू र क्याम्पसहरूले मण्डलीको भिजनप्रति सहमति जनाए । नेपालको शिक्षा मन्त्रालय, भारतको बेङ्गलोर र रायपुर सहर, ब्राजिलको सान्तो आन्द्रे सहर, गणतन्त्र स्वाने सहर, मङ्गोलियाको राष्ट्रिय रक्त प्रतिष्ठान सबैले परमेश्वरको मण्डलीको ASEZ, र ASEZ WAOसँग MOU सम्झौता-पत्रमा हस्ताक्षर गरे ।^[७८] ASEZले नेपालको शिक्षा मन्त्रालय, गणतन्त्र डोमिनिकनको वातावरण मन्त्रालय(सन् २०२३को अक्टोबरसम्म) लगायतका १५४ वटा संस्थाहरूसित MOU हस्ताक्षर गरेर स्थानीय समुदायहरूमा स्वयंसेवाका गतिविधिहरू गर्दैआएको छ ।^[७९]

संयुक्त राष्ट्र सहस्राब्दी परियोजनाका अध्यक्ष, भविष्यविद जेरोम ग्लेनले ASEZ सम्मेलनमा सहभागी भएर युवाहरूलाई दिगो भविष्यको प्रवर्धन गर्न प्रोत्साहन दिए ।^[८०] पेरुको न्यायिक शक्तिका उच्च न्यायाधीशको रूपमा सेवा गरेका दुबेर्ली रोद्रिगेज तिनियो पनि जलवायु परिवर्तनसँग प्रतिकार सम्बन्धी सम्मेलनमा सहभागी भएर आफ्नो वक्तत्व राख्दै समर्थन जनाए । यूएनका पूर्व महासचिव बान गि मुन, अनि रसायन शास्त्रका नोबेल अवार्ड विजेता रोबर्ट हुबर लगायत सबै विधाका ६०,००० जनाभन्दा बढीले परमेश्वरको मण्डलीका युवा समूहको गतिविधिप्रति समर्थन र प्रोत्साहनको हस्ताक्षर गरे ।^[७९]

अवार्ड

राष्ट्रपतीय सङ्गठन प्रशंसा-पत्र, योग्यता पदक, राष्ट्रपतीय प्रशंसा-पत्र

स्वयंसेवाद्वारा गरेको अथक प्रयत्नको कदर गर्दै विश्वभरिका देशहरूले परमेश्वरको मण्डलीलाई करीब ४,२०० पटक विभिन्न कदर पदक, उत्कृष्टता प्रशंसा-पत्र र उपलब्धि अवार्डले सम्मान गरेका छन् । अवार्डको विस्तृत जानकारीका लागि कृपया तलको लिङ्कमा जानुहोला ।

परमेश्वरको मण्डली विश्व सुसमाचार समाजका अवार्डहरू

गणतन्त्र कोरियाबाट राष्ट्रपतीय अवार्ड

देशको विकास र नागरिकहरूको एकतामा योगदान पुऱ्याएबापत् परमेश्वरको मण्डलीले कोरियाका ३ कार्यकालका सरकारहरूबाट राष्ट्रपतीय प्रशंसा पत्र, राष्ट्रपतीय सङ्गठन प्रशंसा-पत्र र योग्यता पदक प्राप्त गरेको छ : सन् २००३मा राष्ट्रपति गिम दे जुङबाट, सन् २००४मा रो मु ह्यनबाट र सन् २०१५मा राष्ट्रपति बाग गुन ह्येबाट ।^[२] कुनै धार्मिक संस्थाले राष्ट्रपतीय सङ्गठन प्रशंसा-पत्र पाउनु भनेको एकदम असाधारण कुरा हो । योचाहिँ परमेश्वरको मण्डलीका सन्तहरूले समुद्री प्रकोप क्षेत्र र समुद्री वातावरण संरक्षण क्षेत्रमा वर्षौँदेखि गर्दैआएका प्रशंसनीय कार्यहरूको प्रतिफल थियो ।

संयुक्त राज्य अमेरिकाबाट राष्ट्रपतीय स्वयंसेवा अवार्ड

‘वातावरण सरसफाइ, रक्तदान, पिछाडिएका छिमेकीहरूलाई सहयोग र विपत्ति राहत जस्ता बृहत् सेवाद्वारा, खाँचो परेका छिमेकीहरूलाई सहयोग गर्दै उज्ज्वल परिवर्तन ल्याउन योगदान पुऱ्याएबापत् परमेश्वरको मण्डलीलाई संयुक्त राज्य अमेरिकाको राष्ट्रपतीय स्वयंसेवा अवार्डले पुरस्कृत गरियो । यो अवार्डचाहिँ सेवामा कति समय समर्पित गरेको छ भन्ने कुराको आधारमा स्वर्ण, रजत र काँस्य अवार्ड प्रदान गरिन्छ । विशेष गरी ‘आजीवन उपलब्धि अवार्ड’चाहिँ ४,००० घण्टाभन्दा बढी समय स्वयंसेवामा समर्पित व्यक्तित्वहरूलाई दिइने अवार्ड हो । परमेश्वरको मण्डलीले आजीवन उपलब्धि अवार्ड, र व्यक्तिलाई दिइने सबैभन्दा उत्कृष्ट अमेरिकी राष्ट्रपतीय स्वयंसेवा अवार्ड, अनि सङ्गठनलाई दिइने सबैभन्दा उत्कृष्ट स्वर्ण अवार्ड ६० पटक प्राप्त गरेको छ । यी अवार्डहरू ३ अलग-अलग प्रशासन– राष्ट्रपति बाइडेन, डोनाल्ड ट्रम्प, र बाराक ओबामाद्वारा जारी गरिएको थियो ।

बेलायती महारानी स्वयंसेवा अवार्ड

‘बेलायती महारानी स्वयंसेवा अवार्ड’चाहिँ निरन्तर स्वयंसेवामा समर्पित भएर समाजमा योगदान पुऱ्याउने संस्थाहरूलाई दिइने अवार्ड हो । वर्षौँसम्मको विस्तृत र कडा मूल्याङ्कन अनि स्वयंसेवाको परिणामको प्रमाणीकरणपछि बल्ल उम्मेदवारहरूलाई महारानीको अनुमोदनको लागि पेश गरिन्छ । ५३ वटा आत्मनिर्भर राज्यहरूको सङ्गठन रहेको कमनवेल्थकी प्रमुख तथा संयुक्त अधिराज्यकी महारानी एलिजाबेथ द्वितीयले निरन्तर स्वयंसेवाद्वारा समाज र देशमा सकारात्मक छाप छोडेबापत बेलायतमा अवस्थित परमेश्वरको मण्डलीलाई अवार्डले सम्मान गर्नुभएको थियो । साथै बेलायती राजपरिवारले मण्डलीलाई “ब्रिटिश साम्राज्यको सर्वोत्कृष्ट सदस्यता”[MBE]को उपाधिले पनि सम्मान गऱ्यो ।^[३]^[८१]

ग्रीन वर्ल्ड अवार्ड र ग्रीन एप्पल अवार्ड

वातावरण संरक्षणमा उपलब्धि हासिल गरेबापत दिइने अन्तर्राष्ट्रिय वातावरण अवार्ड रहेको ग्रीन वर्ल्ड अवार्ड(स्वर्ण) र ग्रीन एप्पल अवार्ड(स्वर्ण, रजत, काँस्य)चाहिँ परमेश्वरको मण्डली, ASEZ र ASEZ WAOले प्राप्त गरेको छ । ग्रीन वर्ल्ड अवार्ड र ग्रीन एप्पल अवार्डचाहिँ यूरोपमा ‘द ग्रीन अर्गनाइजेसन’द्वारा आयोजित प्रसिद्ध अन्तर्राष्ट्रिय, गैर-नाफामूलक वातावरण संरक्षण संस्था हो । जुन यूरोपेली संघ(EU), राजकीय कला समाज(RSA) र बेलायती एजेन्सीकै सबैभन्दा प्रतिष्ठित वातावरण अवार्ड हो ।

सन् २०१८मा परमेश्वरको मण्डली र ASEZले सन् २०१८ ग्रीन एप्पल अवार्ड स्वर्ण र काँस्य पदक एकैसाथ हासिल गऱ्यो ।^[८२]

यस अवार्ड वितरण समारोहचाहिँ कोभिड-१९ महामारीका कारण बीचमा स्थगित भएको सन् २०२०को अवार्ड वितरण समारोहसँगै सन् २०२१को नोभेम्बरमा बेलायतको लन्डनमा आयोजना गरिएको थियो । ASEZ र ASEZ WAO दुवैले ग्रीन वर्ल्ड स्वर्ण अवार्ड प्राप्त गर्नुका^[८३]^[८४] साथै दुवै संस्था ग्रीन वर्ल्डका राजदूतको रूपमा नियुक्त भए ।^[८५] ASEZ WAOले ग्रीन एप्पल अवार्ड (स्वर्ण र रजत) पनि प्राप्त गऱ्यो ।^[८६]^[८७]

सन् २०२३मा ASEZ WAOले ग्रीन अर्थ् प्रोजेक्टद्वारा स्थलीय पारिस्थितिक प्रणालीलाई संरक्षण गरेको कदरस्वरूप ग्रीन एप्पल अवार्ड(काँस्य) प्राप्त गर्नुका साथै सन् २०२० देखि सन् २०२३सम्म नियमित ४ वर्षसम्म गरेको स्वयंसेवाको कदरस्वरूप ग्रीन एप्पल अवार्ड प्राप्त गऱ्यो ।^[८८]

मिडिया रिपोर्टहरू

अहिले विश्वभरिका सञ्चार माध्यमहरूले परमेश्वरको मण्डलीप्रति निकै चासो देखाइरहेका छन् । सन् २०२४को मे महिनासम्ममा, परमेश्वरको मण्डलीसँग सम्बन्धित समाचारहरू १२,२०० वटा जति प्रसारण तथा प्रकाशन भएका छन् ।

परमेश्वरको मण्डलीप्रतिको आस्था र विश्वासदेखि सुरु गरेर सामुदायिक सेवा गतिविधिहरू र अवार्डहरू पाएको जस्ता विविध विषयहरूमा समाचार प्रकाशित हुँदैआएको छ । परमेश्वरको मण्डलीले सुरुको मण्डलीको परम्परालाई जस्ताको तस्तै अपनाएको, अनि पिता परमेश्वर र माता परमेश्वर साथै नयाँ करार निस्तार-चाड जस्ता मुख्य आधारमा विश्वास गर्ने गरेको कुरा मिडियाहरूले प्रस्तुत गरे । ती रिपोर्टहरूमा भक्तिपूर्ण आराधना, पादरी कर्मचारी र सन्तहरूको नम्र व्यवहार, घर र छिमेकमा गरेका सुकर्म र सामुदायिक सेवा लगायत मण्डलीका विविध पक्षहरू समेटिएका छन् । यी कुराहरूको आधारमा, ख्रीष्टको उदाहरणलाई पछ्याउँदै निःस्वार्थी मनले कार्य गरिरहेको परमेश्वरको मण्डलीले सबैतिरबाट सकारात्मक प्रतिक्रिया पाइरहेको छ ।

परमेश्वरको मण्डली विश्व सुसमाचार समाजको बारेमा विश्वभरिबाट मिडिया रिपोर्टहरू

बाह्य कडीहरू

सम्बन्धित भिडियोहरू

परमेश्वरको मण्डलीको परिचयात्मक भिडियो

कोरियामा परमेश्वरको मण्डली

सन्दर्भ सामग्रीहरू

↑ ^१.० ^१.१ "खस्कँदैगएको धर्ममा, विश्वभरिका १७५ वटा देशका ७,५०० वटा मण्डलीहरूमा ... विश्वभरि ३७ लाख जना दर्तित सदस्यहरू"। Monthly Chosun। फेब्रुअरी २०२४।
↑ ^२.० ^२.१ ^२.२ "मुख्य अवार्ड"। WATV.org।
↑ ^३.० ^३.१ "बेलायती महारानी स्वयंसेवा अवार्ड"। परमेश्वरको मण्डली विश्व सुसमाचार समाज, बेलायत।
↑ "परमेश्वरको मण्डली ब्राजिलको विधायिकी पदकले सम्मानित"। WATV.org। डिसेम्बर ७, २०२२।
↑ ^५.० ^५.१ "मत्ती २८:१९-२०"।
↑ "परमेश्वरको मण्डली प्रतिष्ठानको उद्घाटन"। Okcheon News। नोभेम्बर ११, २००५।
↑ एलोहिम प्रतिष्ठानको वेबसाइट
↑ "परमेश्वरको मण्डलीद्वारा जेजुमा नयाँ सुविधा स्थल र मन्दिर स्थापना"। Kyeonggi Ilbo। अगस्ट ८, २०१६।
↑ "शिक्षण पाठ्यक्रम"। परमेश्वरको मण्डलीको आध्यात्मिक प्रतिष्ठान वेबसाइट।
↑ "मानव-जातिको भूत, वर्तमान र भविष्य एकै झलकमा"। Kyeonggi Ilbo। जनवरी १६, २०१४।
↑ ^११.० ^११.१ "हिब्रू ९:२७-२८"।
↑ ^१२.० ^१२.१ ^१२.२ ^१२.३ ^१२.४ "परमेश्वरको मण्डलीको परिचय"। WATV.org।
↑ ^१३.० ^१३.१ "मत्ती ६:९"।
↑ ^१४.० ^१४.१ ^१४.२ "गलाती ४:२६-२८"।
↑ "उत्पत्ति १:२६-२७"।
↑ ^१६.० ^१६.१ ^१६.२ "प्रकाश २२:१७"।
↑ "प्रकाश २१:९-१०"।
↑ "यूहन्ना १:१-१४"।
↑ "यूहन्ना १०:३३"।
↑ "१ तिमोथी २:५"।
↑ "फिलिप्पी २:५-८"।
↑ "२ कोरिन्थी ६:१७-१८"।
↑ "मत्ती १२:८"।
↑ "प्रेरित १७:२"।
↑ "प्रस्थान १२:११-१३"।
↑ "प्रस्थान १२:७-११"।
↑ "प्रस्थान १२:२५-२७"।
↑ "लूका २२:१९-२०"।
↑ "मत्ती २६:१९-२८"।
↑ "यूहन्ना ६:५३-५४"।
↑ "१ कोरिन्थी ११:१-१६"।
↑ "कलस्सी २:१२"।
↑ "गलाती ३:२७"।
↑ "फिलिप्पी ३:२०"।
↑ अजेय सूर्यको जन्मThe Free Dictionary
↑ "प्रस्थान २०:४-५"।
↑ A Dictionary of Dates Relating to All Ages and Nations, Haydn, J. and Vincent, B., London. E. Moxon and Co., सन् १८६३, पेज १९८, “क्रूस,” ई.सं. ४३१तिर मण्डली र सदनहरूमा क्रूस राखियो र ई.सं. ५६८मा मण्डलीको धूरीमा ठड्याइयो ।
↑ ^३८.० ^३८.१ "१ कोरिन्थी १:२"।
↑ "प्रेरित २०:२८"।
↑ "प्रेरित २०:१७"।
↑ "प्रेरित १३:१"।
↑ "प्रेरित १७:१-२"।
↑ "प्रेरित १७:१६-१७"।
↑ "प्रेरित २८:१-८"।
↑ "प्रेरित १४:२०-२५"।
↑ "प्रेरित १३:४-५"।
↑ "रोमी १:७"।
↑ "[विशेष जानकारी ● लुथरको ५०० वर्षको धर्म सुधार _परमेश्वरको मण्डली र बाइबलको सत्यता] तिनीहरू के विश्वास गर्छन् र के पालन गर्छन् ?"। Monthly JoongAng। नोभेम्बर १७, २०१७।
↑ "१ तिमोथी २:३-४"।
↑ "मर्कूस १६:१५"।
↑ ^५१.० ^५१.१ "[विशेष लेख, परमेश्वरको मण्डलीको ६०औँ वार्षिकोत्सव] २० वर्षदेखि कोरिया र संसारलाई जोड्ने पुल बन्दै : परमेश्वरको मण्डलीको विदेशी सन्तको भ्रमण कार्यक्रम"। Monthly JoongAng। मे १७, २०२४।
↑ "परमेश्वरको मण्डलीले 'जागिरेहरूका लागि खुशी वेबिनार'को आयोजना"। WATV.org।
↑ "विश्वभरिका क्याम्पस विद्यार्थीहरूको ७५औँ विदेशी सन्तको भ्रमण टोली"। Monthly Chosun। अगस्ट २०१९।
↑ "[विशेष लेख ● लुथरको ५०० वर्षको धर्म-सुधार – परमेश्वरको मण्डली र बाइबलको सत्यता] परमेश्वरको मण्डली विश्व सुसमाचार समाजका २७ लाख जना सन्तहरूको 'बृहत् गायन'"। Monthly JoongAng। नोभेम्बर १७, २०१७।
↑ "विश्वभरि आशा र खुशी फैलाउने परमेश्वरको मण्डली विश्व सुसमाचार समाज"। WATV.org।
↑ "खुशी परिवारबारे अन्तर्राष्ट्रिय सम्मेलन"। WATV.org। अप्रिल ६, २०१९।
↑ "राजधानी क्षेत्र वरपर आमाको मनद्वारा हिलिङ कन्सर्ट यात्रा बन्द"। English.watv.org। डिसेम्बर १, २०१३।
↑ "मायालु परिवारसँग प्रेम बाँड्ने स्वर्ण अवसर"। English.watv.org।
↑ "परमेश्वरको मण्डली विद्यार्थी ग्रीष्म शिविर"। Shinailbo। अगस्ट २, २०१९।
↑ "सन् २०१५ माध्यमिक तथा उच्च माध्यमिक तहका विद्यार्थीहरूका लागि ग्रीष्म शिविर"। WATV.org।
↑ "परमेश्वरको मण्डली, सही व्यक्तित्व र आशापूर्ण सपनाको मार्गदर्शक"। Weekly DongA। जनवरी १६, २०२०।
↑ "१७औँ विदेशी भाषा बाइबल प्रस्तुति प्रतियोगिता"। English.watv.org।
↑ "सन् २०२४ नयाँ यरूशलेम सांस्कृतिक सामग्री अवार्ड समारोह"। WATV.org। जनवरी २८, २०२४।
↑ "परमेश्वरको मण्डलीबाट न्यानो सांस्कृतिक सामग्री : पारिवारिक प्रेम र विश्वासमा जरा गाडिएका विकासका कहानीहरूलाई प्रेरित गर्दै"। Woman DongA। फेब्रुअरी २९, २०२४।
↑ "विद्यार्थी नयाँ भजन उत्सव"। WATV.org।
↑ "विद्यार्थी तथा युवा समूहको चौथो नयाँ भजन उत्सव"। NEWS.WATV.org।
↑ "'परमेश्वरको प्रेम'को आधारमा तयार गरिएको "कसैले पनि एकलो महसुस नगर्ने संसार""। Monthly Chosun। मार्च २०२०।
↑ "परमेश्वरको मण्डलीबाट फोहाङ भूकम्प पीडितहरूलाई १० करोड कोरियाली वन् अनुदान"। Incheon Ilbo। डिसेम्बर २१, २०१७।
↑ "परमेश्वरको मण्डलीबाट फोहाङमा नि:शुल्क भोजन वितरण"। Joongboo Ilbo। डिसेम्बर ३, २०१७।
↑ "[सेवल पानीजहाज डुबान] सेवल पानीजहाज दुर्घटना स्थलमा परमेश्वरको मण्डलीबाट नि:शुल्क भोजन वितरण"। Kyeongin Ilbo। अगस्ट २१, २०१४।
↑ "आकस्मिक राहत"। WATV.org।
↑ "[विशेष लेख, परमेश्वरको मण्डलीको ६०औँ वार्षिकोत्सव] पृथ्वीको संयुक्त मञ्चले यूएनको समेत ध्यान खिँच्दै : परमेश्वरको मण्डली""। Monthly Chosun। फेब्रुअरी २०२४।
↑ "UN SDGs कार्यान्वयनका लागि ASEZ अन्तर्राष्ट्रिय फोरम"। WATV.org।
↑ "कोभिड-१९ रोकथामका लागि परमेश्वरको मण्डलीबाट आकस्मिक सहयोग"। WATV.org।
↑ "संयुक्त राष्ट्र संघको सम्मेलनमा परमेश्वरको मण्डलीका महासचिव पास्टर गिम जु छलको वक्तव्य"। Munhwa Ilbo। डिसेम्बर २९, २०१६।
↑ "संयुक्त राष्ट्र संघको सम्मेलनमा महासचिव पास्टर गिम जु छलको वक्तव्य"। WATV.org।
↑ "महासचिवज्यूले संयुक्त राष्ट्र संघको मुख्यालयको भ्रमण गर्नुभएर हाइटीको सहयोगार्थ अनुदान हस्तान्तरण गर्नुभयो"। WATV.org।
↑ "साझेदारी"। WATV.org।
↑ ^७९.० ^७९.१ "ASEZले समुद्री पारिस्थितिक प्रणाली संरक्षणद्वारा मानवीय साझा लक्ष्यको एक कदम नजिक जाँदै"। News Gyeongnam। अप्रिल २४, २०२४।
↑ "जेरोम क्लेटन ग्लेनको साथमा ASEZ सम्मेलन, परमेश्वरको मण्डली विश्व सुसमाचार समाज"। परमेश्वरको मण्डली क्याम्पस विद्यार्थी स्वयंसेवा सङ्गठन ASEZको युट्युब भिडियो। अक्टोबर १७, २०१९।
↑ ग्यङगी वार्षिक पुस्तक, Kyeonggi Daily News, सन् २०२१, पेज नं. २४८~२५९
↑ "The Church of God Wins 'Green Apple Award', One of the Top 4 Environmental Awards Worldwide"। Woman DongA। नोभेम्बर २९, २०१८।
↑ "ग्रीन वर्ल्ड स्वर्ण अवार्ड"। WATV AWARD।
↑ "ग्रीन वर्ल्ड स्वर्ण अवार्ड"। WATV AWARD।
↑ "परमेश्वरको मण्डली स्वयंसेवा सङ्गठनले ग्रीन एप्पल अवार्ड र ग्रीन वर्ल्ड अवार्ड पायो"। Sedaily। नोभेम्बर २१, २०२१।
↑ "ASEZ WAO स्वर्ण ग्रीन वर्ल्ड अवार्ड"। WATV अवार्ड।
↑ "ASEZ WAO राष्ट्रिय रजत, ग्रीन एप्पल वातावरण अवार्ड"। WATV AWARD।
↑ "परमेश्वरको मण्डलीले ग्रीन एप्पल सङ्गठन काँस्य अवार्ड पायो"। The Joongbu Ilbo। नोभेम्बर २४, २०२३।

[370만-1] १.० ^१.१ "खस्कँदैगएको धर्ममा, विश्वभरिका १७५ वटा देशका ७,५०० वटा मण्डलीहरूमा ... विश्वभरि ३७ लाख जना दर्तित सदस्यहरू"। Monthly Chosun। फेब्रुअरी २०२४।

[대통령상-2] २.० ^२.१ ^२.२ "मुख्य अवार्ड"। WATV.org।

[영국여왕상-3] ३.० ^३.१ "बेलायती महारानी स्वयंसेवा अवार्ड"। परमेश्वरको मण्डली विश्व सुसमाचार समाज, बेलायत।

[4] "परमेश्वरको मण्डली ब्राजिलको विधायिकी पदकले सम्मानित"। WATV.org। डिसेम्बर ७, २०२२।

[:1-5] ५.० ^५.१ "मत्ती २८:१९-२०"।

[6] "परमेश्वरको मण्डली प्रतिष्ठानको उद्घाटन"। Okcheon News। नोभेम्बर ११, २००५।

[7] एलोहिम प्रतिष्ठानको वेबसाइट

[8] "परमेश्वरको मण्डलीद्वारा जेजुमा नयाँ सुविधा स्थल र मन्दिर स्थापना"। Kyeonggi Ilbo। अगस्ट ८, २०१६।

[9] "शिक्षण पाठ्यक्रम"। परमेश्वरको मण्डलीको आध्यात्मिक प्रतिष्ठान वेबसाइट।

[10] "मानव-जातिको भूत, वर्तमान र भविष्य एकै झलकमा"। Kyeonggi Ilbo। जनवरी १६, २०१४।

[히9-11] ११.० ^११.१ "हिब्रू ९:२७-२८"।

[하나님의교회_진리소개-12] १२.० ^१२.१ ^१२.२ ^१२.३ ^१२.४ "परमेश्वरको मण्डलीको परिचय"। WATV.org।

[마6-13] १३.० ^१३.१ "मत्ती ६:९"।

[우리어머니-14] १४.० ^१४.१ ^१४.२ "गलाती ४:२६-२८"।

[15] "उत्पत्ति १:२६-२७"।

[:0-16] १६.० ^१६.१ ^१६.२ "प्रकाश २२:१७"।

[17] "प्रकाश २१:९-१०"।

[18] "यूहन्ना १:१-१४"।

[19] "यूहन्ना १०:३३"।

[20] "१ तिमोथी २:५"।

[21] "फिलिप्पी २:५-८"।

[22] "२ कोरिन्थी ६:१७-१८"।

[23] "मत्ती १२:८"।

[24] "प्रेरित १७:२"।

[25] "प्रस्थान १२:११-१३"।

[26] "प्रस्थान १२:७-११"।

[27] "प्रस्थान १२:२५-२७"।

[28] "लूका २२:१९-२०"।

[29] "मत्ती २६:१९-२८"।

[30] "यूहन्ना ६:५३-५४"।

[31] "१ कोरिन्थी ११:१-१६"।

[32] "कलस्सी २:१२"।

[33] "गलाती ३:२७"।

[34] "फिलिप्पी ३:२०"।

[35] अजेय सूर्यको जन्मThe Free Dictionary

[36] "प्रस्थान २०:४-५"।

[37] A Dictionary of Dates Relating to All Ages and Nations, Haydn, J. and Vincent, B., London. E. Moxon and Co., सन् १८६३, पेज १९८, “क्रूस,” ई.सं. ४३१तिर मण्डली र सदनहरूमा क्रूस राखियो र ई.सं. ५६८मा मण्डलीको धूरीमा ठड्याइयो ।

[고린도전서1장-38] ३८.० ^३८.१ "१ कोरिन्थी १:२"।

[39] "प्रेरित २०:२८"।

[40] "प्रेरित २०:१७"।

[41] "प्रेरित १३:१"।

[42] "प्रेरित १७:१-२"।

[43] "प्रेरित १७:१६-१७"।

[44] "प्रेरित २८:१-८"।

[45] "प्रेरित १४:२०-२५"।

[46] "प्रेरित १३:४-५"।

[47] "रोमी १:७"।

[월간중앙-48] "[विशेष जानकारी ● लुथरको ५०० वर्षको धर्म सुधार _परमेश्वरको मण्डली र बाइबलको सत्यता] तिनीहरू के विश्वास गर्छन् र के पालन गर्छन् ?"। Monthly JoongAng। नोभेम्बर १७, २०१७।

[49] "१ तिमोथी २:३-४"।

[50] "मर्कूस १६:१५"।

[60주년-51] ५१.० ^५१.१ "[विशेष लेख, परमेश्वरको मण्डलीको ६०औँ वार्षिकोत्सव] २० वर्षदेखि कोरिया र संसारलाई जोड्ने पुल बन्दै : परमेश्वरको मण्डलीको विदेशी सन्तको भ्रमण कार्यक्रम"। Monthly JoongAng। मे १७, २०२४।

[52] "परमेश्वरको मण्डलीले 'जागिरेहरूका लागि खुशी वेबिनार'को आयोजना"। WATV.org।

[53] "विश्वभरिका क्याम्पस विद्यार्थीहरूको ७५औँ विदेशी सन्तको भ्रमण टोली"। Monthly Chosun। अगस्ट २०१९।

[54] "[विशेष लेख ● लुथरको ५०० वर्षको धर्म-सुधार – परमेश्वरको मण्डली र बाइबलको सत्यता] परमेश्वरको मण्डली विश्व सुसमाचार समाजका २७ लाख जना सन्तहरूको 'बृहत् गायन'"। Monthly JoongAng। नोभेम्बर १७, २०१७।

[55] "विश्वभरि आशा र खुशी फैलाउने परमेश्वरको मण्डली विश्व सुसमाचार समाज"। WATV.org।

[56] "खुशी परिवारबारे अन्तर्राष्ट्रिय सम्मेलन"। WATV.org। अप्रिल ६, २०१९।

[57] "राजधानी क्षेत्र वरपर आमाको मनद्वारा हिलिङ कन्सर्ट यात्रा बन्द"। English.watv.org। डिसेम्बर १, २०१३।

[58] "मायालु परिवारसँग प्रेम बाँड्ने स्वर्ण अवसर"। English.watv.org।

[59] "परमेश्वरको मण्डली विद्यार्थी ग्रीष्म शिविर"। Shinailbo। अगस्ट २, २०१९।

[60] "सन् २०१५ माध्यमिक तथा उच्च माध्यमिक तहका विद्यार्थीहरूका लागि ग्रीष्म शिविर"। WATV.org।

[61] "परमेश्वरको मण्डली, सही व्यक्तित्व र आशापूर्ण सपनाको मार्गदर्शक"। Weekly DongA। जनवरी १६, २०२०।

[62] "१७औँ विदेशी भाषा बाइबल प्रस्तुति प्रतियोगिता"। English.watv.org।

[63] "सन् २०२४ नयाँ यरूशलेम सांस्कृतिक सामग्री अवार्ड समारोह"। WATV.org। जनवरी २८, २०२४।

[64] "परमेश्वरको मण्डलीबाट न्यानो सांस्कृतिक सामग्री : पारिवारिक प्रेम र विश्वासमा जरा गाडिएका विकासका कहानीहरूलाई प्रेरित गर्दै"। Woman DongA। फेब्रुअरी २९, २०२४।

[65] "विद्यार्थी नयाँ भजन उत्सव"। WATV.org।

[66] "विद्यार्थी तथा युवा समूहको चौथो नयाँ भजन उत्सव"। NEWS.WATV.org।

[67] "'परमेश्वरको प्रेम'को आधारमा तयार गरिएको "कसैले पनि एकलो महसुस नगर्ने संसार""। Monthly Chosun। मार्च २०२०।

[68] "परमेश्वरको मण्डलीबाट फोहाङ भूकम्प पीडितहरूलाई १० करोड कोरियाली वन् अनुदान"। Incheon Ilbo। डिसेम्बर २१, २०१७।

[69] "परमेश्वरको मण्डलीबाट फोहाङमा नि:शुल्क भोजन वितरण"। Joongboo Ilbo। डिसेम्बर ३, २०१७।

[70] "[सेवल पानीजहाज डुबान] सेवल पानीजहाज दुर्घटना स्थलमा परमेश्वरको मण्डलीबाट नि:शुल्क भोजन वितरण"। Kyeongin Ilbo। अगस्ट २१, २०१४।

[71] "आकस्मिक राहत"। WATV.org।

[72] "[विशेष लेख, परमेश्वरको मण्डलीको ६०औँ वार्षिकोत्सव] पृथ्वीको संयुक्त मञ्चले यूएनको समेत ध्यान खिँच्दै : परमेश्वरको मण्डली""। Monthly Chosun। फेब्रुअरी २०२४।

[73] "UN SDGs कार्यान्वयनका लागि ASEZ अन्तर्राष्ट्रिय फोरम"। WATV.org।

[74] "कोभिड-१९ रोकथामका लागि परमेश्वरको मण्डलीबाट आकस्मिक सहयोग"। WATV.org।

[75] "संयुक्त राष्ट्र संघको सम्मेलनमा परमेश्वरको मण्डलीका महासचिव पास्टर गिम जु छलको वक्तव्य"। Munhwa Ilbo। डिसेम्बर २९, २०१६।

[76] "संयुक्त राष्ट्र संघको सम्मेलनमा महासचिव पास्टर गिम जु छलको वक्तव्य"। WATV.org।

[77] "महासचिवज्यूले संयुक्त राष्ट्र संघको मुख्यालयको भ्रमण गर्नुभएर हाइटीको सहयोगार्थ अनुदान हस्तान्तरण गर्नुभयो"। WATV.org।

[78] "साझेदारी"। WATV.org।

[경남-79] ७९.० ^७९.१ "ASEZले समुद्री पारिस्थितिक प्रणाली संरक्षणद्वारा मानवीय साझा लक्ष्यको एक कदम नजिक जाँदै"। News Gyeongnam। अप्रिल २४, २०२४।

[80] "जेरोम क्लेटन ग्लेनको साथमा ASEZ सम्मेलन, परमेश्वरको मण्डली विश्व सुसमाचार समाज"। परमेश्वरको मण्डली क्याम्पस विद्यार्थी स्वयंसेवा सङ्गठन ASEZको युट्युब भिडियो। अक्टोबर १७, २०१९।

[경기연감-81] ग्यङगी वार्षिक पुस्तक, Kyeonggi Daily News, सन् २०२१, पेज नं. २४८~२५९

[82] "The Church of God Wins 'Green Apple Award', One of the Top 4 Environmental Awards Worldwide"। Woman DongA। नोभेम्बर २९, २०१८।

[83] "ग्रीन वर्ल्ड स्वर्ण अवार्ड"। WATV AWARD।

[84] "ग्रीन वर्ल्ड स्वर्ण अवार्ड"। WATV AWARD।

[85] "परमेश्वरको मण्डली स्वयंसेवा सङ्गठनले ग्रीन एप्पल अवार्ड र ग्रीन वर्ल्ड अवार्ड पायो"। Sedaily। नोभेम्बर २१, २०२१।

[86] "ASEZ WAO स्वर्ण ग्रीन वर्ल्ड अवार्ड"। WATV अवार्ड।

[87] "ASEZ WAO राष्ट्रिय रजत, ग्रीन एप्पल वातावरण अवार्ड"। WATV AWARD।

[88] "परमेश्वरको मण्डलीले ग्रीन एप्पल सङ्गठन काँस्य अवार्ड पायो"। The Joongbu Ilbo। नोभेम्बर २४, २०२३।

[१]

[२]

[३]

[४]

[५]

[६]

[७]

[८]

[९]

[१०]

[११]

[१२]

[१३]

[१४]

[१५]

[१६]

[१७]

[१८]

[१९]

[२०]

[२१]

[२२]

[२३]

[२४]

[२५]

[२६]

[२७]

[२८]

[२९]

[३०]

[३१]

[३२]

[३३]

[३४]

[३५]

[३६]

[३७]

[३८]

[३९]

[४०]

[४१]

[४२]

[४३]

[४४]

[४५]

[४६]

[४७]

[४८]

[४९]

[५०]

[५१]

[५२]

[५३]

[५४]

[५५]

[५६]

[५७]

[५८]

[५९]

[६०]

[६१]

[६२]

[६३]

[६४]

[६५]

[६६]

[६७]

[६८]

[६९]

[७०]

[७१]

[७२]

[७३]

[७४]

[७५]

[७६]

[७७]

[७८]

[७९]

[८०]

[८१]

[८२]

[८३]

[८४]

[८५]

[८६]

[८७]

[८८]