परमेश्वरको मण्डली विश्वकोश

नयाँ यरूशलेम फान्ग्यो मन्दिर

नयाँ यरूशलेम फान्ग्यो मन्दिर(यस उप्रान्त ‘फान्ग्यो मन्दिर’) परमेश्वरको मण्डली विश्व सुसमाचार समाजको प्रतिनिधि मण्डली हो । यो भवन गणतन्त्र कोरियाको ग्यङगी-दो, सङनाम-सी, बुन्दाङ-गु फान्ग्यो न्यू टाउनमा स्थापित छ, जहाँ उच्च-प्राविधिक औद्योगिक परिसर फान्ग्यो टेक्नो भ्याली अवस्थित छ । सन् २०१६ जनवरी १०मा फान्ग्यो मन्दिरमा *मन्दिर समर्पणको आराधना गरियो । फान्ग्यो मन्दिर आराधनाको स्थल हुनुका साथै यहाँ सन्तहरूको विश्वास निर्माण गर्ने, विभिन्न स्वयंसेवा र कार्यक्रमहरूद्वारा छिमेकीहरूसँग सञ्चार गर्ने र समुदायभित्र एकतालाई प्रवर्द्धन गर्ने शिक्षा पनि दिइन्छ । फान्ग्यो मन्दिर र परमेश्वरको मण्डलीका अन्य संस्था तथा सुविधा-स्थलहरूको भ्रमण गर्ने विदेशी सन्तहरूले बाइबलको बारेमा अझ राम्रो समझ र विविध अनुभवहरू बटुल्छन् । अनि आफ्नो देश फर्किएपछि उनीहरूले परमेश्वरको शिक्षा र कोरियाली संस्कृतिको बारेमा आफ्ना परिवार र समुदायलाई सुनाउँछन् ।

  • समर्पणको आराधनाचाहिँ नयाँ मन्दिर स्थापना हुँदा गरिने विशेष आराधना हो । नयाँ ठाउँ प्रदान गर्नुभएका परमेश्वरलाई धन्यवाद चढाउन र भेटीस्वरूप मन्दिर समर्पण गर्नलाई समर्पणको आराधना गर्ने गरिन्छ ।
नयाँ यरूशलेम फान्ग्यो मन्दिर
भवनको दृश्य
भवनको दृश्य
वर्गमण्डली
उद्देश्यआराधना, प्रचार, समाज सेवा
ठेगानागणतन्त्र कोरियाको ग्यङगी-दो, सङनाम-सी, बुन्दाङ-गु
आबद्धपरमेश्वरको मण्डली विश्व सुसमाचार समाज
वेबसाइटपरमेश्वरको मण्डलीको आधिकारिक वेबसाइट

नयाँ यरूशलेम फान्ग्यो मन्दिरको अवलोकन

  • समर्पणको आराधनाको मिति : सन् २०१६ जनवरी १०
  • मापन : जमिनमाथि ७ तला, जमिनमुनि ५ तला, कुल क्षेत्रफल ५,९०२ वर्ग मिटर
  • सुविधा स्थलहरू : ३,००० वटा सिट भएको मुख्य आराधना हल, सम्मेलन हल, सङ्गति हल, अनुवाद कक्ष, बहुउद्देश्यीय कक्ष, श्रव्यदृश्य कक्ष, अध्ययन कक्ष, गायन कक्ष
  • स्थान : गणतन्त्र कोरियाको ग्यङगी-दो, सङनाम-सी, बुन्दाङ-गु, फान्ग्यो न्यू टाउन

ख्रीष्टको शिक्षालाई कार्यान्वयन गर्न सकिने विश्वासको हल

 
कोरियाको नयाँ यरूशलेम फान्ग्यो मन्दिरमा समर्पणको आराधना

गणतन्त्र कोरिया(यस उप्रान्त ‘कोरिया’)बाट सुरु भएको परमेश्वरको मण्डली द्रुत गतिमा वृद्धि भएर आधा शताब्दीभित्र १७५ वटा देशहरूमा ७,५०० मण्डलीहरूमा वृद्धि भयो । (सन् २०००मा स्थापना भएको, र अहिले नयाँ यरूशलेम इमे मन्दिरको रूपमा परिचित) नयाँ यरूशलेम इमे मन्दिरचाहिँ नयाँ यरूशलेम फान्ग्यो मन्दिर स्थापना नहोउञ्जेल प्रतिनिधि मण्डलीको रूपमा रहेको थियो । फान्ग्यो मन्दिरचाहिँ कोरियाभित्रका सन्तहरू मात्र नभएर विश्वभरिबाट आउने सन्तहरूलाई स्वागत गर्नको निम्ति निर्माण गरिएको हो । समर्पणको आराधनामा महासचिव पास्टर गिम जु छलले विश्व सुसमाचारको अर्थ र महत्त्वबारे जोड दिनुभयो । उहाँले भन्नुभयो, “हामीले परमेश्वरबाट मुक्तिको महान् उपहार पाएका छौं । यो खुशी र उमङ्ग संसारका ७ अरब मानिसहरूसित बाँडौं ।”[१] साथै परमेश्वरको मण्डलीले सारा मानव-जातिलाई मुक्तिमा डोऱ्याउने विश्वव्यापी भिजन पनि घोषणा गर्नुभयो ।[२]

आराधना

 
नयाँ यरूशलेम फान्ग्यो मन्दिरमा निस्तार-चाड पवित्र सभा

फान्ग्यो मन्दिरमा साप्ताहिक रूपमा शबाथ-दिन र तेस्रो दिनको आराधना गरिन्छ, अनि वार्षिक रूपमा ३ चरणका ७ वटा चाडहरू मनाइन्छ । यहाँ महासचिव पास्टर गिम जु छलबाट प्रवचन सुनाइन्छ, र त्यसलाई अङ्ग्रेजी, स्पेनी, पोर्चुगिज, फ्रान्सेली, मङ्गोलियाली, हिन्दी, अरबी, रुसी लगायतका दशौँ भाषाहरूमा अनुवाद गरिन्छ । यी विभिन्न अनुवादहरू परमेश्वरको मण्डलीको आधिकारिक वेबसाइट र युट्युब च्यानलमार्फत उपलब्ध गराइन्छन् ।

मिसन र शिक्षा

मण्डली विश्वव्यापी मिसन र सन्त बाइबल शिक्षणका लागि फान्ग्यो मन्दिरले महत्त्वपूर्ण भूमिका खेल्दछ । सन्तहरूको विश्वासलाई दह्रिलो पार्न प्रत्येक उमेर समूहअनुसार नियमित बाइबल अध्ययन भेला र अन्य भेलाहरू गर्ने गरिन्छ । यस पालि ‘विश्वव्यापी पादरी कर्मचारी भेला’, ‘विश्व प्रचार सङ्कल्प ऱ्याली’, ‘खुशी परिवार अन्तर्राष्ट्रिय सम्मेलन’, ‘महिला पादरी कर्मचारी अन्तर्राष्ट्रिय लिडरसिप सम्मेलन’ जस्ता विभिन्न कार्यक्रमहरूको आयोजना गरियो । ख्रीष्टको प्रेम बाँड्ने र नयाँ करार सुसमाचार प्रचार गर्ने कार्यमा यी उत्सवहरूले सन्तहरूबीच एकता र छलफलको जगको भूमिका निर्वाह गर्दछन् । 

 
तस्वीर) ‘खुशी मण्डली’ अन्तर्राष्ट्रिय सम्मेलनमा विश्वभरिका महिला पादरी कर्मचारीहरूको सहभागिता ।
  • सन् २०१६, सन् २०१७ र सन् २०१९को महासभा फान्ग्यो मन्दिरमा आयोजना गरिएको थियो । सन् २०१८को महासभा ओग्छन गो एण्ड कम प्रशिक्षण प्रतिष्ठानमा आयोजना गरिएको थियो, र सन् २०२० र सन् २०२१को महासभाचाहिँ भर्चुअल(अनलाइन)बाट गरिएको थियो । विश्वभरिका पास्टरहरू अघिल्लो वर्षको सुसमाचारको परिणामबारे छलफल गर्न र नव वर्षको भिजन बनाउन एकसाथ भेला भए ।[३][४][५][६]
  • आन साङ होङज्यूको जन्मको १००औँ वार्षिकोत्सवको उपलक्ष्यमा नयाँ यरूशलेम प्रचार उत्सव उद्घाटन समारोह आयोजना गरियो, र त्यसैबाट ७ अरब प्रचार अभियानको आगो सल्कियो (सन् २०१८ नोभेम्बर २०) ।[७]
  • सन् २०१९ अप्रिल ६मा खुशी परिवार अन्तर्राष्ट्रिय सम्मेलनको आयोजना गरियो । यो सम्मेलनमा विश्वभरिका परमेश्वरको मण्डलीका पादरी कर्मचारीहरूले मण्डलीका सन्तहरू र नागरिकहरूले कसो गरेमा खुशी र हर्षपूर्ण पारिवारिक जीवन जिउन सक्छन् भन्नेबारे छलफल गरे ।[८]
  • सन् २०१९ अप्रिल २७ देखि मे १ सम्म महिला पादरी कर्मचारी अन्तर्राष्ट्रिय लिडरसिप सम्मेलनको आयोजना गरियो । महिला पादरी कर्मचारीहरूले, पादरी कर्मचारीले जसरी नै मण्डली र सन्तहरूको हेरचाह गर्दछन् । यस सम्मेलनमा ५२ वटा देशहरूबाट आएका महिला पादरी कर्मचारीहरूले अगमवक्ता र सुसमाचारको उद्देश्यको सद्गुणबारे पुनः स्मरण गराए ।[९] अप्रिल २८मा, महिला पादरी कर्मचारीको भूमिकाबारे अनि सन्तहरूसँग मिलेर कार्य गर्दै मण्डलीलाई खुशीले भरिपूर्ण ठाउँ बनाउनलाई के गर्नुपर्छ भन्नेबारे फान्ग्यो मन्दिरको गोष्ठी हलमा ‘खुशी मण्डलीको निम्ति अन्तर्राष्ट्रिय सम्मेलन’ गरियो ।[१०]
  • ‘विश्वविद्यालय विद्यार्थी सत्र उद्घाटन आराधना’चाहिँ शैक्षिक सत्र(सन् २०१६ फेब्रुअरी २१, सन् २०१७ मार्च ५, सन् २०१८ मार्च ४) सुरु हुनुअघि विश्वविद्यालय विद्यार्थीहरूमा सही मूल्य-मान्यता बसाल्न मद्दत गर्ने उद्देश्यले आयोजना गरिएको थियो । उक्त आराधनामा कोरियाका विश्वविद्यालय विद्यार्थीहरू, पादरी कर्मचारीहरू, युवा समूह शिक्षकहरू लगायत नयाँ विद्यार्थीहरूको सहभागिता रहेको थियो ।[११][१२][१३][१४]
  • कोरियाका जागिरे युवाहरूचाहिँ अन्तर्राष्ट्रिय जागिरे युवा बाइबल एकेडेमी [IWBA]को नियमित भेलामा सहभागी भए (सन् २०१६ अप्रिल १०) । जागिरे युवाहरू समाजका अङ्ग भएअनुरूप ईमानदार र विश्वासयोग्य जागिरे जीवन जिउन सकून् भनेर परमेश्वरको मण्डलीले नियमित शैक्षिक भेलाद्वारा उनीहरूलाई विश्वास निर्माण गर्न प्रोत्साहन गर्दछ ।[१५]
  • नयाँ यरूशलेम सांस्कृतिक सामग्री अवार्ड वितरण समारोह सन् २०१७ डिसेम्बर १० र सन् २०१८ डिसेम्बर २मा आयोजना गरियो । योचाहिँ मल्कीसेदेक साहित्य प्रतियोगिता, एलोहिम भिडियो महोत्सव, बाइबल गोष्ठी प्रस्तुति सामग्री प्रतियोगिता र प्रचार सामग्री प्रतियोगिताको एकीकृत अवार्ड वितरण समारोह हो । विजेताहरूले प्रकाशन, भिडियो र प्रस्तुतिमार्फत बाइबलीय विषयवस्तुको उत्पादनमा योगदान पुऱ्याउँछन् ।[१६][१७][१८]
  • परमेश्वरको मण्डलीको कार्यक्षेत्र मिसन सङ्गठनका सदस्यहरूका निम्ति कार्यक्षेत्र मिसन नियमित भेला राखिएको थियो (सन् २०१९ सेप्टेम्बर ८) । उक्त भेलामा सन्तहरूले बाइबलको वचनद्वारा आफ्नो विश्वासको जाँच मात्र गरेनन्, तर आफूले कार्यक्षेत्रमा सुकर्म गरेर अरूमाझ उदाहरण देखाएको बारे कुराकानी गर्दै सुसमाचारको भिजन पनि बाँडे ।[१९]

विश्वव्यापी गाउँमा सद्भाव कायम राख्नको निम्ति नागरिक कूटनीति स्थल

फान्ग्यो मन्दिरचाहिँ १७५ वटा देशहरूमा भएका ७,५०० वटा क्षेत्रका मण्डलीहरूको प्रतिनिधि मण्डली हो । सुसमाचारको केन्द्रको रूपमा रहेको यो मन्दिरको भ्रमण गर्नलाई विश्वभरिबाट सन्तहरू आउँदछन् । साथै योचाहिँ अन्तर्राष्ट्रिय कार्यक्रमहरू आयोजना गरिने ठाउँ पनि हो । ग्लोबल युवा नेताहरू र सबै क्षेत्रका विज्ञहरू विश्व वातावरणको दिगो विकासलाई प्रवर्धन गर्न र अन्तर्राष्ट्रिय समुदायमा भएका वर्तमान समस्याहरूबारे छलफल गर्न यहाँ भेला हुन्छन् । यस विषयमा युवाहरू र विद्यार्थीहरूसँग छलफल गर्न भविष्यविद् जेरोम ग्लेन लगायत विभिन्न क्षेत्रका विज्ञहरू विश्वभरिबाट भेला हुने गर्छन् ।[२०]

विदेशी सन्त भ्रमण टोली

विश्वभरिका सन्तहरूले ‘विदेश भ्रमण टोली’ कार्यक्रमअन्तर्गत कोरियाको भ्रमण गर्दछन् । यस कार्यक्रमद्वारा, उनीहरूले फान्ग्यो मन्दिरमा अर्थपूर्ण समय बिताउँदै कोरियाको इतिहास र संस्कृतिको बारेमा सिक्दछन् । उनीहरू आराधनामा सहभागी हुने मात्र होइन तर ग्लोबल बाइबल गोष्ठी, अन्तर्राष्ट्रिय सम्मेलन र अन्य कार्यक्रमहरूमा पनि सहभागी हुन्छन् । यस्ता कार्यक्रमहरूद्वारा उनीहरूले बाइबलको सत्यता सिक्छन्, स्वर्गीय माताको प्रेम महसुस गर्छन् र विभिन्न देशका सन्तहरूसँग कुराकानी गर्छन् ।[२१][२२]

गोष्ठी

 
संयुक्त राज्य अमेरिकाबाट आएका सन्तले सन् २०१९ Arise & Shine ग्लोबल बाइबल गोष्ठीमा प्रस्तुति दिँदै ।
  • फान्ग्यो मन्दिरको गोष्ठी कक्षमा ‘हाम्री आमा’ भन्ने शीर्षकमा अन्तर्राष्ट्रिय विद्यार्थीहरूका निम्ति गोष्ठी आयोजना गरियो (सन् २०१७ जुलाई २३) । कोरियाली विद्यार्थीहरूले आफ्नो गृह देशबाट टाढामा अध्ययनरत अन्तर्राष्ट्रिय विद्यार्थीहरूलाई प्रोत्साहन दिन यो कार्यक्रमको तयारी गरेका थिए । ‘आमाको प्रेम’ भन्ने विषयमा केन्द्रित उक्त गोष्ठीमा बेलायत, कोलम्बिया, घाना, रोमानिया, मङ्गोलिया, भियतनाम लगायत ४३ वटा देशका अन्तर्राष्ट्रिय विद्यार्थीहरू सहभागी भएका थिए । उनीहरूले हान्बोग (कोरियाली परम्परागत पोशाक) लगाउने तरिका पनि सिके, कोरियाली परम्परागत खेलहरू खेले र हान्गुल(कोरियाली अक्षर)को कक्षा पनि लिए ।[२३][२४]
  • सन् २०१८ नोभेम्बर १मा, सन् २०१८ Arise & Shine विश्वव्यापी बाइबल गोष्ठीको आयोजना गरियो । संयुक्त राज्य अमेरिका, स्पेन, पेरु, फिलिपिन्स, मेक्सिको र दक्षिण अफ्रिकामा शिक्षा, चिकित्सा सेवा, इलेक्ट्रोनिक इन्जिनियरिङ जस्ता विभिन्न क्षेत्रहरूमा कार्यरत सन्तहरूले आफ्नो ज्ञानको आधारमा बाइबलद्वारा माता परमेश्वरको विषयमा गवाही दिए ।[२५][२६]
  • सन् २०१९ Arise & Shine अन्तर्राष्ट्रिय बाइबल गोष्ठी ३ पटक आयोजना गरियो (सन् २०१९ अप्रिल ४, अप्रिल २९ र २०१९ मे २४) । विश्वभरिका पादरी कर्मचारीहरू, महिला पादरी कर्मचारीहरू र जागिरे युवाहरूले कोरियाको भ्रमण गरे । अनि आफ्नो सीप र शैक्षिक ज्ञानद्वारा TED शैलीमा माता परमेश्वर र नयाँ करारको सत्यताबारे कुराकानी गरे ।[२७][२८][२९]
  • सन् २०१९ जुलाई १२मा विश्वविद्यालय विद्यार्थीहरूका लागि सन् २०१९ Arise & Shine ग्लोबल बाइबल गोष्ठीको आयोजना गरियो । ८ वटा देशहरूबाट आएका विश्वविद्यालय विद्यार्थीहरूले गणित, लेखा र सामाजिक विज्ञान जस्ता मुख्य विषयहरूमार्फत एलोहिम परमेश्वरको अस्तित्वको बारेमा गवाही दिए ।[३०]

अन्तर्राष्ट्रिय समुदायलाई असर गर्ने विषयबारे जनचेतना जागरण

 
नयाँ यरूशलेम फान्ग्यो मन्दिरमा आयोजित सन् २०१९ ग्लोबल ASEZ शिखर सम्मेलनमा विश्वभरिबाट विश्वविद्यालय विद्यार्थीहरू सहभागी भएका थिए ।
  • सन् २०१७ UN SDGs कार्यान्वयनको लागि ASEZ अन्तर्राष्ट्रिय फोरम सन् २०१७ डिसेम्बर ७मा फान्ग्यो मन्दिरमा आयोजना गरिएको थियो । यो कार्यक्रम परमेश्वरको मण्डलीको विश्वविद्यालय विद्यार्थी स्वयंसेवक सङ्गठन ASEZद्वारा आयोजना गरिएको थियो । कोरियाभित्रका क्याम्पस विद्यार्थीहरू, अन्तर्राष्ट्रिय विद्यार्थीहरू, दूतावास अधिकारीहरू, विश्वविद्यालय प्राध्यापकहरू र पत्रकारहरू गरी ३,००० जनाभन्दा बढीको सहभागिता रहेको उक्त कार्यक्रममा SDGs कार्यान्वयनका लागि विश्वविद्यालय विद्यार्थीहरूको भूमिकाबारे छलफल गरियो ।[३१][३२]
  • ‘जलवायु परिवर्तन प्रतिक्रिया र विश्वविद्यालयहरूको भूमिका’ भन्ने शीर्षक अन्तर्गत गोष्ठी कक्षमा सन् २०१८ ASEZ जलवायु परिवर्तन प्रतिक्रिया सम्मेलन आयोजना गरियो (सन् २०१८ नोभेम्बर २२) । पेरुको न्यायिक शक्तिको सर्वोच्च अदालतका न्यायाधीशले सम्मेलनका सहभागीहरूमाझ आफ्नो वक्तत्व दिए । संयुक्त राज्य अमेरिका, दक्षिण अफ्रिका र पेरुबाट आएका ASEZ सदस्यहरूले आ-आफ्नो देशमा निम्तिएका जलवायु प्रकोपहरूबारे र वातावरण जनचेतना जगाउन स्थानीय नागरिकहरूले गर्न सक्ने गतिविधिबारे जानकारी दिए ।[३३]
  • ‘सन् २०१९ विश्वव्यापी विश्वविद्यालय विद्यार्थी लिडरसिप सम्मेलन’ सन् २०१९ जुलाई १० देखि १७सम्म आयोजना गरियो । उक्त सम्मेलनमा आयोजित क्याम्पस मिसनलाई ऊर्जा दिन विश्वविद्यालय विद्यार्थी अन्तर्राष्ट्रिय फोरममा ४१ वटा देशका २०७ वटा विश्वविद्यालयका विद्यार्थी सदस्यहरू र कोरियाभित्रका २२८ वटा विश्वविद्यालयका विद्यार्थी सदस्यहरूको सहभागिता रहेको थियो । विश्वविद्यालय विद्यार्थीहरूले ग्लोबल लिडरमा हुनुपर्ने सद्गुणसम्बन्धी बाइबलको शिक्षा सिक्नुका साथै भविष्यका कर्णधार भएअनुरूप आफ्नो क्षमताको विकास गरे ।[३४][३५]
  • सहस्राब्दी परियोजनाका निर्देशक, भविष्यविद् जेरोम ग्लेनसँगको ASEZ सम्मेलन फान्ग्यो मन्दिरमा आयोजना गरिएको थियो (सन् २०१९ जून २६) । उक्त सम्मेलनले धेरैको ध्यानाकर्षण गऱ्यो । ‘दिगो भविष्यका लागि विश्वविद्यालय विद्यार्थीको भूमिका खोजी’ भन्ने शीर्षकअन्तर्गत ग्लेनले ASEZ सदस्यका प्रश्नहरूको उत्तर दिए । उनले ASEZका विद्यार्थीहरू अहिलेदेखि नै कार्यान्वयनमा लागेका कुराको प्रशंसा गर्दै आगामी दिनहरूमा उनीहरूसँग यसबारे थप छलफल गर्ने आशा व्यक्त गरे ।[२०]
  • सन् २०१९ अन्तर्राष्ट्रिय ASEZ शिखर सम्मेलन सन् २०१९ जुलाई १५मा आयोजना गरियो । यस कार्यक्रममा कोरियाको सउल राष्ट्रिय विश्वविद्यालय, संयुक्त राज्य अमेरिकाको हार्वर्ड विश्वविद्यालय, वेस्टर्न अस्ट्रेलिया विश्वविद्यालय, जर्मनीको म्युनिक प्रविधि विश्वविद्यालय,"सन् २०१९ विश्वव्यापी क्याम्पस विद्यार्थी लिडरसिप सम्मेलन" ASEZ सदस्यहरू लगायत ४२ वटा देशका विश्वविद्यालय प्राध्यापकहरूको सहभागिता रहेको थियो । उनीहरूले ASEZद्वारा सञ्चालित ‘एकसाथ अपराध न्यूनीकरण’ अभियानलाई प्रभावकारी ढङ्गले लागू गर्न सकिने तरिकाबारे छलफल गरे । पेरुको न्यायिक शक्तिको फौजदारी प्रक्रिया संहिताका प्रशासकले सहभागीहरूमाझ आफ्नो वक्तत्व दिए । साथै युक्रेनको राष्ट्रिय शैक्षिक ड्रागोमानोभ विश्वविद्यालयका रेक्टरले भिडियो वक्तत्व दिए । सहभागीहरूले शिक्षा, कार्यान्वयन र ऐक्यबद्धता जस्ता विधालाई ६ वटा महादेशहरू सबैमा कार्यान्वयन गर्ने संयुक्त उद्देश्यका साथ ‘परिवर्तनका निर्माताहरूको सङ्कल्प’ पूरा गरे ।[३६][३७][३८]

स्थानीय समुदायसँग सञ्चार र सद्भाव निर्माण गर्न सकिने ठाउँ

“आफ्नो छिमेकीलाई आफूलाई झैँ प्रेम गर (मत्ती २२:३९)”[३९] भन्ने परमेश्वरको वचनलाई अनुसरण गर्दै फान्ग्यो मन्दिरका सन्तहरूले विपन्न छिमेकीहरूलाई सहयोग, वातावरण सरसफाइ, रक्तदान जस्ता विविध स्वयंसेवाका गतिविधिहरूद्वारा प्रेमलाई कार्यान्वयन गर्दछन् । उनीहरूले ‘हाम्री आमा’ लेख तथा तस्वीर प्रदर्शनी, र जागिरेहरूका लागि हिलिङ गोष्ठी जस्ता कार्यक्रमहरूको आयोजना गर्दछन् । सांस्कृतिक अनुभव आदानप्रदान र अन्तर्सांस्कृतिक सञ्चारद्वारा उनीहरू स्थानीय बासिन्दाहरूसँग जोडिनलाई प्रयत्न पनि गर्छन् ।

स्वयंसेवा

 
सन् २०२२को छुसगमा छिमेकीहरूसँग प्रेम बाँड्दै
  • फान्ग्यो मन्दिरका सन्तहरूले सङनाम सभा गृह, बुन्दाङ-गु कार्यालय र बेग्ह्यन-दोङ प्रशासनिक कल्याण केन्द्रमा गएर चन्द्र पात्रोअनुसारको नव वर्ष आउनुअघि विपन्न छिमेकीहरूको सहयोगार्थ ८० झोला स्वस्थ खाद्य सामग्री अनुदान गरे ।[४०][४१]
  • फान्ग्यो मन्दिरका सन्तहरूले छुसगमा छिमेकीहरूसँग प्रेम बाँडचुँड भन्ने कार्यक्रम अन्तर्गत बुन्दाङ-गु कार्यालयमा १०० थान उपहार सेट हस्तान्तरण गरे (सन् २०१७ सेप्टेम्बर १९) ।[४२]
  • सन्तहरूले ‘मदर्स स्ट्रिट’ क्याम्पेन अन्तर्गत बेग्ह्यन-दोङमा सडक सरसफाइ गरे (सन् २०१७ नोभेम्बर ३०) । उक्त क्याम्पेनको उद्देश्यचाहिँ विश्व जनसागरको साथमा ४०,००० किलोमिटर(पृथ्वीको परिधि)सम्म फोहोर सङ्कलन तथा सरसफाइ गरी स्थानीय समुदायमा सफा र मनोहर वातावरण सिर्जना गर्नु थियो । यो अभियान पूरै कोरियाभरि लगायत अन्य ८० वटा जति देशहरूमा आयोजना गरिएको थियो ।[४३]
  • सन्तहरूले सन् २०१६ मार्च १४मा बेग्ह्यन-दोङ क्याफे सडक र नाग्साङदे पार्कमा फोहोर सङ्कलन गरे । यी सबैचाहिँ मानिसहरूलाई निस्तार-चाडको अर्थ थाहा दिएर परमेश्वरको प्रेमलाई कार्यान्वयन गर्नको निम्ति गरिएका कार्यहरू हुन् ।[४४]
  • निस्तार-चाडको उपलक्ष्यमा, सन् २०१८ अप्रिल २६मा फान्ग्यो मन्दिरमा निस्तार-चाडको प्रेम, जीवन बचाउने ९०७औँ विश्वव्यापी रक्तदान अभियान सम्पन्न भयो ।[४५] उक्त कार्यक्रममा सङनाम परमेश्वरको मण्डलीका सन्तहरू, छिमेकीहरू र स्थानीय सरकारी अधिकारीहरूसहित करीब ७०० जनाको सहभागिता रहेको थियो ।[४६]

शैक्षिक समर्थन तथा अन्तर्सांस्कृतिक सञ्चार

 
सन् २०१७ ग्रीष्म, युवाहरूका लागि चरित्र शिक्षा
  • फान्ग्यो मन्दिरमा युवाहरूका लागि चरित्र शिक्षा आयोजना गरिएको थियो (सन् २०१७ जुलाई १६ र सन् २०१९ अगस्ट २७) । ग्यङगी प्रान्तको माध्यमिक तथा उच्च माध्यमिक तहका विद्यार्थीहरूले उक्त कार्यक्रमबाट असल चरित्र, शिष्टाचार, सेवा आदिबारे सिके ।[४७][४८]
  • ६ लाख आगन्तुकहरूलाई आकर्षण गरेको ‘हाम्री आमा लेख तथा तस्वीर प्रदर्शनी’ सन् २०१७ मे १९मा आयोजना गरिएको थियो । वास्तवमा प्रदर्शनीचाहिँ जुलाई २३मा समापन गरिने तालिका थियो । वास्तवमा प्रदर्शनीचाहिँ जुलाई २३मा समापन गरिने तालिका थियो । तर स्थानीयवासीको साथ-सहयोगमा सेप्टेम्बर ३सम्म कार्यक्रम जारी रह्यो ।[४९][५०]
  • व्यस्त जीवनले गर्दा थकित भएका जागिरेहरूलाई प्रोत्साहन दिन सन् २०१८ अक्टोबर ३मा दोस्रो जागिरेहरूका लागि खुशी गोष्ठीको आयोजना गरियो ।[५१][५२]

सन्दर्भ सामग्रीहरू

  1. ↑ "७ अरब मानव-जातिको मुक्तिको ज्वाला बन्दै, नयाँ यरूशलेम फान्ग्यो मन्दिरको उद्घाटन,"। Kyeongin Ilbo। जनवरी १८, २०१६। 
  2. ↑ "विश्व सुसमाचार प्रचारको निम्ति सङ्कल्प ऱ्याली"। English WATV। जनवरी ३, २०१६। 
  3. ↑ "सन् २०१६ महासभा"। English WATV। 
  4. ↑ "सन् २०१७ महासभा"। English WATV। 
  5. ↑ "सन् २०१९ अन्तर्राष्ट्रिय पादरी फोरम"। WATV.org। 
  6. ↑ "सन् २०१८ नियमित महासभा"। English WATV। 
  7. ↑ "आन साङ होङज्यूको जन्मको १००औँ वार्षिकोत्सवको उपलक्ष्यमा नयाँ यरूशलेम प्रचार उत्सव उद्घाटन समारोह"। English WATV। 
  8. ↑ "खुशी परिवारबारे अन्तर्राष्ट्रिय सम्मेलन"। WATV.org। 
  9. ↑ "महिला पादरी कर्मचारीका लागि अन्तर्राष्ट्रिय लिडरसिप सम्मेलन"। WATV.org। 
  10. ↑ "खुशी मण्डलीबारे अन्तर्राष्ट्रिय सम्मेलन"। WATV.org। 
  11. ↑ "सन् २०१६ नयाँ सत्र उद्घाटन आराधना"। WATV News। 
  12. ↑ "सन् २०१७ विश्वविद्यालय विद्यार्थीहरूका लागि नयाँ सत्र उद्घाटन आराधना"। English WATV। 
  13. ↑ "सन् २०१८ विश्वविद्यालय विद्यार्थीहरूका लागि सत्र उद्घाटन आराधना"। English WATV। 
  14. ↑ "विश्वभरिका विश्वविद्यालय विद्यार्थीहरूका लागि परमेश्वरको मण्डली उद्घाटन आराधना"। Kyeonggi Ilbo। मार्च ५, २०१८। 
  15. ↑ "IWBA नियमित भेला"। WATV News। अप्रिल १०, २०१६। 
  16. ↑ "सन् २०१७ नयाँ यरूशलेम सांस्कृतिक सामग्री अवार्ड समारोह"। English WATV। डिसेम्बर १०, २०१७। 
  17. ↑ "फान्ग्यो मन्दिरमा 'सन् २०१७ नयाँ यरूशलेम सांस्कृतिक सामग्री अवार्ड समारोह'"। Kyeonggi Ilbo। डिसेम्बर ११, २०१७। 
  18. ↑ "सन् २०१८ नयाँ यरूशलेम सांस्कृतिक सामग्री अवार्ड समारोह"। English WATV। 
  19. ↑ "सन् २०१९को उत्तरार्धका लागि कार्यक्षेत्र मिसन नियमित भेला"। WATV.org। 
  20. ↑ २०.० २०.१ "जेरोम क्लेटन ग्लेन"। WATV.org। 
  21. ↑ "विश्वभरिबाट सन्तहरू कोरियाको फान्ग्यो नयाँ यरूशलेम मन्दिरको 'तीर्थयात्रा' गर्छन्"। Kyeonggin Ilbo। जुन १, २०१६। 
  22. ↑ "७०औँ विदेश भ्रमण टोलीले गरे, फान्ग्यो टेक्नो भ्यालीको भ्रमण"। Joongboo Ilbo। नोभेम्बर ९, २०१६। 
  23. ↑ "सन् २०१७ विदेशका विद्यार्थीहरूका लागि 'हाम्री आमा' गोष्ठी"। English WATV। जुलाई २३, २०१७। 
  24. ↑ "परम्परागत संस्कृति अनुभव गर्न विदेशका विद्यार्थीहरूलाई परमेश्वरको मण्डलीबाट निमन्त्रणा"। Joongboo Ilbo। जुलाई २५, २०१७। 
  25. ↑ "सन् २०१८ Arise & Shine अन्तर्राष्ट्रिय बाइबल गोष्ठी"। English WATV। 
  26. ↑ "परमेश्वरको मण्डलीद्वारा आयोजित सन् २०१८ Arise & Shine अन्तर्राष्ट्रिय बाइबल गोष्ठी"। Shina Ilbo। नोभेम्बर १, २०१८। 
  27. ↑ "सन् २०१९ Arise & Shine अन्तर्राष्ट्रिय बाइबल गोष्ठी"। English WATV। 
  28. ↑ "सन् २०१९ Arise & Shine अन्तर्राष्ट्रिय बाइबल गोष्ठी (२)"। WATV.org। 
  29. ↑ "सन् २०१९ Arise & Shine अन्तर्राष्ट्रिय बाइबल गोष्ठी (३)"। WATV.org। मे २४, २०१९। 
  30. ↑ "सन् २०१९ विश्वविद्यालय विद्यार्थीहरूका लागि Arise & Shine अन्तर्राष्ट्रिय बाइबल गोष्ठी"। WATV.org। 
  31. ↑ "UN SDGs कार्यान्वयनबारे ASEZ अन्तर्राष्ट्रिय फोरम"। English WATV। 
  32. ↑ "UN SDGs कार्यान्वयनबारे गरिएको सन् २०१७ ASEZ अन्तर्राष्ट्रिय फोरममा ३,००० जनाको सहभागिता"। NDN News। डिसेम्बर ७, २०१७। 
  33. ↑ "जलवायु परिवर्तनको सामना गर्न सन् २०१८ ASEZ टक कन्सर्ट"। WATV.org। 
  34. ↑ "[परमेश्वरको मण्डली] ४२ वटा देशका विश्वविद्यालय विद्यार्थीहरूले गरे, मानवता आदानप्रदान"। Kyeongin Ilbo। जुलाई २२, २०१९। 
  35. ↑ "सन् २०१९ विश्वव्यापी विश्वविद्यालय विद्यार्थी लिडरसिप सम्मेलन"। WATV.org। 
  36. ↑ "सन् २०१९ अन्तर्राष्ट्रिय ASEZ शिखर सम्मेलन"। WATV.org। 
  37. ↑ "ASEZद्वारा आयोजित 'सन् २०१९अन्तर्राष्ट्रिय शिखर सम्मेलन'"। Gukje News। जुलाई १७, २०१९। 
  38. ↑ "विश्वव्यापी सहकारिता कार्य हल गर्न अन्तर्राष्ट्रिय सहकारितामा नेतृत्व गर्दै"। Donga Ilbo। अगस्ट २८, २०१९। 
  39. ↑ "मत्ती २२:३९"। 
  40. ↑ "सउलेदखि जेजुसम्मका समाजका विपन्न २०० जना मानिसहरूलाई ४,००० सेट खाद्य सामग्री वितरण"। JoongAng Magazine। जनवरी १७, २०२१। 
  41. ↑ "परमेश्वरको मण्डलीले, नयाँ वर्षको अवसरमा देशभरिका छिमेकीहरूसँग प्रेम बाँड्दै"। Shina Ilbo। फेब्रुअरी ८, २०२१। 
  42. ↑ "'उदार छुसग'को उपलक्ष्यमा परमेश्वरको मण्डलीले छिमेकीसँग प्रेम बाँड्दै"। Kyeonggi Ilbo। सेप्टेम्बर २४, २०१७। 
  43. ↑ "यदि सारा संसार 'मदर्स स्ट्रिट' बन्ने हो भने प्रेम र आशा भरिभराउ हुनेछ"। Aju News। डिसेम्बर ५, २०१७। 
  44. ↑ "परमेश्वरको मण्डली फान्ग्यो मन्दिरका ६०० जना सदस्यहरूले बाटो सरसफाइ गर्दा छिमेकीहरूले "राम्रो छुटकारा" भने"। Segye Ilbo। मार्च १४, २०१६। 
  45. ↑ "परमेश्वरको मण्डली विश्व सुसमाचार समाज रक्तदान रिले"। Hankook Ilbo। अप्रिल २६, २०१८। 
  46. ↑ "नयाँ यरूशलेम फान्ग्यो मन्दिरका ७०० जना सन्तहरूले निस्तार-चाड मानेर, रक्तदान जीवनदानमा सहभागी भए"। Joongboo Ilbo। अप्रिल २६, २०१८। 
  47. ↑ "सन् २०१७ ग्रीष्म युवा चरित्र शिक्षा"। English WATV। 
  48. ↑ "चरित्र शिक्षाद्वारा भावी युवा पुस्ताको क्षमता हुर्काउँदै, परमेश्वरको मण्डली नयाँ यरूशलेम फान्ग्यो मन्दिरमा राखियो, विशेष वक्तव्य"। Joongboo Ilbo। अगस्ट २७, २०१९। 
  49. ↑ "[नयाँ यरूशलेम फान्ग्यो मन्दिरको विशेष प्रदर्शनीमा '६ लाख दर्शकहरूको सहभागिता' मनाउँदै] ५६ वटा क्षेत्र पार गरेर माताको प्रेम बाँड्दै"। Kyeongin Ilbo। मे २४, २०१७। 
  50. ↑ "सङनाम फान्ग्यो परमेश्वरको मण्डलीको 'हाम्री आमा' लेख तथा तस्वीर प्रदर्शनी सेप्टेम्बर ३सम्म आयोजित"। Kyeonggi Ilbo। जुलाई ३०, २०१७। 
  51. ↑ "फान्ग्यो र देजनमा कामदारहरूका लागि हिलिङ गोष्ठी आयोजना"। WATV News। 
  52. ↑ "परमेश्वरको मण्डली विश्व सुसमाचार समाजद्वारा कामदारहरूका लागि हालसालै आयोजित हिलिङ गोष्ठी"। Kyeonggi Ilbo। अक्टोबर ४, २०१८।  
"https://ne.churchofgod.wiki/index.php?title=नयाँ_यरूशलेम_फान्ग्यो_मन्दिर&oldid=1277" बाट अनुप्रेषित