परमेश्वरको छाप: संशोधनहरू बीचको भिन्नता
| पङ्क्ति २५: | पङ्क्ति २५: | ||
प्रेरित यूहन्नाले प्रकाश देखेको पत्मोस टापूलाई केन्द्रबिन्दु बनाएर हेर्दा, प्रकाश अध्याय ७मा भनिएको पूर्वले गणतन्त्र कोरिया(दक्षिण कोरिया, यस उप्रान्त कोरिया)लाई जनाउँछ, जुनचाहिँ महादेशसँग जोडिएको पूर्वको पल्लो छेउको देश हो । पूर्वका धेरै देशहरूमध्ये, बाइबलमा अगमवाणी गरिएको पूर्वी देशचाहिँ कोरिया हो । कारण ‘परमेश्वरको छाप’ कोरियाबाट देखा परेको हो ।<br> | प्रेरित यूहन्नाले प्रकाश देखेको पत्मोस टापूलाई केन्द्रबिन्दु बनाएर हेर्दा, प्रकाश अध्याय ७मा भनिएको पूर्वले गणतन्त्र कोरिया(दक्षिण कोरिया, यस उप्रान्त कोरिया)लाई जनाउँछ, जुनचाहिँ महादेशसँग जोडिएको पूर्वको पल्लो छेउको देश हो । पूर्वका धेरै देशहरूमध्ये, बाइबलमा अगमवाणी गरिएको पूर्वी देशचाहिँ कोरिया हो । कारण ‘परमेश्वरको छाप’ कोरियाबाट देखा परेको हो ।<br> | ||
{{그림 |밧모-대한민국 | {{그림 |밧모-대한민국 화살표_ne.png|너비= 400px |정렬=오른쪽섬네일 |타이틀=इस्राएलबाट पूर्वको पल्लो छेउमा अवस्थित गणतन्त्र कोरिया}} | ||
== परमेश्वरको छाप, निस्तार-चाड == | == परमेश्वरको छाप, निस्तार-चाड == | ||
०३:२१, २९ अक्टोबर २०२४ जस्तै गरी पुनरावलोकन
नयाँ करार बाइबलको प्रकाश अध्याय ७को अगमवाणीमा परमेश्वरको छापबारे देख्न सकिन्छ । महासङ्ककष्ट आउनुअघि परमेश्वरका प्रजाको निधारमा मोहोर लगाइने कुरालाई प्रेरित यूहन्नाले प्रकाशमा देखे । सजिलो गरी भन्नुपर्दा, परमेश्वरको मोहोर भनेकै परमेश्वरको छाप हो ।[१] जुनसुकै युगमा होस्, परमेश्वरबाट योग्य ठहरिएकाहरूलाई परमेश्वरले छाप लगाउनुहुन्छ । बाइबलमा प्रेरितको कार्यभारको छाप पनि छ[२] भने विश्वासद्वारा पाइने धार्मिकताको छाप पनि छ ।[३] साथै परमेश्वरले आफ्ना प्रजामाथि आफ्नो छाप लाउनुहुन्छ, र हाम्रो हृदयमा बैनाको रूपमा पवित्र आत्मा दिनुहुन्छ ।[४] तर प्रकाश ७:२मा भनिएको छापचाहिँ सन्तहरूलाई अन्तिम विपत्तिबाट पार गराउने उद्धारको चिन्ह अर्थात् नयाँ करारको निस्तार-चाड हो ।
परमेश्वरको छाप लगाउने कार्य
परमेश्वरको छाप लगाउने कार्यसम्बन्धी अगमवाणी प्रकाश ७मा लेखिएको छ ।
यसपछि पृथ्वीमा वा समुद्रमा वा रूखमा बतास नचलोस् भनी चार स्वर्गदूतहरू पृथ्वीका चारै बतासलाई रोकेर पृथ्वीका चार कुनामा उभिरहेका मैले देखें । तब जीवित परमेश्वरको मोहोर साथमा लिई अर्को एक जना स्वर्गदूत पूर्वबाट उक्लेका मैले देखें । पृथ्वी र समुद्रलाई हानि पुऱ्याउने अख्तियार दिइराखेका चार स्वर्गदूतलाई यसो भनेर तिनले चर्को सोरले भने, “हामीले हाम्रा परमेश्वरका दासहरूका निधारमा मोहोर नलाउञ्जेल पृथ्वी, समुद्र वा रूखहरूलाई केही हानि नगर ।”
पृथ्वी र समुद्रलाई हानि पुऱ्याउने अख्तियार पाएका चार स्वर्गदूतले बतासलाई रोकिरहेका छन् । बाइबलमा बतासले युद्धलाई जनाउँछ ।[५] अनि चार स्वर्गदूतहरूले चारै कुनामा रोकेर राखेका बतासले चाहिँ सारा संसारमा हुने विश्वयुद्धलाई जनाउँछ । पृथ्वीको चार कुनाबाट चल्ने बतासलाई रोकेपछि, परमेश्वरले सन्तहरूको निधारमा छाप लगाउनुहुन्छ । अनि जब परमेश्वरको छाप लगाउने कार्य सकिन्छ, तब ती चार स्वर्गदूतहरूले रोकेर राखेका बतास छोडिनेछ र संसारमा महायुद्ध हुनेछ । विपत्ति आउनुअघि परमेश्वरले आफ्ना प्रजालाई बचाउन तिनीहरूमा छाप लगाउनुहुन्छ ।
कहिले ?
इतिहासमा हेर्ने हो भने विश्वयुद्ध दुई पटक भएको छ । प्रकाश ७मा भनिएको स्वर्गदूतहरूले रोकिराखेका युद्धचाहिँ दोस्रो विश्वयुद्ध (सन् १९३९-१९४५) हो । यो कुरा प्रकाश ६ले प्रमाणित गरेको छ ।
जब उहाँले छैटौँ मोहोर तोड्नुभयो, तब मैले ठूलो भूकम्प गएको देखें । सूर्य भाङ्ग्राजस्तो कालो भयो, र पूर्णिमाको चन्द्रमा रगतजस्तै रातो भयो । अनि अञ्जीरको रूखलाई बतासले हल्लाउँदा नपाकेका फलहरू झरेझैँ आकाशका ताराहरू पृथ्वीमा खसे ।
बाइबलमा अञ्जीरका फल र आकाशका ताराहरूले इस्राएलीहरूलाई जनाउँछ ।[६][७] अञ्जीरको रूखलाई बतासले हल्लाउँदा नपाकेका फलहरू झरेझैँ आकाशका ताराहरू पृथ्वीमा खसे भन्नाले विश्वयुद्धमा परेर धेरै यहूदीहरू मारिए भन्ने अर्थ हो । दोस्रो विश्वयुद्धको बेला जर्मन नाजीले यहूदीहरूलाई निम्न दर्जाका जातिको संज्ञा दिएर तिनीहरूलाई जबरजस्ती घेट्टो(बन्दी यहूदीहरूको आवासको लागि निर्मित असुविधाजनक गृह) र यातना शिविरहरूमा पठाए, अनि जातीय सफाइको नाममा लिङ्ग र उमेरको पर्वाह नगरी सबैलाई संहार गरे । यसरी १५ लाख जना बालबालिका सहित ६० लाखभन्दा बढी यहूदीहरू मारिए ।[८]
स्वर्गदूतहरूले पृथ्वीका चार कुनाको बतासलाई छोडेपछि अर्थात् सन् १९४५मा दोस्रो विश्वयुद्ध समाप्त भएपछि परमेश्वरको छाप लगाउने कार्य सुरु हुन्छ भनेर प्रकाश अध्याय ७मा लेखिएको छ ।
कहाँ ?
परमेश्वरको छाप लगाउने कार्य पूर्वबाट सुरु हुन्छ ।
तब जीवित परमेश्वरको मोहोर साथमा लिई अर्को एक जना स्वर्गदूत पूर्वबाट उक्लेका मैले देखें । पृथ्वी र समुद्रलाई हानि पुऱ्याउने अख्तियार दिइराखेका चार स्वर्गदूतलाई यसो भनेर तिनले चर्को सोरले भने, “हामीले हाम्रा परमेश्वरका दासहरूका निधारमा मोहोर नलाउञ्जेल पृथ्वी, समुद्र वा रूखहरूलाई केही हानि नगर ।”
प्रेरित यूहन्नाले प्रकाश देखेको पत्मोस टापूलाई केन्द्रबिन्दु बनाएर हेर्दा, प्रकाश अध्याय ७मा भनिएको पूर्वले गणतन्त्र कोरिया(दक्षिण कोरिया, यस उप्रान्त कोरिया)लाई जनाउँछ, जुनचाहिँ महादेशसँग जोडिएको पूर्वको पल्लो छेउको देश हो । पूर्वका धेरै देशहरूमध्ये, बाइबलमा अगमवाणी गरिएको पूर्वी देशचाहिँ कोरिया हो । कारण ‘परमेश्वरको छाप’ कोरियाबाट देखा परेको हो ।
परमेश्वरको छाप, निस्तार-चाड
परमेश्वरका प्रजालाई अन्तिम विपत्तिबाट बचाउने चिन्ह नै परमेश्वरको छाप हो । साथै विपत्तिबाट बचाउने सत्यता निस्तार-चाड हो । निस्तारको अर्थ भनेकै विपत्ति पार हो । त्यसैले यसलाई हिब्रूमा फेसाह (פֶּסַח) र ग्रीकमा पास्का (πασχα) भनिन्छ । यी सबै शब्दले विपत्ति पार भन्ने अर्थ बुझाउँछ । निस्तार-चाडचाहिँ ३,५०० वर्षअघि स्थापना भएको समयदेखि नै विपत्ति पार गराउने उद्धारको चिन्ह बनेको छ । चार स्वर्गदूतले पृथ्वीको चार कुनामा बतासलाई रोकिरहेका बेला, सन्तहरूलाई त्यो निकट विपत्तिबाट बचाउन परमेश्वरले तिनीहरूका निधारमा छाप लगाउनुहुन्छ । यहाँ, छापले पनि निस्तार-चाडलाई जनाउँछ ।
प्रस्थानको समय
ई.पू. १५औँ शताब्दीतिर इस्राएलीहरू मिश्रको दासत्वमा जिइरहेका थिए । तिनीहरूलाई छुटकारा गराउन परमेश्वरले, मिश्रका पहिले जन्मेकाहरूलाई नाश गर्ने ठूलो विपत्ति झार्नुभयो । तर विपत्ति झार्नुअघि उहाँले इस्राएलीहरूलाई (पवित्र पात्रोअनुसार) पहिलो महिनाको चौधौँ दिनको साँझमा थुमा काटेर त्यसको रगत ढोकाको चौकोसका दुईपट्टिका खम्बाहरू र माथिल्लो भागमा लाउन भन्नुभयो । यो पहिलो पटकको निस्तार-चाड थियो ।
“तिमीहरूको पाठो खोटरहित होस्– एक वर्षको पाठो । तिमीहरूले त्यो भेडा अथवा बाख्राबाट लिनू । त्यो तिमीहरूले त्यस महिनाको चौधौँ दिनसम्म राख्नू, र इस्राएलको समुदायका सबै मानिसहरूले यो बेलुकीपख मारून् । तब तिनीहरूले त्यसको रगत लिएर जुन-जुन घरमा त्यो खाइन्छ, त्यसको ढोकाको चौकोसका दुईपट्टिका खम्बाहरू र माथिल्लो भागमा लाऊन् । . . . यो परमप्रभुको निस्तार-चाड हो । त्यस रात म मिश्र भएर जानेछु, र मिश्रका मानिस र पशु दुवैका पहिले जन्मेका र बियाएकाहरूलाई मार्नेछु, र मिश्रका सबै देवताहरूका विरुद्धमा म इन्साफ गर्नेछु । म परमप्रभु हुँ । तिमीहरू बसेका घरहरूमा त्यो रगत तिमीहरूका निम्ति चिन्ह हुनेछ । जब म त्यो रगत देख्नेछु तब तिमीहरूलाई चाहिँ छोडिदिनेछु, र मैले मिश्रलाई प्रहार गर्दा नाश गर्ने कुनै विपत्तिले तिमीहरूलाई छुनेछैन ।” -
निस्तार-चाडको रातमा, फारोको जेठो छोरादेखि लिएर झ्यालखानमा हुने कैदीको जेठो छोरासम्म, मिश्रमा सबै पहिले जन्मेका र गाईबस्तुहरूका पहिले बियाएकासमेत सबै मारिए ।[९] तर निस्तार-चाड मानेका इस्राएलीहरू भने विपत्तिबाट बचाइए र त्यसको भोलिपल्ट तिनीहरूले मिश्रबाट छुटकारा पाए । इस्राएलीभन्दा बाहिरका अन्यजातिहरू समेत निस्तार-चाडको थुमाको रगतद्वारा विपत्तिबाट बाँचे, र तिनीहरूले पनि इस्राएलीहरूसँगै मिश्रदेश छोडे ।[१०] परमेश्वरको प्रतिज्ञाअनुसारै, निस्तार-चाडको थुमाको रगतचाहिँ विपत्ति पार गराउने चिन्ह बन्यो ।
हिजकिया राजाको समय
‘विपत्ति पार’ गराउने निस्तार-चाडको प्रतिज्ञा प्रस्थानको समयमा मात्र सीमित थिएन । प्रस्थानपछिको करीब ८०० वर्ष, अर्थात् हिजकियाको समयमा पनि निस्तार-चाड उत्तिकै प्रभावकारी रहेको देख्न सकिन्छ । हिजकिया दक्षिण यहूदाका १३औँ राजा थिए । एकीकृत राज्य इस्राएल जब उत्तर इस्राएल र दक्षिण यहूदामा विभाजित भयो, तब लामो समयसम्म निस्तार-चाड मनाइएन । तर हिजकिया सिंहासनमा बस्नेबित्तिकै,[११] यशैया अगमवक्ताको सल्लाहअनुसार तिनले भत्किएको मन्दिरलाई मर्मत गरे र निस्तार-चाड मान्ने निर्णय गरे ।[१२] तिनले दक्षिण यहूदामा मात्र होइन तर उत्तर इस्राएलमा पनि समाचारवाहकहरू पठाए, र तिनीहरूलाई निस्तार-चाड मान्न आऊन् भनी निम्तो दिए । उत्तर इस्राएलका प्रथम राजा यारोबामले मूर्ति बनाएर मानिसहरूलाई त्यो पुज्न लगाएका समयदेखि उत्तर इस्राएलका मानिसहरूले २५० वर्षभन्दा बढी समयसम्म निस्तार-चाड मानेका थिएनन् ।[१३] त्यसैले निस्तार-चाडको विषयमा अनभिज्ञ रहेका ती उत्तर इस्राएलीहरूले समाचारवाहकहरूको गिल्ला र हाँसो गरे ।[१४] तर समाचारवाहकहरूको कुरा नम्रतापूर्वक स्वीकारेका यहूदा र केही उत्तर इस्राएलका मानिसहरू भने निस्तार-चाड मान्नलाई यरूशलेममा भेला भए ।[१५]
त्यसको ३ वर्षपछि, अश्शूरी सेनाले उत्तर इस्राएलको राजधानी सामरियालाई घेरा हाले । अश्शूरचाहिँ, भूमध्यसागरको तट र एसिया माइनरको केही भाग कब्जा गरेको शक्तिशाली राज्य थियो । ३ वर्षसम्म घेरा हालेपछि सामरिया कब्जा गरियो, लाखौँ मानिसहरू मारिए र हजारौँ मानिसहरू कैदी बनाइए ।[१६] अनि ई.पू. ७२१तिर उत्तर इस्राएल पूर्ण रूपमा नष्ट भयो । उत्तर इस्राएल नष्ट हुनुको मूलभूत कारणचाहिँ त्यो देशले परमेश्वरको करारलाई उल्लङ्घन गरेकोले हो भनेर २ राजाको पुस्तकमा बताइएको छ ।
हिजकियाका शासनकालको चौथो वर्षमा, जो इस्राएलका राजा एलाहका छोरा होशियाको सातौँ वर्ष थियो, अश्शूरका राजा शलमनेशेरले सामरियामाथि आक्रमण गरे, र त्यसलाई घेरा हाले । तीन वर्षसम्म घेरा हालेपछि अश्शूरीहरूले त्यो कब्जा गरे । यसरी हिजकियाको छैटौँ वर्षमा, जो इस्राएलका राजा होशियाको नवौँ वर्ष थियो, सामरिया कब्जा गरियो । . . . यो यही कारण भएको थियो, कि तिनीहरूले परमप्रभु आफ्ना परमेश्वरको वचन पालन गरेका थिएनन्, तर उहाँको करार, अर्थात् परमप्रभुका दास मोशाले तिनीहरूलाई दिएका सबै आज्ञालाई तिनीहरूले उल्लङ्घन गरेका थिए । तिनीहरूले न त आज्ञाहरूमा ध्यानै दिए, न ती पालन गरे ।
हिजकियाको १४औँ वर्षमा, अश्शूरका राजा सनहेरीबले आफ्ना सेनाको नेतृत्व गर्दै दक्षिण यहूदाका किल्ला भएका सहरहरू कब्जा गरे । घेराबन्दीचाहिँ राजधानी यरूशलेमसम्म थियो ।[१७][१८] सनहेरीब र तिनका सेवकहरूले दक्षिण यहूदा र तिनीहरूका परमेश्वरको गिल्ला गरे ।[१९]
तब हिजकियाले परमेश्वरको इच्छा सोध्न आफ्ना एल्डरहरूलाई यशैया अगमवक्ताकहाँ पठाए । परमेश्वरले भन्नुभयो, “त्यो यस सहरभित्र पस्नेछैन, अथवा त्यसले एउटा काँड पनि यहाँ हान्नेछैन । त्यो ढाल लिएर यसको अगि आउनेछैन, अथवा यसको विरुद्धमा घेरा-मचान लाउनेछैन । त्यो आएकै बाटो भएर फर्किजानेछ ।”[२०] परमेश्वरले भन्नुभएअनुसारै अश्शूरी सेना एकै रातमा नष्ट भए ।
“मेरो खातिर र मेरो दास दाऊदको खातिर म यस सहरलाई रक्षा गर्नेछु र बचाउनेछु ।” त्यस रात परमप्रभुका स्वर्गदूत निस्के, र तिनले अश्शूरको छाउनीमा एक लाख पचासी हजार मानिसहरूलाई मारे । जब भोलिपल्ट बिहानै मानिसहरू उठे, त्यहाँ सबै लाशहरू मात्र थिए ।
हिजकियाले परमेश्वरको आशिष्भित्र आफ्नो देशको स्थिरतालाई सुनिश्चित गर्न निस्तार-चाड सुनाए र माने । तिनले चाहेअनुसारै परमेश्वरले, निस्तार-चाड मानेको यहूदालाई अश्शूरको आक्रमणबाट बचाउनुभयो ।
नयाँ करारको समय
पुरानो करारको समयमा इस्राएलीहरूले थुमाको मासु र रगतद्वारा निस्तार-चाड माने । यो तरिकाले निस्तार-चाड मनाइनुको उद्देश्यचाहिँ नयाँ करारको समयमा येशू ख्रीष्टको देह र रगतलाई सङ्केत गर्ने रोटी र दाखमद्यद्वारा सन्तहरूलाई नयाँ करार निस्तार-चाड मान्न लगाउनको निम्ति हो । पुरानो करारको समयमा[२१] पशु बलिको वास्तविकताको रूपमा आउनुभएर आफ्ना प्रजाको मुक्तिको निम्ति क्रूसमा रगत बगाउनुभयो ।
हाम्रो निस्तारको थुमा, ख्रीष्टको बलिदान भइसकेको छ ।
पुरानो करारको समयमा, निस्तारको थुमाको रगतचाहिँ इस्राएलीहरूबाट विपत्ति पार हुने चिन्ह थियो । नयाँ करारको समयमा, निस्तारको थुमाको रूपमा येशूज्यूले क्रूसमा बगाउनुभएको रगत पनि उस्तै हो ।
त्यसैले येशूज्यूले निस्तार-चाडमा आफ्ना चेलाहरूलाई दाखमद्य दिनुहुँदै “यो कचौरा तिमीहरूको मुक्तिको निम्ति बगाइएको करारको मेरो रगत हो” भन्नुभयो । साथै उहाँले निस्तार-चाडको रोटीलाई आफ्नो शरीर भन्नुभयो ।
“मैले दुःख भोग्न अघि नै यो निस्तार-चाडको भोजन तिमीहरूसँग खाने ठूलो इच्छा गरेको थिएँ, ...” अनि उहाँले रोटी लिनुभयो र धन्यवाद चढाउनुभएपछि त्यो भाँच्नुभयो र तिनीहरूलाई यसो भन्दै दिनुभयो, “तिमीहरूका निम्ति दिइएको यो मेरो शरीर हो । मेरो सम्झनामा यो गर्ने गर ।” . . . यसै गरी खाइसक्नुभएपछि उहाँले कचौरा(दाखमद्य) लिनुभयो र भन्नुभयो, “यो कचौरा तिमीहरूका निम्ति बगाइएको मेरो रगतमा स्थापित गरिने नयाँ करार हो ।”
पुरानो करारको समयमा इस्राएलीहरूले थुमाको मासु र रगतद्वारा निस्तार-चाड मानेजस्तै, नयाँ करारका सन्तहरूले पनि थुमाको वास्तविकता हुनुभएका येशूज्यूको देह र रगतद्वारा नयाँ करारको निस्तार-चाड मान्दछन् । क्रूसमा रगत बगाउनुभएका ख्रीष्टको प्रेमलाई हृदयमा खोपेर नयाँ करार निस्तार-चाड मानेका सन्तहरूले ख्रीष्टको रगतद्वारा पाप-क्षमा र अनन्त जीवनको आशिष् प्राप्त गर्छन् ।[२२][२३] साथै छाया रहेको पुरानो करारको इतिहासमा देखाउनुभएजस्तै, यी अन्त्यका दिनहरूमा हामीले महासङ्कष्टबाट बच्ने आशिष् पाउनेछौं । प्रस्थानको समय र हिजकियाको समयमा जस्तै, निस्तार-चाडको रगतचाहिँ अन्त्यका दिनहरूमा परमेश्वरका प्रजालाई विपत्ति पार गराउने चिन्ह हुनेछ । त्यसैले प्रकाश ७मा उल्लेखित परमेश्वरको छापचाहिँ नयाँ करार निस्तार-चाडसम्बन्धी अगमवाणी हो । यूहन्नाको सुसमाचारमा लिखित येशूज्यूको वचनद्वारा पनि यो यथार्थतालाई निश्चित गर्न सकिन्छ । येशूज्यूले भन्नुभयो, “मेरो देह खाने, र मेरो रगत पिउनेचाहिँ ममा रहन्छ, र म त्यसमा रहन्छु ।”[२४] योचाहिँ निस्तार-चाड मानेमा येशूज्यूसँग एउटै शरीर बन्न सकिन्छ भन्ने अर्थ हो । येशूज्यूले आफूलाई परमेश्वरको छाप प्राप्त व्यक्ति भन्नुभएको छ ।
“किनभने परमेश्वर पिताले उस(येशू)माथि आफ्नो छाप लगाउनुभएको छ ।”
नयाँ करार निस्तार-चाड मानेर येशूज्यूसँग एउटै शरीर हुनेहरूले मात्र परमेश्वरको छाप प्राप्त गर्न सक्छन् । फेरि भन्नुपर्दा, नयाँ करार निस्तार-चाडचाहिँ परमेश्वरको छाप प्राप्त गर्न सकिने सत्यता हो । नयाँ करार निस्तार-चाडद्वारा परमेश्वरको छाप प्राप्त गर्ने सन्तहरू परमेश्वरका प्रजा बन्दछन्,[२५] तिनीहरू परमेश्वरका हुन्[२६] र अन्तिम विपत्तिको दिनमा परमेश्वरले तिनीहरूलाई सुरक्षा प्रदान
गर्नुहुनेछ ।
तर अब हे याकूब, तिमीलाई रच्नुहुने, हे इस्राएल, तिमीलाई सृष्टि गर्नुहुने परमप्रभु भन्नुहुन्छ: “नडरा, किनकि मैले तँलाई मोल तिरेर छुटाएको छु । मैले तँलाई तेरो नाउँ काढेर बोलाएको छु, तँ मेरै होस् । तँ पानीबाट भएर जाँदा म तेरो साथमा हुनेछु । तँ नदीहरूबाट भएर जाँदा तिनले तँलाई डुबाउनेछैनन् । तँ आगोबाट हिँडेर जाँदा डढ्नेछैनस् । त्यसको ज्वालाले तँलाई भस्म पार्नेछैन । किनभने म परमप्रभु, तेरा परमेश्वर हुँ, इस्राएलका परमपवित्र, तेरा उद्धारक ।”
साथै निस्तार-चाडको पवित्र भोजचाहिँ पाप-क्षमा,[२७] उद्धार,[२८] मेलमिलाप,[२९] धार्मिकता,[३०] शान्ति[३१] र रगतद्वारा किनिने[३२] जस्ता परमेश्वरका सबै प्रतिज्ञाहरू पूरा गर्ने छाप हो ।
प्रकाश अध्याय ७का अनुसार, अन्तिम महा-विपत्तिबाट बच्न सकिने एकमात्र तरिका भनेको परमेश्वरको छाप प्राप्त गर्नु हो । फेरि भन्नुपर्दा, नयाँ करारको समयमा ख्रीष्टको प्रेम र बलिदानलाई हृदयमा खोपेर निस्तार-चाडको रोटी र दाखमद्य खाने र पिउनेहरू नै, निधारमा परमेश्वरको छाप भएका र अन्तिम विपत्तिबाट बच्नेहरू हुन् ।
परमेश्वरको छापसम्बन्धी पुरानो करारका अगमवाणीहरू
परमेश्वरको छापसम्बन्धी अगमवाणीहरू प्रकाशको पुस्तकमा मात्र होइनकि पुरानो करारको इजकिएलको पुस्तकमा पनि लेखिएका छन् ।
“यरूशलेम सहरका चारैतिर गएर त्यसमा गरिएका सबै घिनलाग्दा कामहरू देखेर शोक र विलाप गर्ने सबै मानिसहरूका निदार-निदारमा एउटा चिन्ह लगा ।” मैले सुनिरहँदा उहाँले अरूहरूलाई चाहिँ भन्नुभयो, “तिमीहरूचाहिँ दया वा करुणा नगरी सहरभित्र त्यसको पछिपछि गएर मार । बूढा मानिस, तरुण-तरुणी, स्त्री र बालकहरू सबैलाई खतम पार, तर निधारमा त्यो चिन्ह भएको कसैलाई पनि नछोओ ।”
मुखले परमेश्वरलाई विश्वास गर्छु भने तापनि उहाँको व्यवस्थालाई लत्याएर मूर्तिपूजा जस्तो घिनलाग्दो काम गरिरहेको देखेर, त्यसप्रति शोक र विलाप गर्नेहरूलाई परमेश्वरले अलग गर्नुहुने बारे इजकिएल अगमवक्ताले प्रकाश देखे । यसरी विलाप गर्नेहरूका निधारमा परमेश्वरले छाप लगाइरहनुभएको, र छाप नभएकाहरूलाई चाहिँ उहाँले नष्ट गरिरहनुभएको तिनले देखे । इजकिएलचाहिँ दक्षिण यहूदा विनाश हुने बेलाका अगमवक्ता थिए । अनि इजकिएलको पुस्तकचाहिँ यहूदा देश नियो-बेबिलोनियन साम्राज्य(बेबिलोन)द्वारा पूर्ण रूपमा नष्ट हुनु(ई.पू. ५८६)भन्दा ठीकअघि तिनै इजकिएललाई दिइएको परमेश्वरको प्रकाश हो । इजकिएलभन्दा थोरै अघिका योशियाह राजाको पालाका सपन्याह अगमवक्ताले पनि यहूदाको निकट विनाशबारे अगमवाणी गरेका थिए । तिनका अगमवाणीहरू पहिलो चरणमा, पुरानो करारमै घट्ने घटनासम्बन्धी भए तापनि वास्तविकतामा चाहिँ अन्तिम विपत्ति निकट हुँदा घट्ने घटनासम्बन्धी हुन् । त्यसैले सपन्याहको पुस्तकमा, यहूदा देश विनाश भएको समयको भन्दा अझ खराब अवस्था हुनेछ, यहाँसम्म कि आकाशका चराहरू र समुद्रका माछाहरूसमेत नष्ट हुने त्यस्तो ठूलो विपत्ति आउनेछ भनेर अगमवाणी गरिएको छ ।[३३] इजकिएलको पुस्तक पनि त्यसरी नै लेखिएको छ । तसर्थ इजकिएल ९मा उल्लेखित विपत्तिहरूबाट बच्ने चिन्ह, अनि प्रकाश ७मा उल्लेखित परमेश्वरको छापचाहिँ एउटै विषयका अगमवाणी हुन् । विपत्तिबाट बच्ने चिन्ह प्राप्त गर्नेहरू नै, परमेश्वरको व्यवस्थालाई त्यागेर मूर्तिपूजा गर्ने मानिसहरूका घिनलाग्दा कामहरू देखेर त्यसप्रति शोक र विलाप गर्नेहरू हुन् । अन्तिम विपत्तिमा बचाइनेहरूचाहिँ परमेश्वरको आज्ञा पालन गर्नेहरू मात्र हुन् भनेर सपन्याहले भनेका छन् ।
ए शर्मलाग्दो जाति हो, तिमीहरू एकसाथ जम्मा होओ, एकसाथ जम्मा होओ, नियुक्त गरिएको समय आउन अघि नै, र भुसजस्तै त्यो दिन बितेर जान अघि, परमप्रभुको भयङ्कर रीस तिमीहरूमाथि आउन अघि, र परमप्रभुका क्रोधको दिन तिमीहरूमाथि आउन अघि नै । हे देशका दीन हो, तिमीहरू, जो उहाँको आज्ञापालन गर्छौ, परमप्रभुको खोजी गर । धार्मिकता खोज, नम्रता खोज, र परमप्रभुका रीसको दिनमा शायद तिमीहरूले शरण पाउनेछौ ।
सपन्याहले, परमेश्वरको आज्ञा पालन गर्नेहरू विपत्तिबाट बचाइनेछन् भनेका छन्, इजकिएल ९मा चाहिँ निधारमा चिन्ह हुनेहरू भनिएको, र प्रकाश अध्याय ७मा चाहिँ निधारमा परमेश्वरको छाप भएकाहरू विपत्तिबाट बचाइनेछन् भनिएको छ ।[३४] विपत्तिबाट बच्ने एकमात्र चिन्ह भनेकै निस्तार-चाड हो । प्रस्थानको समयमा निस्तार-चाडको थुमाको रगत नै चिन्ह थियो, र त्यो चिन्ह भएका घरहरूबाट विनाशक स्वर्गदूत पार भएर गए । त्यसै गरी अन्तिम विपत्ति आउँदा, निस्तार-चाडको थुमाको वास्तविकता हुनुभएका ख्रीष्ट नै मुक्तिको चिन्ह अर्थात् परमेश्वरको छाप हुनुहुन्छ, र उहाँको रगत प्राप्त गरेकाहरू मात्र विपत्तिबाट पार हुनेछन् । परमेश्वरको आज्ञा रहेको नयाँ करार निस्तार-चाड नम्र मनद्वारा मान्नेहरूले परमेश्वरको छाप प्राप्त गर्न सक्छन् ।
परमेश्वरको छाप ल्याइदिनुभएका आन साङ होङज्यू
प्रकाश अध्याय ७मा उल्लेखित परमेश्वरको छाप लगाउने कार्य पूर्वबाट सुरु हुन्छ । योचाहिँ ई.सं. ३२५मा हराएको निस्तार-चाड, पूर्वी देश कोरियाबाट देखा पर्ने कुराको प्रकाश हो । निस्तार-चाड पुनर्स्थापना हुनेबारे यशैया अगमवक्ताले पनि अगमवाणी गरेका थिए ।
सर्वशक्तिमान् परमप्रभुले यसै पर्वतमा सारा मानिसहरूका निम्ति मीठा-मीठा थोकहरू– छिप्पिएको मद्य, असल-असल स्वादिष्ट थोकहरू, सबैभन्दा असल मद्यको भोज लाउनुहुनेछ । उहाँले यही पर्वतमा सारा मानिसहरूलाई ढाक्ने वस्त्र र सारा जातिलाई छोप्ने तन्ना हटाइदिनुहुनेछ । उहाँले मृत्युलाई सदाको निम्ति निल्नुहुनेछ । . . . त्यस दिन तिनीहरूले यसो भन्नेछन्, “निश्चय उहाँ नै हाम्रा परमेश्वर हुनुहुन्छ, हामीले उहाँमाथि भरोसा गऱ्यौं र उहाँले नै हामीलाई बचाउनुभयो ।”
परमेश्वरले मृत्युलाई सदाको निम्ति निलिदिन, लामो समयदेखि गुप्त राखिएको छिप्पिएको मद्यको भोज तयार गर्नुभयो । बाइबलमा, मृत्युलाई सदाको निम्ति निलिदिने र अनन्त जीवनको प्रतिज्ञा भएको दाखमद्यचाहिँ नयाँ करारको निस्तार-चाडको दाखमद्य मात्र हो ।[२३][३५] यो अगमवाणीचाहिँ, प्रेरितहरूको युगदेखि लामो समयसम्म नमनाइएको नयाँ करार निस्तार-चाड परमेश्वरले फेरि ल्याउनुहुनेछ भन्ने अर्थ हो । परमेश्वरबाहेक अरू कसैले प्रकट गर्न नसक्ने यो नयाँ करार निस्तार-चाड पुनर्स्थापन गरिदिनुभएका व्यक्ति आन साङ होङज्यू हुनुहुन्छ । प्रेरित यूहन्नाले प्रकाश देखेको पत्मोस टापूबाट पूर्वको पल्लो छेउमा अवस्थित देश गणतन्त्र कोरियामा ख्रीष्ट आन साङ होङज्यूको जन्म भयो । उहाँले ३० वर्ष पुग्नुभएको साल सन् १९४८मा बप्तिस्मा लिनुभएर नयाँ करार मुक्तिको सत्यता प्रचार गर्नुभयो । योचाहिँ सन् १९४५मा दोस्रो विश्वयुद्ध समाप्त भएपछि परमेश्वरको छाप लगाउने कार्य पूर्वबाट सुरु हुनेछ भन्ने अगमवाणीको पूर्णता थियो ।[३६] यशैयाको पुस्तकको अगमवाणीलाई हेर्दा, जसले नयाँ करार निस्तार-चाड ल्याइदिनुहुन्छ, निश्चय उहाँ नै हाम्रा परमेश्वर हुनुहुन्छ भनिएको छ ।
यो पनि हेर्नुहोस्
- आन साङ होङज्यू
- दोस्रो आगमनका येशूज्यू (दोस्रो आगमनका ख्रीष्ट)
- येशूज्यूको दोस्रो आगमनको समय
- येशूज्यूको दोस्रो आगमनको ठाउँ
- राजा दाऊदको सिंहासनको अगमवाणी
- निस्तार-चाड
- विपत्ति र निस्तार-चाड
बाह्य कडीहरू
सम्बन्धित भिडियो
- विपत्ति पार गराउने निस्तार-चाड
सन्दर्भ सामग्री
- ↑ "Seal"। Dictionary.com।
- ↑ "१ कोरिन्थी ९:२"।
- ↑ "रोमी ४:११"।
- ↑ "२ कोरिन्थी १:२२"।
- ↑ "यर्मिया ४:११-१९"।
- ↑ "उत्पत्ति १५:५"।
- ↑ "लूका १३:७"।
- ↑ "DOCUMENTING NUMBERS OF VICTIMS OF THE HOLOCAUST AND NAZI PERSECUTION"। Holocaust Encyclopedia।
- ↑ "प्रस्थान १२:२९-३०"।
- ↑ "प्रस्थान १२:३७-३८"।
- ↑ "२ इतिहास २९:२-३"।
- ↑ "२ इतिहास ३०:२"।
- ↑ "१ राजा १२:२५-२९"।
- ↑ "२ इतिहास ३०:१-१०"।
- ↑ "२ इतिहास ३०:११-१२"।
- ↑ "२ राजा १७:४-६"।
- ↑ "२ राजा १८:१३-१७"।
- ↑ "Sennacherib: The Assyrian King's Failed Second Siege of Jerusalem", वारफेयर हिस्ट्री नेटवर्क
- ↑ "२ इतिहास ३२:१०-११"।
- ↑ "२ राजा १९:३२-३३"।
- ↑ "हिब्रू १०:१"।
- ↑ "मत्ती २६:२८"।
- ↑ २३.० २३.१ "यूहन्ना ६:५४"।
- ↑ "यूहन्ना ६:५६"।
- ↑ "यर्मिया ३१:३१-३३"।
- ↑ "१ पत्रुस २:९"।
- ↑ "एफिसी १:७"।
- ↑ "१ पत्रुस १:१८-१९"।
- ↑ "रोमी ३:२५"।
- ↑ "रोमी ५:९"।
- ↑ "कलस्सी १:२०"।
- ↑ "प्रेरित २०:२८"।
- ↑ "सपन्याह १:३"।
- ↑ "प्रकाश ७:२-३"।
- ↑ "लूका २२:२०"।
- ↑ "प्रकाश ७:१-३"।