परमेश्वरको मण्डलीको प्रधान कार्यालय

परमेश्वरको मण्डलीको प्रधान कार्यालयको दृश्य

परमेश्वरको मण्डलीको प्रधान कार्यालय (यस उप्रान्त ‘प्रधान कार्यालय’)चाहिँ परमेश्वरको मण्डली विश्व सुसमाचार समाज(यस उप्रान्त ‘परमेश्वरको मण्डली’)को प्रतिनिधि संस्था हो । प्रधान कार्यालयले परमेश्वरको इच्छाअनुसार विश्वभरिका मण्डली र सन्तहरूलाई सहयोग गर्दै परमेश्वरको शिक्षा र प्रेम व्यवहारमा लागू गर्न मद्दत गर्दछ । यसले सारा मानव-जातिमा खुशी र मुक्ति प्रवाह गर्न निःस्वार्थ सहयोग गर्दछ । “जाओ, र सबै देशका जातिहरूलाई चेला बनाओ, ... मैले तिमीहरूलाई आज्ञा गरेका सबै कुरा पालन गर्न तिनीहरूलाई सिकाओ” (मत्ती २८:१९) भन्नुभएका येशूज्यूको वचनलाई पछ्याउँदै सबै देशका जातिहरूलाई राज्यको सुसमाचार सुनाउने मिसनलाई नेतृत्व गर्न निर्णायक भूमिका निर्वाह गरिरहेको छ ।

प्रधान कार्यालयचाहिँ ग्यङगी-दोको सङनाम-सी, बुन्दाङ-गुमा अवस्थित हुनुको साथै प्रतिनिधि मण्डली रहेको नयाँ यरूशलेम फान्ग्यो मन्दिरसँग नजिकमा पर्छ । यसको भवन जमिनमुनि ६ तला र माथि १२ तला छ । यहाँ सबै उमेर समूहका लागि शिक्षण, प्रशासन, कर्मचारी व्यवस्थापन, विदेश मिसन जस्ता विभागहरू हुनुका साथै परमेश्वरको मण्डलीको ऐतिहासिक सङ्ग्रहालय र अन्तर्राष्ट्रिय सम्मेलन कक्ष जस्ता सुविधा-स्थलहरू पनि छन् ।

प्रधान कार्यालयको जिम्मेवारी

पादरी कर्मचारी उत्पादन गरी विश्व सुसमाचार पूरा

परमेश्वरको मण्डलीको आध्यात्मिक प्रशिक्षालयचाहिँ प्रधान कार्यालयबाट सञ्चालित सङ्गठन हो, जहाँ पादरी कर्मचारीहरू उत्पादन गर्ने गरिन्छ ।

‘सबै मानिसहरू सत्यको ज्ञानमा आऊन् र मुक्ति पाऊन्’ भन्ने हेतुले तिनीहरूमाझ एलोहिम परमेश्वरको सत्यता र नयाँ करार पुऱ्याउन प्रधान कार्यालयले सुसमाचार कार्यलाई नेतृत्व गर्दछ । अनि यसले परमेश्वरको मण्डली आध्यात्मिक प्रशिक्षालयद्वारा अन्य देशहरूमा पठाइने पादरी कर्मचारीहरू उत्पादन गर्दै सन्तहरूलाई परमेश्वरको शिक्षाद्वारा डोऱ्याउने काम गर्दछ । यसले महादेश, देश र क्षेत्रहरूमा सुसमाचारको राँको बाल्न विश्वभरिका पादरी कर्मचारीहरूका लागि भेला, सम्मेलन जस्ता विभिन्न गतिविधिमार्फत विश्व सुसमाचारको केन्द्रको भूमिका पनि निभाउँदछ ।

मण्डली स्थापना र सञ्चालनमा सहयोग

सन्तहरूको संख्यामा तीव्र वृद्धि र नयाँ मण्डलीहरूका लागि अनुरोध आएसँगै प्रधान कार्यालयले विश्वभरि मण्डली स्थापना गर्न सहयोग गर्दछ । सन् २०२२को डिसेम्बरसम्ममा १७५ वटा देशका ७,५०० वटा ठाउँहरूमा परमेश्वरको मण्डलीहरू स्थापना भइसकेका छन् । यसले प्रत्येक देशमा भएका मण्डलीहरूलाई सहज रूपमा सञ्चालन गर्न, सत्यता र प्रेमको ठाउँको रूपमा आ-आफ्नो भूमिका निर्वाह गर्न, आराधना गर्न लगायत प्रचार र प्रशासन महाशाखा जस्ता विभिन्न गतिविधि गर्न समर्थन गर्दछ ।

सन्तहरूका लागि शिक्षा र कार्यक्रमको योजना

तेस्रो बाइबल वेबिनार

प्रधान कार्यालयले सन्तहरूलाई स्वस्थ धार्मिक जीवन भक्तिपूर्ण जिउन र असल चरित्र निर्माण गर्न नियमित रूपमा शिक्षा प्रदान गर्दछ । प्रधान कार्यालयले आधिकारिक वेबसाइट र युट्युब च्यानलजस्ता अनलाइन मिडियाद्वारा भिडियो र प्रकाशन सामग्रीहरू साझा गर्नुका साथै उमेर समूह र पदको आधारमा अनुकूल शैक्षिक कार्यक्रम पनि प्रदान गर्दछ । यसका केही उदाहरणचाहिँ अन्तर्राष्ट्रिय क्याम्पस विद्यार्थी बाइबल एकेडेमी [IUBA], अन्तर्राष्ट्रिय जागिरे युवा बाइबल एकेडेमी [IWBA] र अन्तर्राष्ट्रिय सैन्य युवा बाइबल एकेडेमी [IMBA] हुन् । यसले प्राथमिक तथा माध्यमिक विद्यार्थी शिविर, उच्च माध्यमिक विद्यार्थी शिविर र चरित्र शिक्षण कार्यक्रम राखेर शिक्षा दिने गर्दछ । प्रधान कार्यालयले विदेशी भाषा बाइबल प्रस्तुति प्रतियोगिता, नयाँ भजन उत्सव र नयाँ यरूशलेम सांस्कृतिक सामग्री अवार्ड जस्ता विभिन्न कार्यक्रमहरूद्वारा सन्तहरूलाई आफ्नो प्रतिभा प्रदर्शन गर्न र एकता प्रवर्धन गर्न अवसर प्रदान गर्दछ । प्रधान कार्यालयले विदेशी सन्त भ्रमण टोली कार्यक्रममार्फत राष्ट्रियता, संस्कृति र भाषालाई नाघेर सदस्यहरूलाई विभिन्न देशबाट आएका विदेशी सन्तहरूसँग प्रेम र मिलापमा रहन मद्दत गर्छ ।

कोरियाको फोहाङमा भूकम्प पीडितहरूका लागि अनुदान वितरण

स्वयंसेवाको लागि योजना र समर्थन

स्वयंसेवा

“आफ्नो छिमेकीलाई आफूलाई जस्तै प्रेम गर्नू” (मत्ती २२:३९) भन्ने ख्रीष्टको शिक्षाअनुसार असल सामरीको मनद्वारा समाजको सेवा गर्ने विश्वभरिका परमेश्वरको मण्डलीहरूलाई प्रधान कार्यालयले सहयोग गर्दछ । ठूलो मापनको विपत्ति, घटना वा दुर्घटना हुँदा, प्रधान कार्यालयले स्थानीय मण्डलीसँग सञ्चार गरेर त्यो ठाउँको अवस्थाबारे तुरुन्तै जानकारी लिई उचित सहयोग गर्ने गर्दछ । यसले आर्थिक कठिनाइ, रोग र वातावरण प्रदूषणले ग्रस्त मानिसहरूको कल्याणलाई समर्थन गर्न रक्तदान अभियान र वातावरण सरसफाइ जस्ता विभिन्न गतिविधिहरूको आयोजना गर्दछ ।

आकस्मिक राहत	विपत्ति मर्मत सम्भार सेवा, पीडितहरूलाई राहत, भोजन सहयोग, प्रकोपको पूर्वतयारी शिक्षण
गरिबी र भोकमरी न्यूनीकरण	आवास खर्च, बसाइँ, र सामान सहयोग
स्वच्छ पानी र सरसफाइ	पानी सुविधा सहयोग, जल पारिस्थितिक प्रणाली संरक्षण
स्वास्थ्य तथा कल्याण	रक्तदान क्याम्पेन, चिकित्सा सहयोग, रोग रोकथाम
कल्याण प्रवर्धन	बालबालिका, युवा र वृद्धको कल्याण, साथै छिमेकीहरूसँग प्रेम बाँडचुँड, सांस्कृतिक सञ्चार, सामुदायिक सहयोग
शैक्षिक सहयोग	शैक्षिक सुविधा-स्थल सहयोग, शैक्षिक वातावरण सुधार, चरित्र शिक्षा, जनचेतना जागरण
वातावरण संरक्षण	सडक, वन तथा जल वातावरण सुधार, वातावरण संरक्षण गोष्ठी र क्याम्पेन, सौन्दर्यीकरण क्याम्पेन
सांस्कृतिक सञ्चार	अर्केस्ट्रा कन्सर्ट, ‘हाम्री आमा’ लेख तथा तस्वीर प्रदर्शनी, ‘पिताको साँचो मन’ प्रदर्शनी

राष्ट्रिय तथा अन्तर्राष्ट्रिय कार्यक्रममा समर्थन

परमेश्वरको मण्डलीको प्रधान कार्यालयबाट सन् २००३ देगु युनिभर्सियाडमा समर्थन

मित्रता र एकता निर्माणका लागि आयोजना गरिने राष्ट्रिय तथा अन्तर्राष्ट्रिय कार्यक्रम र प्रतियोगिताहरूमा परमेश्वरको मण्डलीले भरपूर समर्थन गर्दछ । प्रधान कार्यालयले सन्तुलित र व्यवस्थित स्वयंसेवाको जग बसाल्नुको साथै त्यसको व्यवस्थापन र सञ्चालनमा पनि सहयोग पुऱ्याउँछ । विशेष गरी सन् २००२मा आठौँ बुसान FESPIC खेलको बेलामा देखाइएका विभिन्न प्रस्तुतिहरूले साँच्चै अविस्मरणीय छाप छोड्यो । सन् २००३ देगु ग्रीष्म युनिभर्सियाडको बेलामा, प्रधान कार्यालयले समर्थकहरूको प्रवर्धन समूह गठन गरी परमेश्वरको मण्डली औरा समर्थकहरूको लागि पहल गऱ्यो । यसले विश्वभरिबाट आएका सबै खेलाडीहरूका लागि ठूलो मापनका कार्यक्रमहरू आयोजना गरेर युनिभर्सियाड खेलकुदलाई सफल पार्नमा ठूलो भूमिका खेल्यो । जस्तै स्वागत तथा बिदाइ कार्यक्रम, खेलमा समर्थन, स्वागत रात्री भोज, खेलाडीहरूको देशलाई समर्थन, भाषा उल्था लगायत टूर गाइड आदि । यसबाहेक परमेश्वरको मण्डलीले सन् २००५मा एसियाली एथलेटिक्स च्याम्पियन्सिप र कोरिया अन्तर्राष्ट्रिय तीरन्दाजी प्रतियोगिता, सन् २००७मा कोरियाको आन्सङमा आयोजित विश्व सफ्ट टेनिस प्रतियोगिता, र सन् २०१६मा कोरियाको गिजाङमा WBSC महिला बेसबल विश्व कप जस्ता अन्तर्राष्ट्रिय प्रतियोगिताहरूमा समर्थन गऱ्यो ।

आबद्ध संस्थाहरू

• प्रकाशन मिसन सेन्टर
• भिडियो मिसन सेन्टर
• नयाँ भजन मिसन सेन्टर
• परमेश्वरको मण्डलीको आत्ध्यामिक शिक्षालय
• जनिसान प्रशिक्षण प्रतिष्ठान
• एलोहिम प्रशिक्षण प्रतिष्ठान
• ओग्छन गो एन्ड कम प्रशिक्षण प्रतिष्ठान
• दोङबेग प्रशिक्षण प्रतिष्ठान
• WMC प्रशिक्षण प्रतिष्ठान

सम्बन्धित भिडियोहरू

• परमेश्वरको मण्डलीको प्रधान कार्यालय र सम्बन्धित प्रतिष्ठानहरू